A Viñeta de Nando Lestón: "Que veinte años no es nada..."

Cultura politica eleccions humor A Viñeta de Nando Lestón viñeta

Vineta de Nando Leston-Candidatos Eleccions

A Viñeta de Nando Lestón: "Que veinte años no es nada..."

08:01 23/01/24

En 1990, cando contaba eu con apenas 34 anos, o insigne "dictadorcillo", Manuel Fraga Iribarne, chegou a Galicia montado nalgunha que outra sentencia
franquista para facerse cargo das catro provincias galegas, ás que ben pouco lle importou nin o talante nin o currículo de quen fora ministro de Franco.

Hoxe teño 57 anos e sigo comendo do mesmo pasto. Está claro que os galegos, politicamente falando, non teñen unha dieta mui variada.

A democracia é tan democrática que ata pode caer na súa propia ditadura democrática, a de outorgar maiorías socias "absolutas"; é decir, o pobo confía con
"absoluta" certeza no "absoluto" poder, que outorga a "maioría absoluta".

E se antes non se facía apenas nada, ca maioría "absoluta", agora xa non se fai "absolutamente" nada.

Por suposto eu non son dietista,e cada un pode comer o que lle saia do "sentidiño", (este símil non é se non, para facer un paralelismo co magnífico e
culinario artigo de Nodar), pero mirando a caterva de anos que leva gobernando o PP galego e vendo como está a sanidade, a vellez, o mar, os montes os eólicos, as
pensións a asistencia social, as residencias e as aldeas e a lingua xunto ca educación escolar, cabe preguntarse que nos proporciona esta dieta endogámica, para que un ano tras outro nos vaiamos quedando cada vez máis fracos.

Vou á consulta médica para que me fagan unha analítica; unha semana máis tarde collo os resultados e estes, que non enganan, deixan entrever que non me estou
alimentando adecuadamente; o médico dime que teño que variar a miña dieta, aportarlle outros nutrientes.

Ata agora a dieta fui ésta:

Quiroga Suárez, do 79 ao 82 (PP-UCD)
Fernández Albor, do 82 ao 87 (PP)
González Laxe, do 87 ao 90 (PSOE)
Fraga Iribarne, do 90 ao 2005 (PP)
Pérez Touriño, do 2005 ao 2009 (PSOE)
Núñez Feijoo, do 2009 ao 2022 (PP)
Rueda Valenzuela, do 2022 ata hoxe (PP)

Todos eles homes feitos e direitos, sobre todo direitos. Botádelle vós a conta que eu xa me perdín.

De todos xeitos, e como este país é mui fubolero, o simil tamén é axeitado, pois ata os mellores equipos contan con socios e afeccionean que corean a grito pelado, un cambio de entrenador.

E xa que os galegos son tan afeccionados do seu equipo,deberían mirar os resultados e darse conta de que un cambio de entrenador e de directiva, acostuma a sanear un sistema de xogo completamente viciado e arrogante.

Porque, se o equipo xoga mal e non hai cambios, a culpa pasa a ser do afeccionado que paga a entrada pero non esixe resultados, co pringue completo da cidade a
que representa, que neste caso, é un país enteiro.