Sábado. 28.05.2022
El tiempo

Volven as visitas grupais ao Museo Fernando Blanco

Visita de Oleiros ao Museo Fernando Blanco
Volven as visitas grupais ao Museo Fernando Blanco

Volven as visitas grupais ao Museo Fernando Blanco. Despois dous anos de pequenas visitas familiares, este verán perfílanse, cando menos, 8 visitas con 350 persoas do Concello de Oleiros. Unhas visitas formuladas xa para 2020, pero adiadas por motivos obvios

Así o confirmaban onte Élida Rodríguez, Miriam Sánchez e Manuel Freire, traballadores da área de Servizos Sociais do Concello de Oleiros, durante a súa visita ao museo ceense. Están organizando de cara aos vindeiros meses de xuño, xullo e setembro, un total de 8 excursións de persoas participantes no programa de excursionismo “Ven e descubre!. O pracer de coñecer a fin do mundo”.

”Foi un pracer ensinarlles as instalacións onde expoñemos parte do material didáctico e artístico do noso centenario instituto, así como o xardín botánico e a capela do IES Fernando Blanco onde repousan os restos do mecenas ceense nacido no 1796, e emigrado a Cuba no 1809”, explica Darío Areas, responsable do centro, que lles ensinará a marea de Tesouros que expón a Fundación.

Novas relacionadas

OUTROS TESOUROS DA FUNDACIÓN

comentarios