“Carballido e a mentira do Plan de Emprego Social”

Os edís non adscritos do Concello de Ponteceso, >recentemente expulsados, sen ser sequera escoitados, polo PSOE polas súas desavenencias co alcalde Lois Carballido, queren denunciar o que entende como unha “mentira” de Carballido sobre o Plan de Emprego Social.

psoe crise

Acusan a Lois Carballido de mentir arredor do Plan de Emprego Social

“Carballido e a mentira do Plan de Emprego Social”

Redacción

22:05 09/02/21

O pasado 8 de outubro de 2020, a páxina oficial de Facebook do Concello de Ponteceso saca á luz o anuncio da convocatoria do primeiro Plan de Emprego Social da historia de Ponteceso. Nesta mesma publicación explícase que este proxecto nace "grazas ao aforro en gastos de persoal, por exemplo, coa renuncia ao salario do alcalde de Ponteceso, pódese financiar un plan de emprego que vai beneficiar como mínimo a 10 traballadores/as durante seis meses, e formar unha bolsa de emprego para futuras contratacións, segundo vaiamos dispoñendo de recursos". É decir, a partida presupostaria reservada para o pagamento dos salarios do alcalde e dos concelleiros iba ser usada para pagar os salarios ás persoas beneficiarias de dito plan de emprego.

em>Nas últimas xornadas, despois do pleno celebrado o pasado xoves día 4 de febreiro, o alcalde culpa aos membros da oposición da imposibilidade de seguir adiante co plan de emprego en cuestión, debido a que o seu rexeitamento á proposta de POS+2021, o concello de Ponteceso vai perder 100.000€ que teoricamente iban ir destinados aos salarios das persoas beneficiadas por esta iniciativa social e laboral. Coma sempre, o alcalde minte e agora imos xustificar esta afirmación. Tomando como punto de partida a publicación feita polo goberno, o concello de Ponteceso non precisa deses 100.000€ para poder prolongar o Plan de Emprego Social máis aló do 30 de maio, xa que de empregar a partida presupostaria dos salarios do alcalde e concelleiros para esta finalidade, o concello dispón dunha liquidez mínima de 123.918€ para pagar os salarios destes traballadores, sempre e cando o alcalde non desviase este diñeiro ou o empregase para outros fins que nada teñen que ver co destino inicial do mesmo, que non é outro que garantir a estabilidade laboral e económica dos traballadores acollidos a este plan de emprego como mínimo ata o ano 2023 no que remata a presente lexislatura.

Como mostra da veracidade desta afirmación achegamos o arquivo publicado no Boletín Oficial da Provincia (BOP) o 4 de xullo de 2019 no que o alcalde asignaba os salarios ás diferentes áreas e á propia alcaldía:

Coa información exposta neste documento podemos concluír que nos atopamos diante doutra mentira máis do alcalde Xosé Lois García Carballido, ás cales xa nos ten acostumados, porque fixo da mesma a súa principal arma para facer política e agarrarse a un sillón que cada vez semella tambalearse máis. En definitiva, a vinculación que está a facer o Señor Carballido entre a non aprobación do POS+2021 e a non continuidade do Plan de Emprego Social máis alá do 30 de maio de 2021 é unha artimaña política máis dunha persoa que non ten máis interese que manterse na alcaldía para o beneficio propio e dos seus amigos en lugar de pensar no mellor para as veciñas e veciños de Ponteceso.