Xuvenís: Novo cambio de líder na igualada Liga Norte

18:11 05/11/13

Se polo Sur o Dumbría non dá tregua nin ante o Cee, polo Norte a igualdade é a raíña.

Liga Xuvenil, Gr.4, xornada 10

Son 4 os equipos que loitarán polo título e polos 3 postos para esa Liguilla Previa á Fase de Ascenso á Liga Galega. Dous deles se enforntaban nas redondas e o Cabana, tras vencer ao Corme pola mínima, se aúpa ao liderato, empatado co Malpica. So sacan 2 puntos ao cadro cormelán, 3 a un Ponteceso que se deixaba 2 puntos en Castriz, no que foi a estrea do taboleiro do cadro xalleiro, na sorpresa da xornada.

Cabana - Corme (2-1)

Cabana e Corme de xuvenis saltan as Redondas-Foto-Cabana SD

CABANA: Adrián (Diego, min.88), Villar, David Varela, Raúl, Aurelio, Diego Mato, Redondo (Darío, min.70), Samuel (Óliver, min.88), Iván Mato (Cristian Varea, min.85), Alex, Pablo (Grille, min.77).
CORME: Rubén, Sergio, Iván (Quique, min.56), Cristian, Eloy García, Yoshua, Antonio (Bruno, min.68), Brais, Manu (Isaac, min.68), Juanma, Isma (Fran, min.52).
Goles: 1-0, min.50: Iván Mato a pase de Diego; 2-0, min.60: Iván Mato a pase de Diego; 2-1, min.85: en propia meta.

Era un dos partidos da semana, e non defraudou. A primeira metade moi igualada e arrincaba cunha clarísima ocasión de Juanma para abrir o marcador pero fallou diante do porteiro. Tamén Manu mando alto para os azulóns nunha das poucas chegadas da primeira metade.

Saíu mellor o Cabana na segunda, aproveitando que o Corme saltou dos vestiarios algo durmido. Iván Mato anotaba dous tantos rápidos que puñan en clara vantaxe aos cabaneses, xa case supoñendo a sentenza.
O Corme veuse arriba e intentou facer dano á meta dos de Fernando, pero só conseguiron recurtar cando faltaban 5 minutos para o final e cun tanto en propia meta da defensa cabanesa.

Malpica - Coristanco (2-0)

SCD Malpica juvenil 2013/2014-Foto-Luís E. Porto

MALPICA: Manuel, Brais, Víctor Novo, Canario, Jorge, Mouri (Gabi, min.88), Pitís (Steven, min.77), Diego, Almeida (Chols, min.90), Alberto (Kevin, min.46), Guille (Plejo, min.94).

SD Coristanco juvenil 2013/2014-Foto-Luís E. Porto

CORISTANCO: Brais, Iván (Mosquera, min.73), Joni, Navarro, Jorge, Brandón (Fondo, min.33), Javi, Cristian, Naya (Falcao, min.71), Abelenda (Nacho, min.46), Joaquín.
Goles: 1-0, min.60: Mouri de cabeza a un córner de Pitís; 2-0, min.70: Kevin controla moi ben un pase de Diego por riba da defensa e chuta cruzado.
Lesión: o visitante Brandón.

Partido moi igualado na primeira metade na que non houbo apenas ocasión claras. Abelenda tivo unha ao comezo que tivo que sacar un defensa malpicán baixo paus mentres que o Malpica só facía dano, pero avisaba, a balón parado.

Xa na segunda sairían os dous equipos con moita intensidade,e o Malpica nun córner de cabeza se adiantaría. Ese gol fixo moito dano nos de Da Silva, pero aínda así intentaron safarse o dominio e irse un pouco arriba. Así chegou pouco despois nunha contra a sentenza cun golazo pola escuadra de Kevin tras unha fermosa xogada.

Castriz - Ponteceso (1-1)

Goles: 0-1: Diego Collazo de falta; 1-1: Adrián.
Expulsión: o xalleiro Corroucho.

