Martes. 27.02.2024
El tiempo

1ª Galicia: O Dumbría asaltou Ara Solis

11 do Dumbria en Ara Solis
11 do Dumbría en Ara Solis
1ª Galicia: O Dumbría asaltou Ara Solis

Coas presas da chegada do Entroido facemos un repaso máis rápido do habitual da xornada na Preferente e na 1ª Galicia.

O Sofán caía ante o líder, o Noia, pero vendía cara a súa pel nun choque tremendamente igualado disputado no Carral que se decidía pola mínima.

Na 1ª Galicia, resultados dispares para os nosos. As derrotas de Baio e San Lorenzo ante dous potentes equipos como Flavia e Puebla entraban no esperado, pero así e todo foron máis polémicas do que se esperaba. A Esteirana sumaba unha vitoria fundamental ante o Estrada, e no derbi o Dumbría levou os puntos de Ara Solis.

O Derbi

Fisterra e Dumbria en Ara Solis

Vitoria do Dumbría en Ara Solis no sempre esperado derbi, no que o Dumbría moi mellor nas áreas. O cadro de Pablo Conde saía máis enchufado, gañando cada disputa, os segundos balóns… cun rirmo máis intenso. Mario abría o marcador moi pronto nunha xogada individual, e ao longo do primeiro tempo fixeron méritos para facer algún máis.

Saía mellor o Fisterra na segunda, pero un despexe longo permite que Mario aproveite o espazo para facer o segundo, mentres a defensa fisterrá pedía fóra de xogo.
O Fisterra foise arriba cos cambios, envorcando o partido sobre a meta de Anxo Lema. Cos cambios agotados, co partido roto, lesionouse Estévez, deixando ao equipo con 10. Xa era no tretio final cando Xián fai o terceiro, antes de que Andrés recurtaba e que Raúl puxera a guinda.

O Dumbría suma e pode chegar a meterse aínda no segundo vagón.

Vitoria necesaria da Esteirana

Na xornada sabatina, vitoria importante no partido trampa ante o pechacancelas. Pero os de Néstor saíron coa intensidade correcta e o equipo blaugrana saíu con ritmo e intensidade. Elías Ruso e Pablo Rama marcaron no ecuador da segunda, e deixan ao equipo nunha situación moi cómoda na táboa.

Derrotas inxustas

Baio-Flavia MC-Foto-Luis Gonzalez
Imaxe do Baio-Flavia-Foto-Luís González

O San Lorenzo foi superior na primeira metade ao Puebla, creando moi boas ocasións, moi intenso, gañando todos os duelos… conseguindo adiantarse por medio de Juanjo ao fío do descanso.
O Puebla estirouse e nunha contra o San Lorenzo marcaba o segundo, pero o colexiado non ve que o balón traspasaba a liña, non pita, e case que na seguinte xogada expulsa a Javi. O cadro carballés segue pelexando ante a embestida visitante, pero nun balón perdido empata o Puebla, e xa no desconto, cando parecía que o empate quedaría, o colexiado sinala un penalti e expulsión de Puyol, moi protestada polos carballeses.

Pola súa parte, en Baio, o 0-2 non reflicte a igualdade do choque ante o Flavia. O Baio cedía o balón intentando sorprender no espazo. A pesar do esforzo e a dedicación dos xogadores, con moita mocidade antes as baixas, un desaxuste permitiu aos padroneses poñerse por diante, e na segunda o Flavia sentenciaba.

Baio-Flavia-Luis Gonzalez
Baio-Flavia-Foto: Luís González

CRÓNICAS DA 1ª GALICIA

NOVAS RELACIONADAS

Comentarios