Nova fin de semana esta de Fútbol da Costa a cabalo entre febreiro e marzo. E chega con novidades, pois arrincan as Ligas F8 do Grupo Norte de Alevíns e Benxamíns, emais o gruo único de Prebenxamíns. Por tanto, teremos nada menos que 83 partidos en marcha. Todos, en www.futboldacosta.com. E antes de seguir, traemos o  exclusivo parte costeiro dos amigos de 4gotas.com: Será unha fin de semana marcada pola humidade e presenza de nubes. Temos un anticiclón moi preto de Galicia, pero se da achegado un chisco máis. Por momentos o fará e será o responsable de que se queden moitas nubes e moita humidade (mesmo orballos) e por momentos alonxarase un pouco e permitirá a chegada de algunha fronte atlántica que aporte chuvias. As máis significativas serán na tarde do venres e na madrugada do domingo e o momento con menos nubes será a mañá do venres.  As temperaturas serán suaves, entre os 8-9 de mínima e os 13-14 de máxima (agás nas primeiras horas do venres que irá un chisco máis de frío). O vento do suroeste soprará moderado nas tardes. Se queredes saber porqué anticiclón non é igual a sol, como erróneamente se pensa, podedes consultar este artigo. A Previa Comezamos o repaso da Previa pola Preferente - Senra Sport, con dous choques asequibles, pero moi igualados para os nosos. O Dumbría, con 32 puntos, recibe no Conco ao Viveiro, situado a só 2 puntos dos dumbrieses, mentres que o XSC recibe a un Residencia empatado con 31. Novo derbi, e moi fermoso, na 1ª Autonómica - Clínica Vértebra. O Cairo acollerá o choqeu entre un necesitado Corme e un Baio que vén de vencer a todo un Sofán. Un Sofán que necesita do Carral nunha finalísima para saber se vai seguir pelexando ata o final polo ascenso, pois recibe ao Unión, líder ata que o Soneira batía con eles a semana pasada. O Soneira quere manter a boa liña ante un bo Piloño, mentres o Malpica ten que romper a mala liña ante a visita do Flavia, co que unha derrota o podería meter en serios problemas. A Esteirana buscará a terceira vitoria seguida e certificar a súa reacción, pero recibirá nada menos que ao líder, o Villestro. O partidazo da xornada xogarase en San Pedro de Castriz, na 2ª Autonómica - ES Bazarra. O 4º da táboa recibe ao líder no seu peor momento, un San Lorenzo que chega con só 2 puntos de vantaxe e con Zas e Outes pisando os talóns. O zaenses esperan un tropezo dos carballeses e non fallar ante o Seaia en casa, mentres os da Serra terán unha complicada saída ante un Mazaricos, que de vencer se pode ata meter na pelexa por todo. Por abaixo, teremos un duelo de pechacancelas. Pode ser o último tren para un Camelle sen sorte, pero en fronte terá un Montelouro que necesita os puntos comarea, esperando ademais o tropezo do Seaia, e por que non, do Cabana en Buño e do Porteño en Cee. Todos terán o ollo posto na Esteirana e no Corme, pois deles tamén dependen outras dúas prazas de arrastre. Choques interesantes na 3ª Autonómica - Clínica Xunqueira. O Cerqueda e o Ameixenda queren seguir certificando os seus postos de ascenso, pero terán que superar a Coristanco e Muxía, dous equipos á alza en plena pelexa pola promoción. Outro dos choques da xornada será o Lira-Nantón do sábado, mentres o Corcubión non pode fallar máis se quere manter a súa 4ª praza.

Os Xuvenís en plena loita

Está fermosa a Liguilla Previa á Fase Ascenso á Liga Galega Xuvenil. Cando quedan 4 xornadas para o remate, e co Dumbría destacado (enfróntase ao Porteño no Hermanas Patiño debido ao mal estado da Grixa), 4 equipos pelexan pola praza que acompañará, con probabilidade, ao Dumbría na Fase. Dous choques directos a cara de can viviremos este sábado, entre XSC e Os MIúdos, e entre Cabana e Camariñas. Mentres, na sosa Liguilla Previa da Copa da Costa Xuvenil, aínda con 6 xornadas por diante, segue a competición.

