Non vale a esperanza de que a nova Conselleira de Infraestruturas sexa de Ponteceso. Ao BNG non lle cola, e por iso envía unha nova nota, unha máis, esixindo que a Autovía da Costa da Morte sexa unha realidade canto antes.
Teñen pasado polos medios esixindo esto mesmo en nese setembro e nese mesmo outubro, ademais de en marzo deste mesmo ano. Pero a Xunta fai oídos xordos das esixencias da oposición como da veciñanza.

Onte era a parlamentaria Ana Pontón, acompañada de varios responsables costeiros, a que se achegaba ao lugar de Santa Irene, en Vimianzo, o mesmo lugar no que denunciaban a parálise das obras en marzo de 2013, “no que se pode ver que a pesares do tempo transcorrido nada cambiou”, sinalan.

Hoxe, 8 meses despois de presentar unha iniciativa, falarase no Parlamento, sobre a Autovía Costa da Morte. O BNG comparará as obras da Autovía co Escorial, denunciando que “logo de moitas promesas e visitas do Goberno á Costa da Morte a realidade é que as obras seguen paralizadas, alonxándose cada vez máis no tempo o remate desta infraestrutura. Unha situación que vén sendo denunciada tanto nesta comarca, como no propio Parlamento Galego. Porén a Xunta de Galiza pretende negar o evidente e tapar as súas responsabilidades e complicidades cos incumprimentos das empresas concesionarias”.

Recordaron tamén as críticas ao feito que consideran “escandaloso”, de que a Xunta adxudicara o proxecto á oferta máis cara e que siga optando por unha fórmula que encarece ata en 4 veces o custe das infraestruturas. E aínda enriba a empresa se declara en creba polo que non pode levalas adiante…

Multar á concesionaria e rematar con fondos públicos

Por iso, dende o BNG instan á Xunta de Galiza a “resolver o contrato para a construción da Autovía da Costa da Morte coa empresa concesionaria, impóndolle as penalidades previstas no prego, renunciando á formula concesional e asegurando a finalización das obras a través da execución dun contrato de execución de obra pública”.

Novas relacionadas

• Unha pontecesá como nova Conselleira de Infraestruturas. Porta aberta á Autovía.
• 05-05-14: A eterna promesa incumplida da Autovía Costa da Morte.
• 10-03-14: Preguntando pola volta ás obras da Autovía.
• 03-12-13: A Xunta promete retomar as obras do treito Carballo-Baio da Autovía a primeiros de ano.
• 31-10-13: A Autovía volveu ao Parlamento e terá alomenos 3 anos de retraso.
• 25-10-13: A concesionaria da Autovía Costa da Morte, en creba.
• 04-10-13: O BNG pide que se anule o contrato coa concesionaria da Autovía e que a Xunta asuma un contrato de obra pública.
• 20-09-13: Os Concellos de Carballo, Vimianzo e Zas pregúntanlle á Xunta polas obras da Autovía.
• 11-09-13: O BNG denuncia a eterna parálise da Autovía Costa da Morte.
• 14-03-13: O Conselleiro ríese da Costa da Morte asegurando que a Autovía estará rematada no 2016.
• 04-03-2013: O BNG denuncia a eterna parálise da Autovía Costa da Morte.
• 05-02-13: A Xunta recoñece case un ano de parálise na Autovía Costa da Morte.
• 08-10-12: A Xunta rectifica as verbas de Hernández e insiste en que a Autovía non está paralizada.
• 26-09-12: A Xunta ratifica os retrasos na Autovía ante a falta de financiamento da empresa.
• 22-09-12: A Autovía que separa.
• 20-09-12: A Autovía da Costa da Morte non estará rematada no 2013.
• 19-09-12: Os alcaldes da Costa únense ante a paralización das obras da Autovía.
• 06-06-12: As máquinas volven á Autovía e a Xunta asegura que se cumplirán os seus prazos.
• 06-06-12: Un poboado calcolítico afogado polo asfalto.
• 24-04-12: O Conselleiro ratifica unha Autovía rematada no 2013 e sen peaxe.
• 13-04-12: Os camións da Autovía paran.
• 03-04-12: Paralizadas as obras da Autovía?.

Outras novas

• Compartir coche, conexión directa da Costa da Morte co mundo.
• Renovados os horarios de Autobuses en QPC, o único espazo de información unificada.

Fonte

• Redacción de QPC ([email protected]).
• BNG Costa da Morte.