Un partido contra a mina de ouro

Cabana Costa da Morte

09:50 28/01/13

Valenza e Cereo xogaron un partido contra a mina de ouro de Corcoesto

Este domingo, a xornada do fútbol da Costa tivo un partido moi especial. Un partido reivindicativo entre dúas parroquias, rivais durante anos, que este 27 de xaneiro de 2013 se uniron por un ben común. Un partido que chegaba ademais coa nova do definitivo peche do

O campo das Chaves de Valenza acolleu o tradicional derbi entre Valenza e Cereo. Os dous equipos decidiron limitar a súa histórica rivalidade aos 90 minutos do partido por una causa moi especial: Xogadores e siareiros dos dous equipos quixeron amosar públicamente, posando cunha pancarta, a súa unión á hora de rexeitar o proxecto de mina a ceo aberto, promovido por una multinacional canadense, que ameaza as parroquias de Corcoesto, Cereo e Valenza.

As parroquias uníronse poladefensa das súas terras, amenazadas polas intencións dunha empresa Canadiense, que está a piques de conseguir o seu obxetivo: Extraer ouro sin que importe nada máis, como informan dende o seu Facebook. Aseguran ademais que colaborarán en tódalas accións e mobilizacións encamiñadas a paralizar un proxecto que, de levarse a cabo, vai supoñer un grave impacto ambiental e socioeconómico nestas tres parroquias e a súa contorna.

O Valenza gaña pola mínima

Imaxe do derbi entre Valenza e Cereo contra a mina

Non era o deportivo o máis importante, sen lugar a dúbidas, pero sempre é necesario facer balance deportivo do partido. O encontro foi moi disputado, e aínda que o Cereo adiantouse no marcador, o Valenza remontou o encontro ata lograr a victoria por 3 tantos a 2. Tamén queremos resaltar que tódolos xogadores participantes, así como o árbitro, sobreviviron ao encontro.
Ao final, Valenza - Cereo (3-2), e tanto xogadores como árbitro saíron polo seu propio pé. A un derbi non se lle pode pedir máis.

A familia de Valenza e Cereo contra a mina

Valenza e Cereo non se venden!

Mineira de Corcoesto obrigada a abandonar de xeito definitivo o seu centro de traballo

Esta fin de semana as Plataformas contrarias ça mina informaron do cese defintivo do centro de traballo da empresa mineira en Corcoesto por carecer de licenza e non poder legalizarse a actividade. Ao final, tras un recurso presentado pola empresa aprobado pola alcaldía de Cabana, os denunciantes presentaron novas alegacións fundamentado entre outras normas, no decreto 133/2008 que regula a avaliación de incidencia ambiental, o que agora obriga "ao peche definitivo da nave agrícola por ter un uso que non é susceptible de licenza municipal", tal e como xa denunciara a Plataforma pola defensa de Corcoesto.

Despois da orde de peche da nave agrícola na que a empresa mineira Edgewater viña desenvolvendo desde hai máis de dez anos actividades relacionadas coa extracción mineira sen licenza municipal, a empresa presentou un recurso de reposición no que facía unha interpretación interesada das normas xurídicas para así tratar de continuar realizando a súa actividade en solo rústico de protección ordinaria fora da legalidade.