FSF: O Fisober volveu quedar ás portas do título e dos ascenso

O Fisober quedou as portas do titulo da Preferente

FSF: O Fisober volveu quedar ás portas do título e dos ascenso

09:58 20/05/24

O tropezo na casa ante o Pontevedra na antepenúltima xornada foi clave para o devir do título. O Grupo Forma-T Vilalba FS aproveitou o erro e non cedeu nas últimas xornadas e conseguiu alzarse co título despois que o Fisober dominase boa parte do campionato.

Sensación moi agria nas filas do cadro dumbriés, que por segunda tempada consecutiva quedouse a porta do título co subcampionato, desta vez a puntos iguais co campión Vilalba no que o average particular decidiu o título.

As costeiras fixeron o seu récord de puntos na categoría con 81, con tan só 3 derrotas ó igual co ano do título no 2012, pero daquela a liga foi a 26 xornadas e desta vez tivo catro máis. As lesións tampouco axudaron perdendo a Barca durante todo o 2024 e para as últimas xornadas as de Adriana e Ana, pero con todo iso o Fisober pelexou ata o último minuto do último partido o título que caeu novamente cruz.

LIGA AUTONÓMICA – PREFERENTE GALICIA, xornada 30

Resultado: FISOBER FSF – CD COMPOSALA (7-1).
FISOBER: Sharay, Patri, Paula Fandiño, Nuriña, Andrea; tamén xogaron: Myrella, Saray, Nai.
Goles: 1-0 min 1 Patri, 2-0 min 15 Paula Fandiño, 3-0 min 19 Patri, (descanso), 4-0 min 21 Paula Fandiño, 5-0 min 21 Andrea, 6-0 min 29 Sharay, 7-0 min 34 Andrea, 7-1 min 35 Eva.

As costeiras sabían que tiñan que gañar e esperar o resultado en Vilalba. Sabedoras disto comenzaron moi ben xa que Patri facía o un a cero no primeiro minuto. O Composala curiosamente chegaba cas baixas das dúas ex do Fisober que teñen nas súas filas, Andrea Mazas e Carla Couso. Pouco duraba a ledicia xa que pouco despois chegaban novas dende Vilalba de que as locais tamén se poñían por diante. Nunha xornada de unificación de horarios polo título. Pasaban os minutos e todo continuaba igual en ambas pistas. Ata que Paula Fandiño e novamente Patri poñían o tres cero costeiro para chegar o tempo de lecer.
As novas de Vilalba non eran boas xa que as locais chegaban con dous cero ó intermedio.

A volta de vetiarios o Fisober pechaba definitivamente o partido cos goles de Paula Fandiño e Andrea nada máis entrar na pista. Todo quedaba pendente de Vilalba onde nada se movía. As visitantes arriscaban co xogo de cinco o que permitiu a porteira Sharay facer o seis cero e logo Andrea o sétimo. As visitantes facían o gol da honra por medio de Eva.

Remataba o partido en Dumbría e pouco despois co tres a cero en Vilalba, as costeiras quedaban por segundo ano consecutivo as portas do título, despois do maior puntaxe da súa historia.