O equipo xalleiro do Amarelle Concello de Santa Comba, dirixido por Nacho Tuñas e auxiliado por Sergio Vieites, afrontaba a penúltima xornada ante o pechacancelas deste grupo da 1ª Galicia. Foi un choque igualado pero un gol de Andrea, a falta de tres minutos para o final, deu unha nova vitoria para o Amarelle Concello de Santa Comba; que queda a unha vitoria de certificar o título de liga.

Pola súa parte, o pavillón de Cee despediu a temporada o Fisober, nun partido que ademais servía para despedir a Dani Costa que despois de tres tempadas ao frente deixa o cargo de adestrador do primeiro equipo a vindeira tempada para voltar a adestrar nas categorías inferiores do club.

Liga Regular A da Liga Primera Autonómica Feminina, xornada 10

• Resultado: Amarelle Santa Comba - Seguridade Galega 5 Coruña FSF (1-0).
• Amarelle Concello de Santa Comba: Eva Igrexas, Elsa Souto, Tania, Andrea, María (cinco inicial), Ge, Sheila, Nuria, Lucía Sestayo, Eva Lema, Lidia.
• Goles: 1-0 Andrea (min. 47).

O partido empezaba con dous equipos que se coñecen e moito desta tempada; pois era o cuarto partido no que ambos equipos enfrontábanse; e tíñanse as medidas moi ben tomadas. As xalleiras trataron de chegar á portería contraria e adiantarse pronto no marcador; pero a igualdade do choque foi crucial para que o partido fósese ao tempo de asueto co 0-0 inicial.

Na reanudación, a dinámica do xogo non variaba , ata que a falta de tres minutos para a conclusión chegaría o gol de Andrea, que poñía o 1-0 no marcador, e que ao cabo resultaría definitivo para dar a vitoria ao conxunto laranxa e asentalo no liderato da competición liguera.

Xa pensa no último partido de Liga ante o Grupo Forma-t Vilalba FSF B.

Preferente Galicia, xornada 30

• Resultado; FISOBER FSF – ED VIGO 2015 (1-1).
• FISOBER: Sharay, Paula Fandiño, Ana, Uxía, Saray; tamén xogaron: Claudia, Lucía Martínez, Adriana, Nuriña, Lucía Canosa, Carre.
• Goles: 1-0 min 13 Ana, (descanso), 1-1 min 23 Ana María.

O partido era decisivo para as olívicas que se xogaban o descenso e as locais que querían mellorar a clasificación. Un gol de Ana adiantaba as costeiras na primeira metade. A volta de vestiariros un gol de Ana María poñía a igualada no electrónico que xa foi definitivo. O resultado non mellorou a clasificación de ningún dos equipos, as costeiras que de gañar ao menos serían quintas na táboa, e unhas olívicas que descenderon pero aínda que gañaran non se salvarían polos resultados que se deron na xornada.

O Club agradece o compromiso de Dani Costa nestas tres complicadas marcadas polo covid, nas que acadou a permanencia con solvencia rematando este curso nunha 6ª posición.

O Fisober, un ano máis na Liga Galega Cadete

Das categorías inferiores do cadro dumbriés, tan só competía o cadete masculino que era o último equipo da base do Fisober por pechar a tempada e acadou o punto que necesitaba para garantir a permanencia na Liga Galega unha tempada máis, asegurando non sufrir na última xornada e ademais evitando os posibles arrastres, acadando unha meritoria novena praza da clasificación.
Polo Fisober formaron: Brais, Pablo Costa, Javi, Iago Larrañaga, Álex; tamén xogaron: Adrián, Leo, Adan, Yonatan. E os goles costeiros foron obra de Iago Larrañaga en dúas ocasións, Pablo Costa, Álex, Adrián.

Máis información

• Clasificación do Fisober da Preferente Feminina.
• Clasificación do Amarelle Santa Comba na 1ª Autonómica.

Novas relacionadas

• FSF: Carla Martínez, a ceense capitana da Selección Galega.
• Elena Vázquez, encantada coa “experiencia chulísima” da Selección Española.

Máis crónicas do FSF

• O Amarelle Santa Comba mantén o liderato.
• O Amarelle Santa Comba colócase líder en solitario.
• O Fisober afianza a 4ª praza e o Amarelle Santa Comba conta as horas para a visita do líder.
• FSF: O Fisober asegura a permanencia e mira cara arriba.
• Fisober e Amarelle Santa Comba suman novas vitorias.
• FSF: O Fisober sobre a primeira derrota no Conco e o Amarelle Santa Comba segue gañando.
• FSF: O Fisober caeu en Begonte.
• O Fisober desfai o maleficio do pavillón de Cee.
• FSF: 4 de 6 para o Fisober na finde mentres o Amarelle Santa Comba comeza a segunda fase con vitoria.
• FSF: O Fisober non puido sumar ante o Lieders.
• FSF: O Fisober consegue endosarlle a primeira derrota ao líder e o Amarelle Santa Comba segue imparable.
• FSF: O Fisober afianza un empate no Carballiño que alonxa o perigo.
• FSF: O Fisober escapa do perigo dende Vigo.
• O Fisober despide o ano con sorriso.
• FSF: As televisivas do Fisober volven cun empate de Vigo.
• FS: O traveseiro evitou alegrías para Fisober e Villa de Cee.

Crónicas do FUTFEM