De Ligas Autonómicas

Será unha tarde de festa o sábado no Conco coa visita do líder da División de Honra Cadete - Aluminios Dumbría. Un dos premios da temporada, o poder xogar en casa ante todo un Celta de Vigo, ante o que sumar será o de menos, estando ademais con moita marxe como está o equipo de Juan e Joaquín. Pola súa banda, si que necesita sumar o XSC da Liga Galega Cadete que terá un tenso derbi na mañá do domingo ante o Bergantiños. O que máis complicado o ten é o Dumbría Infantil, que visita o sábado ao Santiago coa imperiosa necesidade de sumar os 3 puntos.

Xornada clave en Cadetes e Infantís

Apaixoantes os duelos cando quedan 3 xornadas para remate das ligas comarcais. Na 1ª Cadete, o Corme, con 3 puntos máis sobre o Cabana, non pode fallar na súa visita a Arliña, se quere afianzar o título. Pero o partidazo xogarase no San Paio de Refoxos. O Cee, 3º a 4 puntos do Cabana, pode meterse na pelexa pola segunda praza que dá acceso á Fase de Ascenso se vence ao equipo cabanés (na ida gañou 3-2 o cadro cabanés). O Ponteceso, empatado co Cee, estará atento ao que suceda no partidazo da xornada. Mentres, na 1ª Infantil, teremos dous choques no máis alto. o XSC ten 5 puntos de vantaxe sobre o Fisterra pero cun partido máis, polo que non pode perder ante a visita dos Miúdos, o 3º na táboa. O que ten que gañar si ou si é o Fisterra, que ademais visita o campo do 4º clasificado, o Cabana. Aquí a pelexa é polo título e pola única praza que dá acceso á Fase de Ascenso.

Máis F8

E como dicimos, mentres polo Sur xa levan varios meses competindo e andan pola xornada 16, esta semana arrincan as Ligas Grupo Único de Prebenxamíns. Son 25 equipos máis en competición!

De Veteranos

E completamos o repaso cos Veteranos. Na 1ª División, o líder San Román terá un choque complicado, pois recibe ao At.Milagrosa, 4º a só 5 puntos. Atento estarán os Coristanco e Hosgran, a só 3 do líder, e que terán choques a priori máis asequibles.

Preferente - Senra Sport, xornada 26

Dumbría	01/03 - 17:00	Viveiro
Residencia	01/03 - 17:15	Xallas StComba

1ª Autonómica - Clínica Vértebra, xornada 25

Sofán	01/03 - 16:30	Unión
Soneira	01/03 - 16:30	Piloño
Esteirana	01/03 - 16:30	Villestro
Malpica	01/03 - 16:30	Flavia
Corme	01/03 - 17:00	Baio

2ª Autonómica - ES Bazarra, xornada 25

Montelouro	01/03 - 16:15	Camelle
Carnota	01/03 - 16:15	Fisterra
Camariñas	01/03 - 16:15	Volantes
Buño	01/03 - 17:00	Cabana
Zas	01/03 - 17:00	Seaia
Cee	01/03 - 17:00	Porteño
Castriz	01/03 - 17:00	San Lorenzo
Mazaricos	01/03 - 17:00	Outes
Ponteceso	01/03 - 17:00	Baíñas

3ª Autonómica - Clínica Xunqueira, xornada 25

Lira	28/02 - 16:30	Nantón
Corcubión	28/02 - 17:00	Castrelo
Muxía	01/03 - 16:30	Ameixenda
Coristanco	01/03 - 17:00	Cerqueda

• Descansa Laxe.

Liguilla Previa á Fase Ascenso á Liga Galega Xuvenil, xornada 7

Xallas StComba	28/02 - 12:00	Os Miudos
Porteño	28/02 - 17:00	Dumbría
Cabana	28/02 - 18:00	Camariñas

Liguilla Previa da Copa da Costa Xuvenil, xornada 8

Malpica	28/02 - 11:30	Esteirana
Baio	28/02 - 16:00	Outes
Zas	28/02 - 16:15	Castriz
Muxía	28/02 - 16:15	Corcubión
Corme	28/02 - 16:15	Cee
Coristanco	28/02 - 16:15	Fisterra

• Descansa Ponteceso.

