Seguimos percorrendo o Camiño dos Faros visitando as nosas salvaxes praias. Hoxe coñecemos a praia malpicá de Seaia. Outra desas praias que mestura o carácter salvaxe da nosa costa e os servizos para acceder en familia. Ademais, é unha das praias naturais máis cercanas ao núcleo urbano de Malpica, e a primeira que verás se comezas o camiño trasno.

A chegada ao areal é espectacular, pois o aparcamento, dende o alto, permite disfrutar dunhas vistas espectaculares do areal e da área recreativa. As mesiñas permiten facer unha excursión completa, e ademais de disfrutar do areal, facelo tamén dun xantar en familia.

Como chegar

Para chegar ao areal temos que chegar practicamente ata a entrada de Malpica pola AC-414 que vén de Buño. Antes de baixarmos á vila, apenas 50 metros despois do sinal do comezo da vila de Malpica temos que coller un desvío a man esquerda no medio dun par de isletas. Colleremos de novo á esquerda para coller a DP-4307 que se dirixe a Ponteceso, pero a apenas 500 metros collemos outro desvío, xa sinalizado, por unha pista de cemento, cara a dereita. Hai que facer unhas curviñas pero pronto chegas ao alto da praia, que conta cun aparcamento ideal para pasar unha noite na furgoneta.

Dende o paseo marítimo malpicán tamén se pode acceder, a través da praia de Canido, por unha pista de terra sinalizada coas marcas verdes do Camiño dos Faros.

Outros RECUNCHOS DA COSTA

• A praia da Barda.
• Os Muíños da Ribeira.
• A área fluvial de Verdes.
• O Pozo da Orca.
• Praia fluvial de Carreira.
• As casetas da Feira na A Ponte Olveira.
• O Pozo Encantado de Salgueiros.
• O Fuso da Moura
• Pedrafita do Marco da Anta ou Menhir de Erboedo.
• A Ponte do Peón de San Crimezo do Ézaro.
• Cabo Roncudo.
• A ponte da Pontenova.
• A Furna do Osmo.
• Mirador de Louredo.
• A área recreativa de Gabenlle.
• O Cabo, e Faro, Vilán.
• As praias de Reira e o foxo do lobo.
• O Cemiterio dos Ingleses.
• As praias do Trece e a Duna Monte Branco.
• O hórreo de Carnota.
• O hórreo de Lira.
• A Fervenza de Noveira.
• O Casco Vello de Corcubión.
• Os petroglifos de Boallo.
• A ruta do Muíño de Louredo.