Fases de Ascenso: O Dumbría queda só ante o ascenso e xa ten rivais

Fases de Ascenso: O Dumbría queda só ante o ascenso e xa ten rivais

13:01 01/06/15

O Cabana cadete non puido co Palas-Foto-Cabana

Tiñamos dous equipos con opcións de meterse nas Ligas Galegas e xa só nos queda un. A primeira eliminatoria das fases deixou polo camiño aos Miúdos xuvenís e ao Cabana Cadete, e se ben aínda o XSC ten unha bala para este martes na casa ante o Fátima, non o ten sinxelo. Deste xeito, o Dumbría Xuvenil queda como aspirante ao ascenso despois de superar con solvencia ao Bastavales e xa ten rivais para as dúas seguintes eliminatorias que terá que superar.

O Dumbría xa ten seguinte rival na Fase de Ascenso á Liga Galega Xuvenil: o Betanzos que vén de superar aos Miúdos, pero que pode ser un equipo perfectamente asequible.
Se pasa, terá a eliminatoria final ante o gañador do Calasanz B - Bertamiráns.

Fase de Ascenso á Liga Galega Xuvenil

Resultado: Dumbría - Bastavales (3-0)
DUMBRÍA: Bruno, Pablo, José Miguel, Canario, Jano, Marcos, Cacha, Mauro, Edu, Marcote e Juan de Dora. Tamén xogaron: Charly, Josiño, Maikel, Portu e Jorge.
Goles: 1-0, min.25: Cacha tras combinar con Marcote; 2-0, min.50: Marcote nun córner; 3-0, min.70: Cacha pola escuadra de falta.

Partido no que o Dumbría dedicouse a controlalo a través da posesión do balón para non sufrir e o mesmo tempo mermar o rival fisicamente. Pouco a pouco o Bastavales foi sufrindo no aspecto físico e o Dumbría impuxo a súa calidade para gañar con solvencia. Primeiro unha xogada entre Marcote e Cacha que este último fusilou ante o porteiro rival, así chegou o 1-0.

No descanso quedaría Juan de Dora na caseta por un golpe, máis por precaución, ao igual que Jose Miguel que tiña unha amarilla e non quixeron arriscar. Na segunda, un corner rematado no primer pau por Marcote sería o 2-0 e máis tarde un lanzamento de Cacha a escuadra o 3-0. De aí ao final máis ocasións do Dumbria que seguiu impoñendo o seu ritmo xa que os xogadores que entraron desde o banco aportaron moita intensidad e traballo.

Fase de Ascenso á Liga Galega Xuvenil

Resultado: Os Miúdos - Betanzos (1-4)

Non ten o físico a estas alturas o cadro muradán para competir a este nivel. Tras mes e medio de parón, e case sen adestrar, tocoulle enfrontarse a un Betanzos máis fresco, que sen ser dos mellores da categoría, impuxo o seu ritmo e xa sentenciara na ida cun 4-0. Non saíu de balde o cadro de Mané Senande, que nos primeiros 25 minutos tivo dúas boas ocasións para soñar coa remontada. Pero á contra chegou o primeiros dos betanceiros e aí morreu o partido. Chegaron a empatar os muradáns, pero a segunda metade se fixo moi longa, e volveron caer outros 4.

Así e todo, o equipo dos Miúdos pecha así un ano espectacular. O primeiro ano nesta categoría como MIúdos, conseguindo meterse entre 2 mellores equipos da categoría, algo impensable ao comezo do curso.

Fase de Ascenso á Liga Galega Cadete

Resultado: Cabana - Palas (0-6)
CABANA: Darío (Pablo, min.60), Fernando (Castro 40), Rubén, Álex (Enrique, min.55), Bieito, Samuel, Alberto, Breo (Sergio, min.53), Manuel, Pedro (Óscar, min.48) e Santi.

Derrota sen paliativos do Cabana ante un superior Palas nas Redondas. Comenzou o partido con dominio dos locais que xa no minuto 3 viron como non sinalaba un clarisimo penalti na área do Palas logo dunha clamorosa man do defensor visitante. Seguiu tentando o Cabana e á saída dun corner remate de Alberto que saca un defensa baixo pau co porteiro xa batido. Todo marchou de xeito igualado ata o primeiro gol do Palas que aproveitou a tenra defensa local para adiantarse e marcar o segundo en poucos minutos. Tentou recuperarse o Cabana pero os ánimos estaban baixos e un penalti sinalado equivocadamente polo colexiado puxo o 0-3 que acabou con equipo das Redondas.

Xa na segunda parte, paseo militar para os visitantes e minutos para todos os xogadores terminando o encontro cun 0-6 sen paliativos. Eliminatoria que transcurriu cun comportamento exemplar dos dous equipos sen malos modos nin protestas.