Rematou a Liga para os equipos do Voleibol Dumbría en todas as categorias co resultados dispares. Por arriba, os Sénior pecharon a temporada da súa estrea cun meritorio 4º posto en balance moi positivo.

En categorías base, teremos 2 equipos na Fase Final, pero outros 4 que quedan fóra. Os Cadetes do Volei Dumbría e os Infantís do Manuela Rial estarán no Campionato Galego o vindeiro mes de maio.

Polo lado triste, amarga foi a vitoria dos Xuvenís, pois quedan fóra por un set, tras vencer ao Burgas e quedar empatados co Emeve, pero o mellor cociente dos lucenses danlle o pase entre os 4 primeiros. En todo caso, o equipo ten moito futuro pois a meirande parte son cadetes.

3 costeiros na Selección Galega

Ademais, hai boas novas en canto ás convocatorias ca Selección Galega. Despois dunha Semana Santa de preparación coa concentración da Selección Cadete en Dumbría, 3 dos xogadores dumbrieses partirán esta fin de semana cara Valladolid, onde do 9 ao 12 de abril se disputará o CESA 2015, o Campionato de España de Selección Autonómicas.
Ca sele Cadete estarán Unai Larrañaga e Marco Oreiro e coa Infantil o fará Xabi Larrañaga.

Senior 2ª División A

Despois da ultima derrota ante CV Burgas de Ourense por un axustado 2-3 o equipo dumbriés acaba en 4ª posición nesta primeira tempada do equipo senior. O balance foi positivo nun equipo novo e en formación, que pese acusar a lesión do colocador Marcote e a baixa de Touriñan por cuestións laborais, puido competir ata o final a bo nivel.

Xuvenil masculino

A derradeira vitoria por 3-0 ante CV Burgas non foi suficiente para clasificar o equipo entre os catro primeiros que dan opción a disputar o Campionato Galego. O Voleibol Dumbría quedou empatado a puntos co Emeve de Lugo pero o mellor cociente de set dos lucenses fai qe queden fora do galego por so un set. O equipo, no que compiten só catro xogadores en idade xuvenil, tivo na súa man a clasificación se non descuidara os set en algún partido que tiña ganado.

Cadete masculino

A vitoria da ultima xornada deixo o equipo en 4ª posición e clasificado para o galego que se disputara en maio. Agora o obxectivo e preparar ese campionato que vai a estar moi igualado nas mellores condicións.

Infantil masculino

A vitoria por 3-1 ante os de Ourense fai que o equipo do Manuela Rial ocupe a 4ª praza que da lugar a xogar a fase final do campionato galego. Esta clasificación xa se pode considerar un exito xa que e un equipo con xogadores de primer ano e algúns aínda máis pequenos que aprenderon a competir. No Galego, o obxectivo será participar e coller experiencia.

Cadete femenino

Peores foron os resultados nas rapazas que quedaron 11ª na clasificación e terán que xogar os cruces de promoción para evitar o descenso de categoría. O equipo estivo plagado de lesións e enfermidades que lastraron moito o equipo.

Infantil femenino

Malos resultados tamén das infantís, moi superadas pola categoría acabando últimas na clasificación, o que fará moi complicada manter a categoría nos cruces.

Crónicas da temporada

• Dúas vitorias dos seniors nunha xornada repleta colocan ao Volei Dumbría na 3ª praza.
• Os Xuvenís do Volei Dumbría alónxanse do Campionato Galego.
• Os cadetes do Voleibol Dumbría aseguran a fase final do galego.
• Os Cadetes do Volei Dumbría case aseguran unha praza no Campionato Galego.
• As cadetes manteñen o tipo do Volei Dumbría.
• A Selección Galega de Volei, no Conco e con acento costeiro.
• Os Sénior do Volei Dumbría volveron de Lugo cunha vitoria ante un histórico.
• A gripe pode cos cadetes do Volei Dumbría.
• Os Sénior e os Cadetes manteñen o ritmo do Volei Dumbría.
• Os cadetes do Volei Dumbría seguen na loita.
• Os cadetes do Volei Dumbría seguen competindo cos mellores da Liga Galega.
• Mala xornada para os equipos femeninos do Volei Dumbría.
• A baixa de Manuel Marcote mingua o poderío do Volei Dumbría.
• Xornada curta e mala para o Volei Dumbría.
• Os Sénior do Volei Dumbría tamén saben perder.
• 4 vitorias claras e unha derrota disputada para a familia do Volei Dumbría.
• Os Sénior do Volei Dumbría estréanse en casa con vitoria.
• O Volei Dumbría segue sumando vitorias.
• Histórico debut, con vitoria, dos Sénior do do Voleibol Dumbría.
• Os equipos de base preparan o camiño para o histórico debut dos Sénior do Volei Dumbría.
• O Volei Dumbría estrea equipo Sénior.
• Un internacional e un título autonómico para a familia do Volei Dumbría.
• A praia do Ézaro servíu de colofón para os campións galegos de Volei Praia.
• O Ézaro foi o centro do Volei Praia de toda España.
• O equipo sub-17 do Volei Dumbría vence a 2ª proba do Campionato Galego.
• O Volei Dumbría quedou aos pés das Semis do Campionato de España.
• Un bronce con acento costeiro no Campionato de España de Seleccións de Voleibol.
• Un Campionato de España moi real para os 5 xogadores do Volei Dumbría.

Fonte

• Volei Dumbría.