Hoxe, 11 de setembro de 2014, cumpriuse un ano daquel fatídico 11 de setembro onde comezaban unha semana de verdadeiro inferno no sur da bisbarra. Unha semana de lumes, unha semana onde toda España botou a súa ollada triste cara Carnota, Mazaricos e Dumbría, cara o Monte Pindo.

Para “celebrar” o cabodano, deixámosvos unhas imaxes inéditas de Jorge González Pérez, veciño da zona e Enxeñeiro de montes e Xefe de brigada municipal en Dumbría durante aqueles días, co que ademais fixeramos unha mirada ao futuro do Olimpo Celta e ao que agardamos ler de novo en breve.

Un roteiro polo Cabodano

Tamén a Asociación Monte Pindo Parque Natural celebra o cabodano e o fai artellando para este sábado un roteiro dende Caldebarcos. Pero tamén fai balance de como está sendo a recuperación. E malia que as súas primeiras conclusións parecían positivas en canto á rexeneración do olimpo, hoxe apuntan que un inimigo, vello coñecido polas organizacións conservacionistas, anda pola volta.

Invasión de eucaliptos

A AMPPN asegura que o eucalipto está a comer boa parte dos bosques que deberían ocupar carballos e outras especies autóctocas. E culpa á falta de actuación da Xunta que máis alá daquel esperpéntico air mulching. non fixo nada por favorecer a reforestación, e mesmo puxo trabas ás iniciativas civís.

A entidade culpa tamén ás empresas da industria pasteira, asegurando que tiveron “coñecemento de que testaferros das ditas corporacións están visitando a veciños e propietarios particulares nas saias do Monte Pindo, para xenerosamente retirarlles a madeira queimada das súas propiedades e unha posterior repoboación. Pero logo esas repoboacións fanse sempre con eucalipto, independentemente da especie que houbera antes”, denuncian dende a asociación.

Sen perdón

A Asociación fala claro: “Non esquecemos nin perdoamos: O pirómano, sen a inacción da Xunta, non o tería logrado. Hoxe cúmprense 365 días do incendio declarado en Cima da Arca (Cornes) que en menos dunha semana tería devorado sen oposición o Olimpo Celta, espazo mítico e natural para o que os veciños levaban 3 anos alertando á Xunta do risco grave de abandono en que se atopaba, e pedindo unha declaración de Parque Natural con cuxas dotacións económicas e humanas puidera atinxirse as súas problemáticas. Sen embargo todas esas voces, asi coma a de 169 institucións, asociacións veciñais, partidos políticos ou organizacións empresariais, ecoloxistas, turísticas, deportivas... foron deliberadamente ignoradas, dando como resultado a desaparición de toda a vida natural nas preto de 2.500 hectáreas no maior incendio declarado no 2013 no noso País, suceso vergonzoso para todos os galegos que hoxe a Xunta se empeña en ignorar nas súas avaliacións e comunicados”.

”Tampouco tivemos máis noticias da investigación policial sobre a autoría material do incendio”. “A nós citáronnos no acartelamento de Lonzas (Coruña) para ver se tiñamos algunha pista sobre quen fóra”, sinalan.

Novas relacionadas

• Un roteiro polo cabodano do Monte Pindo.
• En marcha pola nova ruta polo Monte Pindo.
• 26-06-14: Constatan a recuperación do carballo anano e do lirio do Monte Pindo.
• O nome do Monte Pindo podería vir da lingua gaélica afondando nas súas raíces celtas.
• O Monumento Natural do Monte Pindo, na portada dunha revista científica internacional.
• Descobren unhas formacións líticas circulares no Monte Pindo.
• O Monte Pindo ten máis hábitats prioritarios a protexer que calquera parque natural galego.
• Pepe do Fieiro: “Dicían os nosos vellos…”.
• O gran Castelo chamando Monte Pindo.
• O primeiro Parque Natural galego non será o Monte Pindo.

Novas relacionadas

• A mocidade xa crea vida no Olimpo Celta marco do proxecto #SOSMontePindo.
• Árbores do CSIC para repoboar o Monte Pindo ao tempo que os escolares acoden ao berro SOS.
• O Parque Natural intenta achegarse ao Pindo.
• 01-11-13: Arrinca en Difuntos o proxecto SOS Monte Pindo.
• 30-10-13: O parque natural achegase ao Pindo.
• 25-10-13: As temidas escorrentías arrastran ríos de cinsa polo Monte Pindo abaixo.
• 21-10-2013 O Monte Pindo pide Socorro!.
• Apadriña unha árbore no Monte Pindo.
• 21-10-2013: As cinzas do incendio do Monte Pindo xa contaminan o mar.
• 10-10-13: O Monte Pindo sae do Parlamento como entrou.
• 09-10-13: Mulching: Pallas ao monte.
• 07-10-13: Os berros do Monte Pindo contra os lumes chegan a Compostela.
• 29-09-13: Medio millar de bravos berran en verde por un Monte Pindo Parque Natural.
• Hermanager Humor: O lume de ouro.
• Leö Kch berra en silencio polo Monte Pindo.
• Jorge González Pérez: Unha mirada ao futuro do Monte Pindo. E agora que?.
• Novo berro de auxilio dende Quilmas.
• A AMEGA, en contra da devastación dos nosos montes.
• 18-09-13: Saltan as muxicas da crispación arredor do Monte Pindo.
• 16-09-13: A Comunidade de Montes de Caldebarcos e a Cooperativa de Quilmas alzan a voz dende a terra queimada.
• 15-09-13: Existe unha verdadeira investigación policial sobre o incendio?.
• 14-09-13: Acabou o inferno. Toca traballar na recuperación, reflexionar e investigar.
• 14-09-13: O lume máis devastador chega ao Ézaro mentres o pobo se fractura.
• 13-09-13: Continúan as lapas ameazando o Pindo e ao Ézaro cando chegan as primeiras reflexións.
• 12-09-13: Un incendio arrasa o Monte Pindo e obriga a desaloxar varias aldeas de Carnota.

Fonte

• Redacción de QPC ([email protected]).