Ca moción de censura en cernes, a mocidade pontecesá que forma parte da Asociación Somos Máis de Ponteceso que Pondal está intentando mediar no circo político que ten a vila. E pensaron que a poderían facer algo para chegar a un acordo entre todas as partes e intentar evitar a dramática perda do POS, por exemplo, xa que nun primeiro momento todos os grupos aceptaron unha reunión conxunta. Pero a realidade acaba de darlles a primeira labazada.

A reunión, convocada para onte, quedou suspendida pola “resposta negativa á proposta dunha reunión conxunta por parte dalgún deles”.

”Malia non poder levar a cabo esta reunión, dende a nosa plataforma queremos denunciar unha vez máis a situación insostible que temos no noso concello, na que as distintas partes son incapaces de sentarse na mesma mesa para intentar revertir esta situación, e facer política para a nosa vila. Feito que queda demostrado co rexeitamentrexeitamento desta iniciativa, a cal entendemos como un paso atrás no noso fin: Buscar unha solución o problema administrativo do concello”, explican.

”Entendemos as discrepancias que poidan existir entre goberno e oposición, tanto a nivel político como na propia xestión do concello. Mais sorpréndenos a falta de interese para poder chegar a consensos e demostras esa predisposición da que presumen ter nunha xuntanza con nós. Desafortunadamente, decisións e feitos como estes demostran unha falta de interese enorme por parte dos nosos representantes para defender os intereses da xente da nosa vila de forma axeitada”.

A súa intencion agora é celebrar unha reunión coa veciñanza, para escoitar o sentir da xente, invitando a participar na entidade (poden contactar con [email protected]).

Novas relacionadas

• 15-04-2021: Albíscase xa a moción de censura en Ponteceso.
• 15-02-21: O GES de Ponteceso rompe anos de silencio contra o seu alcalde: “Ese “señor” non nos representa”.
• 14-02-21: Novo audio de Carballido: “O máis fácil e o máis lóxico é non renovar o convenio co GES”.
• 12-04-21: Un panfleto contra Carballido e unha colleita de sinaturas polo consenso na campaña eterna que vive Ponteceso.
• 10-04-21: Novo audio de Carballido: “Ti dame os gastos, que eu xa consigo tíckets”.
• 04-04-2021: Piden á Provincial Socialista a dimisión de Carballido.
• 01-03-2021: Denuncian ante a Garda Civil a posible destrución de documentos do alcalde de Ponteceso.
• 31-03-2021: O audio que non se puido escoitar no pleno de Ponteceso.
• 29-03-2021: O Pleno de Ponteceso aproba unha comisión informativa para investigar as gravacións.
• 27-03-2021: Ponteceso, único concello da Provincia sen POS pola irresponsabilidade dos seus políticos.
• 12-03-2021: Terceiro pleno inútil para salvar o POS de Ponteceso.
• 04-03-2021: Os políticos de Ponteceso continúan co seu circo plenario.
• Decembro 2020: Os voluntarios de Protección Civil de Ponteceso lamentan “as decisións unilaterais e vingativas do alcalde”.
• 9-10-2020: Os edís chantaxeados de Ponteceso queréllanse contra o alcalde e contra La Voz de Galicia .
• 27-10-2020: Carballido cambia a Xunta de Goberno e a Provincia Socialista abre expedientes aos 3 edís gravados con cámara oculta.
• 26-10-2020: Marco Varela: “Vergonza”.
• 25-10- 2020: Chantaxe ou montaxe?.