Malante homenaxea ao Malpica gañador da Liga e da Costa da Costa do 1985

09:58 12/03/25

Emotiva xornada a que se vai vivir o vindeiro sábado 22 de marzo, ás 19:00h no Centro Cívico de Malpica. A A.C. Malante vai facer entrega do seu premio anual, e neste 2025 quere lembrar un equipo mítico da vila: O SCD Malpica campoón da Liga e da Copa da Costa da tempada 1984/1985.

Numerosas personalidades participarán neste evento que lembra xogadores que marcaron unha época, agora que pasaron 40 anos. Estarán a meirande parte daquel equipo histórico, se ben hai varios que morreron e algún que vive fóra da península. Pero todos lembraran aos Bardanca, Juan, Cobiñas, Tasende, LanchaReigía III, Benigno (na foto na fila de arriba); e Tono, Ramonciño, Chouciño, Esmorís, Manoliño Fuentes, Millet e Castriño (na fila de abaixo nesta imaxe cedida por Pose e Porto).

Non faltarán membros do SD Cabana, como o fisterrán Manín, que disputou aquela apretada final da Copa da Costa. Lembran Lema e Rei na encicplopedia “50 anos Fútbol da Costa” que na ida disputada en Pedra Queimada, o partido rematou 1-1, con goles de Esmorís para os locais e Manín para os visitantes. A volta, nas Redondas rematara 3-3, sendo o heroe daquela tarde o meta cabanés, Reigía III, que parara dous penaltis e marcara o seu.
Foi o primeiro, e único, título copeiro da SCD Malpica, despois de caer ante a Esteirana na final de 1975, e antes de facelo ante o Xallas de Santa Comba na 2012/2013.