Preferente: Cambio de marcha

Preferente: Cambio de marcha

11:47 15/12/14

Cambiaron as tornas esta xornada na Preferente - Senra Sport. Viña o XSC de colleitar dúas vitorias consecutivas, e derrota ao canto ante o Estudiantil. Viña o Dumbría de sufrir dúas derrotas seguidas, precisamente unha ante o veciño costeiro, e importante vitoria ante o Noia, que lle demostra ao cadro dumbriés que pode competir con calquera equipo.

Queda agora o equipo de Canosa e Lobelos na 8ª praza, a só 5 puntos do segundo clasificado. Pola súa banda, o XSC de Coméndez queda 13º, con 4 puntos menos que os dumbrieses.

Dumbría - Noia (1-0)

DUMBRÍA: Iván, Tantán, David (Bryan, min.76), Iago, Kevin (Pablo Conde, min.76), Aarón, Adrián Makaay, Jesús, Diego Cespón, Marcote (Javi, min.60) e Darío (Cote, min.70).
Gol: 1-0, min.44: Jesús.

Partido con bo ritmo e igualado, aínda que as mellores ocasións foron para o cadro dumbriés. As mellores foron dous goles anulados a Adrián Makaay, un en cada parte, pero ademais contaron con boas ocasións de Marcote e do propio Makaay ao fío do descanso. Unha xogada que servía de prolegómeno ao gol local, que chegaba a un do descanso por medio de Jesús.

Na segunda seguía o mesmo guión, sen un dominado claro pero co Dumbría algo máis afiado. Makaay tivo dúas, pero non as puido materializar e o equipo acabou sufrindo. De feito, a 5 do final os visitantes remataron o pau nun corner eles e Iván tivo que desviar un bo disparo a corner. Eles arriscaban para empatar e o Dumbría tamén puido sentenciar á contra.

Ag. Estudiantil - Xallas StComba (3-0)

XSC: Julián, Rubén Forján, Cristian (Oscarín, min.70), Rubio, Aarón, Jota, Marcos (Steven, min.81), David Baña (Choco, min.63), Pablo Muíño, Jesús e Kevin (Sergio Barbeira, min.80).
Goles: 1-0, min.47; 2-0, min.49; 3-0, min.60.
Expulsión: Aarón no min.81.

Non puido sacar nada positivo o XSC da súa visita ao campo do Estudiantil. Un cadro que estreaba adestrador, e que completou un gran partido. A primeira parte foi moi igualada, con 2 equipos que lle gusta ter o balón. Non houbo demasiadas ocasións.

Saíu un pouco dormido o cadro xalleiro na segundo tempo, e nada máis saír marcaron a balón parado, e deixaron sentenciado o choque en apenas dous minutos, o segundo nun tiro desde a frontal a escuadra deses que se marcan poucos. A partir de aí baixou os brazos o equipo costeiro, e os locais foron moi superiores.