División de Honra Cadete - Aluminios Dumbría, xornada 25

Dumbría

28/02 - 17:00

Celta

Liga Galega Cadete, xornada 25

Xallas StComba

01/03 - 11:30

Bergantiños

Liga Galega Infantil - Aluminios Dumbría - Play Off Descenso Norte Impar, xornada 3

Santiago

28/02 - 12:00

Dumbría

1ª Cadete, xornada 24

Esteirana	27/02 - 10:30	Sofán
Cee	27/02 - 17:00	Cabana
Baio	28/02 - 10:00	As Baleas
Muxía	28/02 - 11:00	Corme
Fisterra	28/02 - 11:00	Os Miudos
Ponteceso	28/02 - 11:30	Coristanco

• Descansa Outes.

1ª Infantil, xornada 24

Vimianzo	27/02 - 18:3	Zas
Cee	28/02 - 11:00	Ponteceso
Xallas StComba	28/02 - 11:30	Os Miudos
Cabana	28/02 - 16:00	Fisterra
Outes	01/03 - 10:30	Corme
Sofán	01/03 - 12:15	Coristanco

• Descansa Esteirana.

F8 Alevín Costa Sur, xornada 16

Cee A	26/02 - 19:00	Dumbría
Fisterra	27/02 - 19:00	Cee B
Dumbría B	27/02 - 19:00	Os Miúdos B
Outes A	28/02 - 11:00	XSC A
Lira	28/02 - 12:00	Os Miúdos A
Esteirana B	28/02 - 12:00	Sofán
Esteirana A	01/03 - 12:00	As Baleas

F8 Benxamín Costa Sur, xornada 16

Cee	26/02 - 18:00	Dumbría
Outes	26/02 - 19:00	XSC A
Fisterra	27/02 - 18:00	Cee B
XSC B	1-6	Sofán
Lira	28/02 - 13:00	Os Miúdos A
Esteirana	01/03 - 11:00	As Baleas

1ª División, xornada 23

Zas	01/03 - 11:00	Dumbría
Hosgran	01/03 - 11:00	Laxe
San Román	01/03 - 12:00	At. Milagrosa
Baio	01/03 - 12:00	Soneira
Bértoa	01/03 - 11:00	San Lorenzo
Castriz	01/03 - 11:00	Ponteceso
Coristanco	01/03 - 10:00	Xv. Bergantiños

• Descansa Cabana.

Ligas de Veteranos, 2ª División, xornada 23

Vimianzo	01/03 - 11:00	Cerqueda
Sofán	01/03 - 10:30	Poniente
Camariñas	01/03 - 10:00	Malpica
Corcoesto	01/03 - 11:00	Nantón
Erbecedo	01/03 - 12:00	Leiloio
San Isidro-Razo	01/03 - 11:00	Porteño
Buño	01/03 - 10:00	Agualada

• Descansa Dep. Carballo.

Crónicas da semana

• Xuvenís: Pelexando por acompañar ao Dumbría.
• Ligas Galegas: Un paso de xigante e outro atrás.
• 3ª Autonómica: A Mikaela e o Muxía case poden co Cerqueda mentres o Ameixenda adica a vitoria a Manolín.
• 2ª Autonómica: Aprétase o alto da táboa con 4 equipos en 2 puntos.
• 1ª Autonómica: O Soneira voa e o Sofán aterra, mentres Esteirana e Corme vén a luz.
• Preferente: Novo cambio de papeis.
• Resultados e análise doutra xornada de Entroido no Fútbol da Costa.

Novas relacionadas

• O Manuela Rial, o Muxía e o Fisterra, campións das LCFS.
• O novo local social do Sofán, unha viaxe pola historia da SD.
• 4 clubs na reunión da Asociación de Clubs do Fútbol da Cota.
• QPC entrevista a Emilio Uzal, adestrador da UD Cerqueda, líder da 3ª.
• Convocada unha reunión dos clubs do Fútbol da Costa.
• Aprétanse as táboas dos Pichichis costeiros.
• Víctor Espasandín: Coñecendo a un xalleiro na elite do fútbol español.
• O Estética Raquel mantense invicto no ecuador das Ligas de FS de Cee.
• Comezaron as obras para instalar céspede artificial en Agra da Filgueira.
• A Noite máis Solidaria do Fútbol da Costa.
• O Campo do Carreiro ou a forza dos veciños.

Máis información

• www.copadacosta.com.
• Descargar a APP do Fútbol da Costa.
• Facebook do Fútbol da Costa.
• www.futboldacosta.com.

Fonte

• Redacción de QPC (info@quepasanacosta.gal).