Menos dunha semana para a II Gala do Fútbol da Costa - QPC e para a grande festa do Fútbol Costeiro. Xa sabemos os primeiros nomes dos que serán escollidos como os mellores do curso e o vindeiro venres saberemos os galardoados. Pero antes, temos que coñecer moitas máis cousas que aconteceron nesta intensa última fin de semana de primavera.

En www.copadacosta.com temos xa todos os resultados, despois dunha fin de semana con 4 frontes moi abertas: as semis da Copa da Costa, o posible ascenso do Zas, a promoción da 3ª e a Fase de Ascenso á Liga Galega Xuvenil.

Xa temos finalistas de Copa

Como estaba previsto, o XSC convertíase o sábado no primeiro finalista tras volver a golear a un Seaia que estaba máis pendente do San Adrián, se ben para eles só chegar ata aquí foi toda unha alegría. Unha semifinal na que a boa nova deuna Doro, facendo de adestrador pero tamén saltando ao céspede trala súa longa lesión mesmo marcando un gol de penalti.

A gran atención destas semis centrábase no Cairo. Tralo 1-1 da ida, Corme e Sofán prometían un fermoso espectáculo e non defraudaron a pesar da calor. Foron 90 minutos intensísimos, e só contra o final, cos dous equipos moi cansos, e co Sofán volcado por conseguir un tanto, o Corme conseguíu marcar 2 goles xa no desconto por medio de Lucas e Brais Torrado para sentenciar confirmar que a final da CopadaCosta 2015 será Corme-XSC.

O Zas, ás portas do ascenso

Aínda pendentes do Zas, a que chegue a Garda Civil... Necesitaba o Zas alomenos un empate para conseguir o ascenso e permitir que o Montelouro manteña a 2ª Autonómica. Un ambientazo en San Andrés prometía o partidazo, pero os goles do Tordoia e o colexiado augaron a festa... por agora.

Adiantouse o Tordoia, Rubio empataba a falta de 15 minutos para delirio da parroquia local, pero no min.90 o Tordoia marcaba o segundo enfriando o ambiente. Saltaban varios afeccionados visitantes, caía un xeo á area e o colexiado, faltando só 2 minutos decidía suspender o choque ata que chegase a Garda Civil. Media hora despois reanudábase o choque pero o Zas non era quen de poñer a igualada e quedarà un ano máis na 2ª, provocando ademais o definitivo descenso do Montelouro á 3ª Autonómica.

Coristanco, ascende finalmente

É o Coristanco novo equipo da Liga da Costa tras vencer 1-0 na Rocheira na volta da final da Promoción da 3ª. A ida en Corcubión remataba cun apretado 1-1 e un tremendamente intenso choque de volta deparou que sexa o cadro de Da Silva o novo equipo da 2ª Autonómica.

Por un Dumbría de Liga Galega

Deixa para o Conco o Dumbría do ascenso, ou alomenos iso esperamos tralo 0-0 da ida en Bertamiráns. Os de Óscar Leis e Diego Lobelos empataron sen goles no partido de ida e xogaranse a unha soa baza o ansiado ascenso á Liga Galega Xuvenil.

A final da Copa dos Veteranos

Coristanco-Ponteceso será a final da Copa dos Veteranos. O Coristanco xa metera os dous pé as final na ida, pero o Ponteceso sufriu para dar a sorpresa e eliminou a todo un Soneira, un dos grandes da categoría.

Copa da Costa, volta das semis

Fase de Ascenso á 1ª, 6ª xornada

Promoción da 3ª, 6ª xornada

Fase de Ascenso á Liga Galega Xuvenil, ida da final

Copa da Costa dos Veteranos, volta das semifinais

Novas da Gala

• Os primeiros candidatos aos Premios da Gala Fútbol da Costa – QPC.
• En marcha a II Gala do Fútbol da Costa – QPC.

Crónicas da semana

• Fases de Ascenso: O Zas gasta unha bala e Coristanco e Corcubión empatan na ida.
• Copa da Costa: Encontro de ida das Semifinais.
• Copa da Costa de Veteranos: O Coristanco mete un pé na final.
• Fase de Ascenso: O Dumbria a polo último esforzo para estar na Galega.

Artigos futboleiros

• Manuel Varela: Dous cadetes nas semifinais da Copa da Costa.
• Corredoira: Case 100 adestradores titulados en dous anos na Costa.
• Héctor Pose: Un árbitro á sombra dun rododendro.
• Lema Suárez: A curiosa prehistoria do fútbol da Costa daqueles anos vinte.
• Da necesidade dun relevo nas Directivas dos equipos do Fútbol da Costa.
• Pide o teu libro sobre o Bayern de Pep.
• Un vídeo para motivar ao Sporting Zas.
• Alberto Pose: Queremos sanear o Fútbol da Costa?.

Primeiros títulos colleitados

• Zas e Sofán foron as capitais do Fútbol Base costeiro.
• Cabana e Muxía, os últimos campións dos peques de F8.
• Os campións costeiros de F8 disfrutaron de fermosas Fases Finais.
• 3ª Autonómica: Un ascenso agónico do Ameixenda.
• O Outes faise co título da Liga da Costa nunha tarde de verdadeiro infarto.
• O Cerqueda certifica o título da 3ª e un histórico ascenso.
• Iago Lema e Nacho, pichichi e porteiro menos goleado da 3ª-
• Anxo e Gato, os porteiros menos goleados da 1ª e 2ª Autonómica.
• Alejo e Piti, os primeiros pichichis do curso.
• XSC e Cee disfrutan dos títulos de Campións da Copa da Costa.
• O Dumbría sofre pero supera á Esteirana e tamén gaña a Copa da Costa Xuvenil.
• O Cee suma outro título cos Alevíns de F8.
• Un título de Prebenxamíns con dous gañadores.
• Veteranos: O San Román róuballe o título ao Coristanco no último suspiro.
• Os Benxamíns agrandan o mito da eterna canteira fisterrá.
• O XSC celebrou o título Infantil e buscará o ascenso á Liga Galega.
• O Corme festexa o título Cadete e o Cabana a Fase de Ascenso.

Máis información

• www.copadacosta.com.
• Descargar a APP do Fútbol da Costa.
• Facebook do Fútbol da Costa.
• www.futboldacosta.com.

Fonte

• Redacción de QPC ([email protected]).