1ª Galicia: O Baio fai saltar as quinielas e a Esteirana supera ao San Lorenzo

1ª Galicia crónica

Cordeiro-Baio-Foto-Luis Gonzalez 3 — Imaxe do Cordeiro-Baio-Foto-Luís González

12:12 29/01/24

Deu a sorpresa, cun chicharrazo de Porty no min.90, o Baio en Valga. Os de Félix, en medio dunha temporada tremendamente irregular, daban a cara ante un dos 3 de arriba e sumaban 3 puntos fundamentais na loita por evitar o descenso.

Foi a nota máis destacada dunha xornada 20 da 1ª xunto coa vitoria da Esteirana ante o San Lorenzo, no derbi sur-norte. Os de Néstor superaron aos de Lapido e deixan a zona morna da táboa máis comprimida, quedando a só 3 puntos despois das dúas liñas completamente diverxentes ao comezo de temporada.

O Dumbría sufriu pero non falou ante a Estrada, pero o Fisterra non puido con todo un Puebla.

Esteirana - San Lorenzo (2-0)

Esteirana: MJ, Samuel, Damián, Code, Simón, Sergio, Adrián, Álex Rama, Kevin Rial, Elías, Piki. Tamén: Martín, Pablo Rama, Kevin Lariño, Pachi, Brais Noceda, Tobío.
San Lorenzo: Puyol, Manu Mato, Lucho, Pablo Garrido, Iago, Andy, Costa, Mateo, Alex Taibo, Javi e Juanjo. Tamén: Benja, Samuel, Raúl, Quin, Diego Varela, Alberto Cmapos e Riki.
Goles: 1-0, m.18: Piki de falta; 2-0, m.52: Elías.

Partido igualado no Xosé Luís Vara, e se para os de Verdillo un empate tería sido máis xusto, para os locais se cadra o resultado quedou curto. Non estivo acertado nas áreas o cadro visitante, o que lle penalizou ao cadro de Miguel Lapido que leva unha serie complicada nestes dous últimos meses e que necesita sumar para chegar aos 40 puntos.

Non foi un partido moi vistoso, pero os de Néstor aproveitaron os puntos débiles dos visitantes, e lle fixeron moito dano nas transicións. Unha falta ao borde da área permitiu a Piki abrir o marcador. A partir de aí o San Lorenzo intentou crear ocasións, pero os esteiráns estiveron moi serios en defensa.

Na segunda avanzaron liñas os visitantes, e atacaron ben pola banda dereita con Costa como protagonista, pero faltoulles o último centro para chegar con claridade. Cando mellor estaban os carballeses, un erro de medición na defensa permitíu a Elías facer o segundo. Fixo moito dano ese tanto, un xerro de auga fría, e malia que o intentou durante a segunda, non foi quen de superar a boa defensa local.

Puebla - Fisterra (4-1)

Fisterra: Joselu, Breixo, Colombia, Maikel Mouzo, Andrés Vigo, Jano, Rubén, Capelo, Adrián Makaay, Isaac Fábregas, Estévez. Tamén: Lois, Mario, Luis, Aarón e Guillermo.
Goles: 1-0, m.14: Ronquete; 1-1, m.26: Breixo a centro de Capelo; 2-1, m.41: Jonathan; 3-1, m.63: Ronquete; 4-1, m.87: Jonathan.

Partido con pouca historia, nun choque ante “o mellor equipo ao que nos enfrontamos ata agora, xunto co Negreira”, recoñece o adestrador fisterrán Diego Lobelos. As baixas de última de hora do cadro fisterrán fixeron trocar a idea de inicio, malia que o choque comezaba xa cos locais percutindo, e facendo que Joselu fose protagonista. Adiantábanse así e todo os locais, e aínda tiveron un segundo. Pero o equipo reaccionaba con varias ocasións o equipo fisterrán, e conseguen empatar. Pero os últimos 10 minutos do partido o Puebla foi un vendabal. Só Joselu, o mellor do partido con mesmo intervencións de gran mérito que serían de póster, mantiña ao equipo no partido.

Na segunda metade, co 2-1, o partido comeza a romperse e nas transicións os locais matan o choque con facilidade.

Dumbría - Estrada (2-1)

Dumbría: Anxo, Samuel, Kanario, Alex Sánchez, Adrián Periscal, Miller, Mario, Raúl, Lucas, Mataso, Dani Chao. Tamén: Carlos, Dani, Goyes, Antón, Fabio, Xián.
Goles: 1-0, m.33: Dani Chao; 1-1, m.65: Moha Fadel; 2-1, m.90: Antón Pose.

Salvou a papeleta o Dumbría a pesar das baixas como Pablo Paz, Baba ou Rivi. Tardou en finiquitar o partido o equipo de Pablo Conde ante un dos de abaixo. Na primeira parte foron mellores, co control do partido e en posibilidades de marcar, a pesar do ritmo baixo que propuña o rival. Dani Chao adiantaba aos dumbrieses.

Na segunda eles estiráronse máis e nun balón parado empataron. Tocaba ir con todo arriba, pero non foi ata o desconto cando os locais conseguían marcar con gol do xuvenil Antón, dando conta da canteira eterna do club.

Cordeiro - Baio (0-1)

Baio: Javi Souto, Bruno, Pablo Rod., Norberto, Pazos, Sergio Rod., Dani López, Porty, Bieito, Diego Santancier e MC. Tamén: Iván Fraga, Josiño, Sergio Antelo, Damián, Bryan e Guille Botas.
Goles: 0-1, m.90: Porty de falta.

Partido dos que fai creer e ter fe no gran traballo colectivo que pode mostrar o Baio. A través da mellor versión individual de cada un o Baio competiu man a man cun dos de arriba, e acabou levando para casa 3 puntos vitais na loita por evitar o descenso.

Os de Félix saíron coas ideas moi claras, e controladon o partido dende o inicio. O Cordeiro non tiña argumentos con balón ante a intensidade dos baieses, que ademais tiveron boas ocasións na primeira metade. Na segunda, Félix cambiou o debuxo para ir polo partido nas transicións, e foi Porty nunha falta no desconto o que marcou o golazo da vitoria.

Despois de moitas semanas lanzando mensaxes, o míster quere “felicitar a un grupo de xogadores que dando esta versión si demostran ser xogadores desta categoría. A seguir a liña de traballo para poder seguir competindo”.