Nova demostración de que á veciñanza da Costa da Morte lle gusta a arqueoloxía, de que a a Costa da Morte é pioneira en materia de Arqueoloxía Social. Abrían a primeira xornada de voluntarios para comezar a excavación do Croa do Castro de Cerqueda, e en apenas uns días, xa están as prazas completas para as 2 xornadas de colaboración cidadá.

Informan os organizadores (veciños de Cerqueda e Concello de Malpica co apoio na comunicación do divulgador cultural Manuel Gago) de que só se precisan 3 suplente para a xornada do 28 de marzo, que poidan acudir no caso de caernos algunha xente para ese día. Como os veciños xa coñecen ben a zona, a organización priorizou os voluntarios de outras partes de Galicia, se ben haberá unha ducia de veciños que ademais de darlle ao sacho, farán de guías.

Un éxito de convocatoria que demostra que o patrimonio cultural é parte da historia de cada veciño, e non só das elites. Unha idea pola que leva loitando a nova vangarda arqueolóxica para devolver o patrimonio á cidadanía.

Así, a xente de a pé participará nas primeiras excavacións para descubrir este tesouro oculto de Bergantiños. Un tesouro que foi catalogado por primeira vez por Rodríguez Casal, na súa obra Carta arqueólogica del partido judicial de Carballo de Bergantiños (Coruña) de 1975, na que sitúa este castro no lugar de Aldeola.
Posteriormente, tamén o arqueólogo Agrafoxo Pérez, en 1989, chámalle Castro de Aldeola como un asentamento no val do río Vaa. Tamén aparece catalogado nas fichas da Dirección Xeral de Patrimonio, a primeira de 1992, por Manuel Díaz Vázquez.

O que xa se sabe é que a Croa do Castro ten unhas medidas de 152 metros no eixo maior (NO-SL) e 82 metros no menor (NL-SO), e unha altura de 138 metros sobre o nivel do mar. Está rodeado na súa totalidade por un parapeto (muro) defensivo que aproveita os desniveis naturais dun outeiro e lle outorga ao monumento unha perfecta visibilidade desde toda a súa a contorna. Este muro chega a alcanzar unha altura de 8 metros, pero no recinto non se aprecian muros nin elementos estruturais. “A ver se o redescubrimos nas xornadas dos voluntarios”, apuntan dende a organización.

Máis información

• croadocastrodecerqueda.net.

Novas relacionadas

• Os veciños de Cerqueda presumen da súa Croa do Castro.
• A Croa do Castro de Cerqueda, un proxecto fetén de Arqueoloxía Social.
• 14-02-15: Os veciños de Cerqueda, os protagonistas da recuperación da Croa do Castro.
• 21-06-14: Recuperando a Croa do Castro.
• 30-12-14: Bota a andar o proxecto de recuperación da Croa do Castro de Cerqueda.
• Croa do Castro: A arqueoloxía oleira.
• Monte d’Arxa recuperará a Croa do Castro como recurso turístico.

Novas sobre o Parque do Megalitismo

• 14-10-14: O Parque do Megalitismo da Costa da Morte, 13 anos de quimera.
• 26-10-11: Pasiño a pasiño co Parque do Megalitismo.
• 13-07-08: Un paso máis cara a aprobación final do Parque Arqueolóxico do Megalitismo da Costa da Morte.
• 11-08-08: 14 megalitos da Costa da Morte serán denominados Bens de Interese Cultural .

Máis novas arqueolóxicas

• 4 Bens Culturais da Costa da Morte na Lista Vermella do Patrimonio Galego.
• 10-11-14: Arrincan as obras que sepultarán o Castro tapado de Laxe.
• Recunchos da Costa: A Capela derruída de Santa Eulalia de Chacín.
• As fortalezas ocultas de Muxía.
• Mámoas esquecidas baixo os eucaliptos.
• Unha reforestación con eucaliptos dana a mámoa da Arquiña de Vilaseco.
• Dombate: Un museo sen guía.
• Dombáter: Unha crítica a actuación no dolmen cabanés.
• “O Proxecto das Croas de Niñóns non se podería levar a cabo sen os veciños”.
• A arqueoloxía social que descobre murallas.
• As Croas de Niñóns: novo exemplo de vangarda arqueolóxica dende a Costa da Morte.
• Recuperación internacional dos sendeiros de Titania.
• O Castro de Mallou abriuse aos veciños nun novo exemplo de arqueoloxía social.
• Primeira etapa da Torre dos Mouros, un proxecto do pobo.
• O Castelo de Brandufe, un novo tesouro agochado do altomedieval costeiro.
• O patrimonio volve ás mans da cidadanía.
• Excursión pola Ruta das Antas da Costa da Morte.
• O SEMESCOM sumérxese na rede e dixitaliza as súas obras.
• Entrevista con Manuel Gago: “O litoral da Costa ten propiedades hipnóticas”.

Fonte

• Redacción de QPC (info@quepasanacosta.gal).