FUTFEM: O Muxía terá que gañar ao Corme para ascender

FútbolQPC
26 de maio de 2025 (12:17 h.)

Remata a curta pero retardada 3ª División FEM. Aínda queda unha xornada para o remate da última competición ligueira en liza, coa final da Copa e a Gala xa na mente de todas.

Dúas loitas quedan vixentes: o ascenso “por puntos”, e a pichichi e a Pombo da Costa.

O Muxía non fallou e goleou ao Zas por 0-8 (goles de Claudia (2), Patri Romaní (2), Andrea Dom., Barca e Nerea Barrientos) e segue afianzado entre as 3 mellores segundas da categoría, polo que se vence o domingo que vén ao Corme, acompañará ao equipo cormelán o ano que vén na 2ª División, con Cee e As Miúdas. Iso si, ten que gañar porque se empata, o Eirís superaríalle en porcentaxe de puntos por unha centésima e sería o cadro herculino o que ascendería á 2ª.

Non o terán fácil as muxiás ante un Corme que quere rematar o curso invicto, e que vén de recibir o trofeo no Cairo ante a súa afección. As de Rubén Souto venceron ademais 3-0 ao Camariñas, con goles de Carla e Aroa (2), e dedicaron a vitoria á súa killer, unha Naroa, que non puido acabar a loita pola pichichi tras unha importante lesión.

As xogadoras do Corme con Naroa

Aínda ten unha posibiliade remota a Esteirana de ascender como un dos tres mellores segundos, pero terían que perder Eirís e Muxía e vencer na Salina ao poderoso líder.

As pichichis

Bárbara e Rut, as goleadoras da Esteirana

Con todo, parece que o título de pichichi xa ten nome: a esteirán Rut. A pichichi blaugrana aproveitou a goleada ante o pechacancelas e marco 4 tantos, sumando xa 59 e superando os 56 de Naroa. Ollo ás cifras das dúas xogadoras, ás que hai que sumar tamén as de Bárbara, a capi esteirá suma “só” 50 tralos 6 anotados onte…

O resto da xornada

Moi pouco en xogo no resto da xornada, máis que disfrutar das últimas patadas ao balón antes de descansar. O Soneira vencía ao Cerqueda por 3-1 cos tantos de Maria Villaverde (2) e Zoe.
Está moi eficaz o Corcubión neste último treito de Liga e malia ser un partido máis igualado do que sinala o 4-0 ante o Cabana, o choque estivo moi ben nas áreas, aproveitando os erros da defensa cabanesa e deixando o partido sentenciado antes do descanso, gracias aos tantos de Sandra (3) e Cris.

O Cabana apoiando á súa compañeira Irene, que se tivo que operar por un problema na tibia

O Mazaricos deixouse sorprender polo Pastoriza B, non así o Ponteceso, que goleou á Baña cos tantos de Virgi, Claudia (3), Oanes e Ainhoa. Ademais, o Bergan B non tivo piedade do Fisterra.

Polo sur, á goleada da Esteirana contrapóñense as sufridas por Outes e Miúdas ante equipos da zona alta, xa coa cabeza no verán.

Máis info

Todas as crónicas do FUTFEM

Etiquetas
crónica futfem futfemdacosta