De novo o pranto apaga a miña voz. En presencia da miña dor o ancián non ten ánimo para proseguir. E foron as súas últimas palabras na porta do xardín, como sinal de despedida, un bálsamo para a miña dor. Estas foron as palabras que deixou caer no meu corazón o bo cura de Bértoa:
“Coa modesta esmola dos labregos desta aldea merquei a caixa que garda ao pintor Francisco Miguel”.

Estas son algunhas liñas da protagonista do mes de agosto de 2012 da Galería Mulleres do Concello de Muxía. Unha Galería que segue, dende marzo de 2010 repasando a historia da muller nome a nome, personalidade a personalidade.

Este agosto toca Syra Alonso (A Coruña, 1899- México, 1970). Syra Alonso é a autora dos Diarios publicados no ano 2000, traducidos ao galego por Anxos Sumai, unhas memorias que son ademais unha crónica extraordinaria e desgarradora da represión franquista, sufrida por ela mesma co fusilamento do seu home, coa terrible crueldade da amputación das súas mans, o pintor Francisco Miguel, no ano 1936 e toda a traxedia que viviu ata embarcar cara México cos seus tres fillos.

Syra, non só era musa de Francisco Miguel, senón que foi unha intelectual que compartía amizade, inquietudes e ideoloxía coa vangarda da época. Logo da morte do seu home sufriu unha profunda depresión que a mantén pechada na súa casa ata que decide traballar (fixo cigarros, escribiu artigos, posou para pintores...) para poder marchar a Madrid e logo a México, cos fillos.

Muller culta, sensible e solidaria, sábese que escribiu máis obras que están perdidas. Nos seus Diarios fai unha denuncia da cureldade e os crimes franquistas e mostra unha profunda anguria pola traxedia do pobo.

Máis información

Podes atopar máis información sobre ela en:
- Album de Mulleres de CulturaGalega: Syra Alonso.

Na Biblioteca da Muller do Concello de Muxía podes atopar:
- SYRA ALONSO. DIARIOS. colección Mulleres, A Nosa Terra.

Novas relacionadas

Galería Mulleres de Muxía

• Xullo 2012: A Galería Mulleres preséntanos á pedagoga Antía Cal.
• Xuño 2012: Remedios Varo, pintura surrealista para o xuño da Galería Mulleres.
• Maio 2012: Xela Arias: poesía e tradución para o maio da Galería Mulleres de Muxía.
• Abril 2012: A científica Angeles Alvariño protagoniza o abril da Galería Mulleres de Muxía.
• Marzo 2012: Aurora Marco protagoniza o mes de marzo da Galería Mulleres e se achega por Muxía.
• Febreiro 2012: O Concello de Muxía dedica o mes de febreiro da Galería Mulleres a María Reimóndez.
• Xaneiro 2012: A Galería Mulleres de Muxía inclínase ante Frida Calo.
• Decembro 2011: A Galería Mulleres lembra este mes de decembro á imprescibible Concepción Arenal.
• Novembro 2011: A Galería Mulleres recupera o compromiso de María Miramontes.
• Outubro 2011: A Galería Mulleres expón este outubro á escritora Teresa Moure.
• Agosto 2011: Luisa Villalta, na Galería Mulleres durante este mes de agosto.
• Xullo 2011: A galería Mulleres de xullo está dedicada á filósofa e profesora galega Mª Xosé Agra Romero.
• Xuño 2011: Simon de Beauvoír, unha pensadora no xuño da Galería Mulleres.
• Maio 2011: María do Carme Kruckenberg, muller do maio na Galería Mulleres.
• Abril 2011: A Galería Mulleres viaxa ata Alemaña para coñecer á pintora alemá Käthe Kollwitz.
• Marzo 2011: A fisterrá Celia Rivas protagoniza o marzal da Galería Mulleres de Muxía.
• Febreiro 2011: Xohana Torres, a muller de febreiro na Galería Mulleres de Muxía.
• Xaneiro 2011: Xaneiro é o mes de Luz Darriba na Galería Mulleres de Muxía.
• Decembro 2010: A pensadora María Zambrano, a protagonista do Novembro da Galería Mulleres.
• Outubro 2010: Marilar Aleixandre protagoniza o outubro da Galería Mulleres.
• Setembro 2010: Coñecendo á actriz María Casares coa Galería Mulleres.
• Agosto 2010: A actriz e escritora Paula Carballeira protagoniza o agosto da Galería Mulleres.
• Xullo 2010: A transgresora pintora Maruja Mallo protagoniza o xullo da Galería Mulleres de Muxía.
• Xuño 2010: A escritora e pioneira feminista María Xosé Queizán protagoniza o xuño da Galería Mulleres.
• Maio 2010: Muxía dedica o maio da Galería Mulleres a Rosalía de Castro.
• Abril 2010: A primeira muller membro da RAG protagoniza o mes de abril da "Galería Mulleres" de Muxía.
• Marzo 2010: María Lado estrea a Galería Mulleres do Concello de Muxía.

Fonte

• Concello de Muxía.