Primeiro punto do Castriz no seu debut na categoría e dando a sorpresa ante un dos candidatos ao ascenso. O cadro xalleiro soubo aguantar o estilo combinativo do cadro pontecesán, Adiantouse o cadro visitante pero na segunda, máis igualada, chegou o gol de Adrián que empataba o partido.

Queda pendente o Ponteceso da chegada dun novo adestrador. I é que Dani Pallas ten que deixar a disciplina do clube, tanto como xogador do primeiro equipo como adestrador dos xuvenís pois atopou traballo de técnico deportivo no Concello de Paderne. Toda a directiva quere agradecer o gran traballo

Porteño - Baio (2-3)

Goles: 0-1: David Fariña; 0-2: Javi de Laxe; 1-2: Mati; 2-2, min.88: David Pasantes; 2-3, min.91: Santi Díaz.

Partido de infarto na Grixa cun Porteño que a piques estivo de dar outra sorpresa na xornada. O cadro de Ordóñez prantou cara a un Baio que segue facendo bo fútbol pero que non arrinca en canto a resultados. De feito, o choque non quedou en empate (sería o 6º para o cadro de José Pastoriza).

Tras unha primeira metade de dominio visitante, o Porteño conseguía meterse no partido a base de entrega. Chegábase aos últimos instantes co 1-2, e a incertidume no marcador, cando David Pasantes acadaba un tanto que daba un valioso empate para os locais. Era xa o desconto, pero despexe de Santi Díaz dende moi lonxe, bota mal no campo mollado de herba e cólaselle ao meta Brais, no único erro que tivo en todo o partido.

Muxía - Laxe (4-3)

Goles: 0-1, min.10: Adrián coa axuda do meta; 1-1, min.30: Marco de cabeza; 2-1, min.55: Víctor; 2-2, min.60: Saleta; 3-2, min.65: Lolo; 3-3, min.75: Víctor de penalti; 4-3, min.83: Andrés.

Partido moi igualado entre dous equipos parellos, cun Muxía de Javier Lema que está cambiando o chip e un Laxe de Nano Mohedano que parecía ir cara arriba pero non acaba de arrincar. Un choque que se decantou finalmente polo Muxía, que estivo máis acertado cara gol, e xogou unha mellor segunda metade.

A primeira parte foi aburrida, na que ninguén quería a pelota. Adiantouse pronto o Laxe, pero o Muxía respondía cun gol de Marco de cabeza. Comezaba ben o Muxía na segunda, e Víctor facía o 2-1. Pero dúas contras moi boas do Laxe daban a volta ao marcador, cos tantos de Saleta e Lolo.

Tiña que volver a remar o Muxía, e o fixo. Paulo en 3 ocasións e Miguel fallaron claras ocasións diante do porteiro laxense, pero o equipo non parou ata empatar, de penalti. Seguiu arriba buscando a vitoria que chegaría cun remate do central Andrés, que xa estaba arriba en plan Alexanco, deixando os 3 puntos en Arliña.

Liga Xuvenil, Gr.3, xornada 10

Segue o Dumbría firme no máis alto da táboa tras superar outro escollo, o do Cee. Un Cee que se ben non está no seu mellor momento este curso, si que sempre ofrece un rendemento moi competitivo. É agora a Esteirana a 2ª na táboa, empatada, a 5 puntos do líder, co XSC, con 2 puntos de vantaxe sobre Cee, Fisterra e Outes.

Importante foi tamén a vitoria do XSC ante o Fisterra, que deixa ao cadro fisterrán nese segundo grupo. Deste xeito, malia que o título parece decantado, son 5 os equipos que loitarán por esas 2 prazas restantes que dan acceso á Liguilla Previa á Fase de Ascenso á Liga Galega.

Lira e Mazaricos seguen sen puntuar.

