Luns. 05.12.2022
El tiempo

Un Glosario contra aquela Gran Burla Negra

Glosario Nunca Mais Unha Gran Burla Negra
Un Glosario contra aquela Gran Burla Negra

Semanas intensas arredor do 20 aniversario do Prestige. Este 2022 medios de todo o estado lembran a catástrofe despois de máis dunha década de esquecemento. Poucos coletivos como Unha Gran Burla Negra mantiveron interese por non perder esa memoria e foron tecendo aqueles Tapices da Memoria que tiveron unha impactante intervención en Fisterra.

O colectivo, no que participa activamente a nosa María Bella no seu intento de activar, reflexionar e visibilizar a memoria colectiva do movemento cidadán, propón para este aniversario un interesante Glosario Nunca Máis.

No seu proceso de construír un “Arquivo Vivo desde o que producir relatos contra o esquecemento da memoria pública destes acontecementos”, a entidade nada en 2018 propón máis de 160 conceptos vinculados ca traxedia coas cadansúas explicacións.

Pero, como di a palabra, é un arquivo vivo, aberto ao público, apelando ao movemento cidadá que tanto loitou. “Esta colección crecente de palabras chave nos permiten re-aprender a lingua de esas comunidades que viviron a experiencia en primeira persoa e debe servirnos tamén para lembrar, descubrir e recoñecer a súa potencia”, explican.

 

Artigos relacionados

Novas do Prestige

Seguemento do Xuízo do Prestige, por José Luís Louzán

comentarios