Resultados da fin de semana no fútbol costeiro

Deportes Fútbol da Costa

22:12 10/04/11

Nova fin de semana de fútbol na Costa. Xa coas Copas en marcha, temos partidos por todas partes. E comezamos o repaso, coma sempre, por arriba, e falando dunha nova vitoria do Soneira ante o potente Dorneda (3º na táboa) demostrando que os de Manolito xa forman parte da zona noble da Preferente. Na 1ª Autonómica non foi a mellor xornada para os nosos, pero seguen aí coas opcións intactas de ascenso. Xallas e Dumbría empataban, o primeiro co penúltimo clasificado e o Dumbría contra o Sada, 4º a un punto do trío de cabeza. I é que ambos comparten agora o liderato co Unión. Achégase o Cee tras vencer ao Zas e se volve meter no meollo a tan só 4 puntos dos líderes. 3 xornadas de infarto aínda quedan. Na Liga da Costa, o máis salientable é o empate-sentencia colleitado entre Carnota e Porteño que deixa aos dous conxuntos practicamente nos postos de descenso. Parece que Corme, O Pindo e demais poden respirar tranquilos e só o Baio podería ser alcanzado polo Porteño pero cun puntiño bastaríalle para asegurar a permanencia. Polo demais, Ponteceso e Camariñas seguen ao seu, pero desta volta o líder sufríu para desfacerse da Esteirana.

Copa Xuvenil

Tamén estiveron interesantísimas as Semifinais da Copa Xuvenil, cun Corme espectacular que fixo da final adiantada entre Campión norte e Campión Sur un trámite e xa ten pé e medio na final. Pola outra banda, Baio e Soneira empataron e deixan todo aberto para a volta. Xa podedes ver as crónicas das semifinais en www.copadacosta.com.

Preferente, xornada 35

Soneira

2-1

Dorneda

1ª Autonómica, xornada 31

Dumbría	0-0	Sada
Zas	0-2	Cee
Calo	2-2	Xallas

2ª Autonómica, xornada 31

Muros	5-0	Vimianzo
Club do Mar	3-1	Buño
Carnota	1-1	Porteño
Camariñas	3-0	O Pindo
Ponteceso	3-2	Esteirana
Baio	1-3	Sofán
Corme	5-2	Dumbría B
Castriz	4-0	Fisterra
San Lorenzo	3-2	Malpica