Domingo. 05.02.2023
El tiempo

Concellos como Carballo xa aproban o seu apoio ás traballadoras do Consorcio

Traballadoras do Consorcio en loita
Imaxe dunha concentración das traballadoras do Consorcio en loita
Concellos como Carballo xa aproban o seu apoio ás traballadoras do Consorcio

O Consorcio Galego de Igualdade e Benestar pertence á Xunta nun 51% e aos Concellos no restante 49%, polo que a última palabra arredor do confito das traballadoras das Escoliñas Galiña Azul ou Centros de Maiores pertence a San Caetano. Así e todo, son moitos os Concellos que están manifestando o seu apoio ás traballadoras, e piden á Xunta que negocie, con máis tino, o proceso aberto de regularización dos postos de traballo.

Así o ratificou, por exemplo, o pleno do Concello de Carballo (a través dunha moción presentada conxuntamente Psoe e Bng, coas abstencións de Pp e Tega), que enviará unha carta á Xunta pedíndolle que solucione o problema tendo en conta a experiencia de ata 15 anos de moitas das actuais traballadoras. “Deste xeito obrigan á Xunta a facer unha carta para contestarlle, e fain que sinta a presión non só dos traballadores”, explica Pablo Fernández Lois da CNT, que destaca que houbo grupos do PP nalgúns concellos do país que votaron a favor destas mocións.
A moción seguirá percorrendo concellos a través dos grupos socialistas.

Van xa 10 meses de conflito, con dúas folgas polo medio, e se ben nas últimas semanas as traballadoras rebaixaron o seu nivel de mobilizacións (estaban realizando 2 scratches diarios), a acción non se vai paralizar. “Xa conseguimos moitas cousas, pero falta o principal, que non quede ninguén na rúa”, explica Fernández do proceso. ”Despois de estar 15 anos en fraude, iamos ter un exame. Agora temos un concurso de méritos, que xa é algo, pero despois hai un concurso de traslados, que pode provocar que xente que leva 15 anos en Muros, acabe en Ribadeo”, sinala. “Conseguimos tamén que para o concurso de méritos valga a formación do Consorcio, que hai 4 meses non valía”, explica, dando conta que a situación tense que resolver antes de que finalice o ano.

I é que a Xunta, tras moitos meses de negociación cero (“negociar non é informar do que vai pasar”, critica Pablo), “antes de que remate decembro van sacar as convocatorias. E aí miraremos se estudiamos a vía xudicial, ou outras vías, porque a folga xa non tería sentido”.

Polo de pronto, anuncian paróns ás portas do Nadal esperando que a Xunta acepte que”nos criterios de baremación dos procesos de estabilización se puntúe prioritariamente a experiencia no posto específico”.

Dende o comité de folga observan claras discriminacións por sexo e lembran que nos colectivos masculinizados non se ningunea desta forma a 1.500 traballadores “É preciso queimar cousas para que te escoiten?”

Novas do conflito do Consorcio

comentarios