Preferente: A montaña rusa da SD

Preferente crónica

SD Sofan en Ribadeo — A SD Sofán celebrando un dos tantos en Ribadeo

11:36 25/03/24

Unha montaña rusa é esta Preferente para unha SD Sofán que volvúa gañar fóra de casa. O cadro carballés, situado na 8ª praza, suma 39 puntos, lonxa do vagón de arriba, pero con 12 puntos de marxe o descenso a falta de 7 xornadas. Unha marxe que debería ser suficiente para non sufrir.

Onte en Ribadeo, parecía que ía caer outra vez, pero soubo reaccionar ao gol inicial dos lucenses e remontar facendo un partidazo.

Parecía outro deses partidos abocados á derrota, nos que pelexar contracorrente desde case o mesmo inicio de partido, cos locais adiantándose aos tres minutos e a sensación de que quedaba moito tempo por diante, pero había que aproveitalo.

Ribadeo - Sofan (1-4)

Goles: 1-0, m.3: Christopher Díaz: 1-1, m.25 Javi Souto; 1-2, m.75: Marcos Montero, 1-3, m.79: Martín Pereira a pase de Marcos Montero; 1-4, m.85: Brais Cancela a pase de Martín..

Recibía demasiado pronto o equipo de Torreira, pero non se viña abaixo. Púñase a tempo o mono de traballo e comezaba a darlle a volta ao partido. Nun córner Javi Souto empataba no ecuador da primeira metade, que remataba con claro domingo visitante.

Na segunda os de Torreira non recuaron e foron polo partido, tendo varias ocasións. Foi Marcos Montero o que desbloqueaba o empate a 15 do final, e pouco despois Martín daba a tranquilidade que se merecía o gran partido que estaban realizando.

Inmellorable momento para o descanso na competición, antes de volver despois das vacacións contra o Eume.