Cee - Dumbría (0-1)

CEE: Paulo, Jicho (Vilela, min.50), Abraham (Alex, min.87), Aitor, Carlos Leis (Alex, min.87), Esteban, Tebo, Andrés (Mario, min.66), Rafa (Marco, min.87), Nanón e Picallo.
DUMBRÍA: Couto, Duarte, Maikel, José, Roberto, Lucas (Yeray, min.56), Martín (Juan, min.68), Adrián, José Marcote (Kevin, min.85), Pablo Pardiñas (Antón, min.80) e Javi (Jorge, min.87).
Gol: 0-1, min.85: Javi a centro de Juan de Dora.
Expulsión: o o dumbriés Duarte no min.87.

Tivo que suar o líder para levar os 3 puntos do San Paio de Refoxos. E só foi quen de romper o empate nos últimos instantes.

Xa comezaba o cadro dumbriés aprentando dende o inicio buscando as internadas de Marcote e Javi ás costas da defensa. O Cee prantexaba o partido dende atrás, agazapado buscando saír ás contras só con Picallo. Paulo rexeitaba a primeira chegada de Marcote, e o colexiado non pitaba un posible penalti sobre Marcote nos últimos minutos da primeira.

Arrincaba a segunda cun Cee algo máis solto, algo máis incisivo. Era agora o equipo de José Carlos o que facía dano, sobre todo nunha chegada de Picallo que recurta e o seu tiro pega nun defensa e sae a córner.

Só quedaban 5 minutos, e cando o partido parecía que ía quedar en táboas, Juan de Dora sacou o seu corazón a xogar, internouse pola banda e pegou un centro que Javi non fallou no seundo pau. Intentouno o Cee nos últimos intres pero sen premio, e a vitoria, e xa van 7 de 8, marchou cara o Conco.

Fisterra - Xallas StComba (0-2)

XSC: Coke, Miguel, Pérez, Carlos, Álex (Torres, min.55), Fabián, Tefi, Styven (Ismael, min.75), Adrián, Iván, Sergio Barbeira (Jacobo, min.65).
Goles: 0-1, min.30: Fabián; 0-2, min.91: Iván de vaselina á contra.

Partido no que puido pasar de todo, no que puido golear o XSC pero que tamén puido rematar en empate. Moito xogo no medio campo, sen un dominador claro, co XSC con algunha ocasión máis. De feito, na primeira o equipo de Rafa tivo varias chegadas, sobre todo un man a man de Styven e dous remates de cabeza de Iván que se marcharon altos. Foi Fabián o que non fallou e puxo por diante aos visitantes.

Comezaba a segunda co mesmo guión, e Styven e Adrián volvían marrar sendas ocasións para os xalleiros. Non había demasiadas novas do Fisterra de Nacho, ata que faltaban 20 minutos, que foi cando o equipo local comezou a crer no empate. Foise arriba e Coke tivo que facer un par de boas intervencións tras un cabezazo, e tamén viu como un chutazo dende fóra da área saía lambendo o pau.

Podía caer de calquera lado o partido e foi Ivñan nunha contra, e xa no tempo de desconto, o que sentenciaba o importante choque.

Esteirana - Mazaricos (12-0)

Goles: Raúl (4), Adrián (3), Manuel (2), Josiño, e 2 en propia.

Partido sen historia que deixa á Esteirana 2º na táboa detrás do intratable Dumbría, e que deixa ao Mazaricos afundido con 0 puntos, coma o Lira. Ollo aos números da Esteirana de Martin, que leva 42 goles a favor e só 5 en contra nestas 10 xornadas.

Outes - Soneira (7-0)

Goles: Veleiro (3), Adrián (2), Álvaro e Santi.

Púxose pronto a cousa costa arriba para o Soneira, que como está baixo tras un mal comezo de temporada, en canto recibirion os dous primeiros baixaron os brazos, algo habitual cando as liñas son tan negativas.

Así e todo, para nada houbo tanta diferencia no campo entre os dous equipos para semellante goleada.