Dous bonitos e disputados partidos os vividos no Areal esta pasada ponte, que devolven ao Camariñas ao liderato tras vencer ao Teucro Pontevedra e ao Bm. Culleredo. Ten agora 1 punto de vantaxe sobre o Viña Costeira. Quédanlle tres finais aos conserveiros, e o partido máis importante é o que se xoga o próximo fin de semana en O Rosal contra o Atlético Novás.

Ademais, o Calvo Xiria recuperou a senda da vitoria pero xa lonxe dos postos altos.

En categoría feminina derrota para o Encaixe e vitoria do Goldie Xiria pero as dúas xa están sen ocións de ascenso e xa pensan na Copa.

1ª División Autonómica, xornada 22

• Resultado: Bm. Camariñas - Teucro Pontevedra (30-22).
• Bm. Camariñas: Bruno (p), Víctor (p), Alan (8), Fary (6), Eusebio (3), Jaime, Quin (1), Fabio (1), Catalán (1), Héctor (1), Perón (1), Antelo (3), Checho (2) e Xabi (4).

A defensa camariñana impúxose desde un principio a un Teucro moi loitador e con boa envergadura, pero a rapidez e o contraataque local deixou sen opcións a un bo equipo pontevedrés que se estrelou unha e outra vez no ríxido bloque conserveiro, sobre todo na primeira metade, que foi onde se decidiu o partido. Na segunda parte serviu para mover moito o banquiño, dando minutos a todos os convocados, tanto por un como por outro equipo.

1ª División Autonómica, xornada 23

• Resultado: Bm. Camariñas - Bm. Culleredo (25-20).
• Bm. Camariñas: Bruno (p), Víctor (p), Fary (5), Eusebio (2), Jaime, Quin, Fabio, Catalán (9), Héctor, Perón (6), Antelo, Checho e Xabi (2).

Impúxose con traballo o Camariñas nun gran partido de rivalidade. Aínda que o Camariñas sempre foi por diante no marcador, as diferenzas foron mínimas durante o partido, impúxose o Boya a un rival que vén loitando por salvarse do descenso, pero que si xoga tal e como o fixo en Camariñas, pode ter opcións.

1ª Estatal

• Resultado: Calvo Xiria - Luceros 21 (35-21)
• CALVO XIRIA 35 (18 + 17): Alejandro Naya [p], Martín Gómez [p], José L. Fraga [p], Carlos A. Lema (1), Javier Rodríguez, Martín Alfeirán (6), Brais Puñal (6), Manuel Méndez (4), Jorge Bouzas (3), Alejandro Calvete, Pablo Iglesias (4), Sergio Facal (1), Gonzalo Pombo (5), Julián López (1), Mario García de Seárez, Iván Campos (4).
Logo da decepción da derrota da pasada xornada, ante o Seis do Nadal, era un incógnita como afectaría este feito á moral, e por suma, ao xogo dos carballeses. Pero pouco tardaron en demostrar que queren acabar no máis alto posible esta tempada. Viuse dende o inicio no parqué carballés a un equipo moi centrado, de xeito que o Calvo Xiria non permitiu que o Luceros lle complicase a vida na loita polos dous puntos. Sabedores os locais do feito de que o filial do Cangas de Asobal debilítase nos partidos lonxe do Morrazo, non quixo que os cangueses collesen confianza, e dende o asubío inicial impuxo o ritmo do partido en base a defensa e portería. Puideron os verdibrancos correr contraataques cómodos que lle deron as primeiras vantaxes no marcador, que se manterían ao longo de todo o partido. Agás algúns minutos, sobre todo no inicio do segundo tempo, no que se produciu un intercambio de goles, o Calvo Xiria fixo que a diferenza no electrónico aumentase de xeito paulatino, sendo a máxima de catorce a favor, tal e como acabou o partido. Unha boa dose de moral ante o vindeiro partido, ante o líder da categoría, o Cisne.


1ª División Galega Feminina – 2ª Fase – Grupo 1 polo título

• Resultado: Encaixe Camarilas - S.A.R (20-25)

As conserveiras caían ante o Sar.

1ª División Galega Feminina – 2ª Fase – Grupo 2 polo título

• Resultado: Goldie Xiria - Balonmán Lalín (19-14)
• Goldie Xiria 13 (10): Aida Cangas (porteira) Jessica Posse 6, María Gómez 3, Adriana Gómez, Zeltia Landeira 2, Natalia Solis, Tamara Pombo 1, Patricia García, Juana Garrochena 6, Lucía Vilariño 1, Raquel Gómez, Angela Pena, Sara Pombo e Sheila Ferreiro.

Puido o Goldie Xiria sentenciar o marcador na primeira metade, tomou vantaxe de 5 a 1 aos 10 minutos, pero os desafortunados lanzamentos e a precipitación nos ataques impedían distanciarse, pese a elo, sempre demostrou ser superior ao rival. As boas accións defensivas con recuperación de balón, no daban paso a frutíferas accións no ataque, fallando incluso 4 lanzamentos de 7 metros.

Volveron a destacar no Goldie Juana Garrochena e Jessica Posse, que están a realizar un magnífico final de temporada,e xunto a elas María Gómez no pivote e no centro da defensa. Volveron ao equipo Sara Pombo e Raquel Gómez, logo de varias xornadas, que a pesar de non estar de todo recuperadas, disputaron varias fases do encontro.

A vindeira semana, o Goldie finalizará a competición de liga, visitando ao Balonmán Cangas, a volta de Semana Santa, disputarase a Copa.

Máis información

Os calendarios das competicións senior xa están colgados da páxina web da Federación Galega de Balonmán.
• 1ª División Autonómica Masculina.

Crónicas da temporada

• Carballo tece redes con Holanda en materia de balonmán.
• O balonmán carballés pon un pé no Campionato de España.
• O Bm. Camariñas deu un paso clave cara o título e espera 6 finais.
• O Calvo Xiria mantense na pelexa pola 2ª praza mentres o Goldie cede o liderato.
• Balonmán: Dous equipos líderes e dous ben colocados.
• De vitorias pola mínima e empates polémicos.
• Case pleno na xornada do balonmán costeiro.
• O Bm. Camariñas levou o derbi co Goldie Xiria.
• O Bm. Camariñas asalto o liderato.
• O Bm pecha con vitoria unha primeira volta espectacular.
• O Bm. Camariñas acariña o liderato e disfruta da Selección.
• Camariñas prepara a súa San Silvestre.
• A Festa do Balonmán encheu Camariñas.
• Porriño deixou tocado aos equipos de balonmán camariñáns.
• O Bm. Camariñas prepara con vitorias o asalto ao liderato.
• As camariñás puideron coas carballesas no derbi do balonmán costeiro.
• Bm: Preparando o derbi feminino.
• Os equipos do Bm. Camariñas seguen medrando.
• Bm. Camariñas e Calvo Xiria seguen firmes.
• O BM Encaixe celebra con vitoria unha doble convocatoria coa Selección Galega
• Doble vitoria para os camariñáns e doble derrota para os carballeses na xornada de balonmán.
• Camariñas e Carballo comezaron a sentir a emoción do balonmán.
• Os dous equipos do Bm Camariñas arrincan unha nova tempada coa canteira como base.
• A familia Xiria recibe unha Medalla ao Mérito Deportivo da Federación Españoña de Balonmán.
• O Balonmán Feminino vai pechando unha satisfactoria tempada.

Fonte

• Redacción de QPC ([email protected]).
• Balonmán Xiria, Balonmán Camariñas, Goldie Xiria e Bm. Encaixe.