Ligas Galegas: Dúas derrotas ante os grandes e unha vitoria que tranquiliza

Ligas Galegas: Dúas derrotas ante os grandes e unha vitoria que tranquiliza

08:09 13/01/15

Bo partido do XSC Cadete da Liga Galega-Foto-XSC

Aluminios Dumbría patrocina as Ligas Autonómicas - Coñécenos en aluminiosdumbria.es

Non puideron sacar nada positivo os equipos dumbrieses dos choques ante dous grandes como o Deportivo ou o Lugo. Pero o que si levou premio foi o XSC que sumou a primeira vitoria do ano, unha vitoria importante, que alonxa aos de Corredoira dos postos de descenso. Con 16 puntos, está con 5 de vantaxe.

División de Honra Cadete - Aluminios Dumbría, xornada 18

R.C Deportivo - Dumbría (3-0)

DUMBRÍA: Jorge (Gabriel, min.65), Josiño (Xabi, min.65), Fabio, Pablo, Raúl, Jose (Mario, min.56), Ayoze, Marcos, Toja (Adrián, min.41), Borja e Brandón (Gabi, min.45).
Goles: 1-0, min.13: 2-0, min.65; 3-0, min.77.

Comenzaba a segunda volta na división de honra cadete e o Dumbría tiña un desplazamento moi complicado á Coruña para enfrentarse a un R.C.D. da Coruña que se mostrou moi superior ó equipo de Juan e Joaquín. A primeira metade comenzaba cun Depor que se fixo dono do balón, combinando moi ben e movendo a pelota dun lado a outro do campo, sempre saíndo desde atrás xogando a pelota.

Sen embargo, a primera ocasión clara de gol sería para o Dumbría por medio de Ayoze que se plantaba so diante do porteiro coruñés Esteban e logo de regatealo escórase a un lado e dispara fóra moi preto do pao. O primeiro gol do encontro chegaría no minuto 13 logo dun saque de esquina, mal defendido polo Dumbría, a pelota chegaría a Boedo que logo de controlar o balón, na liña do área pequena, e tras dous amagos batía fácil a Jorge. Así remataba a primera metade cún 1-0 a favor dos locais.

Na segunda parte o partido transcorrería igual que na primera, con Deportivo controlando moi bien o xogo e o partido,sen dar opción ó Dumbria, e así chagarían dous goles máis, de Boedo e Diego, rematando o partido cun 3-0 moi claro para o RCD da Coruña.

Liga Galega Cadete, xornada 16

XSC - Orillamar (4-1)

XSC: Rubén, Guillín (Brais), Raúl, Pablo, Carlos Baio; Juan Lois, Thiago; Manuel (Mosteiro), Carlos Rieiro (Rubén), Óscar e Grille (Héitor, min.63).
Goles: 1-0, min.6: Manuel; 1-1, min,7; 2-1, min.38: Thiago; 3-1, min.61: Carlos Rieiro; 4-1, min.73: Thiago.

Partido moi intenso onde o XSC, mercé ao seu traballo, ritmo e organización, alcanzou o seu primeiro triunfo do novo ano, ante un rival directo como o Orillamar, que nada puido facer para evitar o claro éxito dos xalleiros, que, deste xeito, colócanse catro puntos por encima dos coruñeses e igualan o golaverage particular co Orillamar, por canto na primeira xornada de liga perderan na Coruña por 3-0.

Xa desde o principio viuse un XSC con ganas de sumar o triunfo, superando aos coruñeses, adiantándose pronto no marcador, pero un gol en propia meta poñía un inmerecido empate un minuto despois.
Durante uns instantes os locais pareceron perder a orde, pero aos poucos puxeron cerco á meta visitante e antes do descanso Thiago restablecía a vantaxe xalleira no marcador.

Na segunda metade mantívose a tónica, pero tralo 3-1 e a expulsión dun xogador visitante, o XSC pasou a ser claro dominador e ata gozou de numerosas oportunidades como para alcanzar un resultado aínda máis amplo que o 4-1 final.

Liga Galega Infantil - Aluminios Dumbría, xornada 15

Dumbria - Lugo (0-3)

DUMBRÍA: Juan (Breogán, min.60); Samuel, Toni, Luis, Alex; Brais Fdez (Brais Mtnez, min.67), Moisés (Xulián, min.70), Sergio, Xan (Ángel Sestayo, min.65), Berto (Hugo, min.50) e Adrián.

Derrota dolorosa para in Dumbría infantil que dá notorias mostras de melloría a nivel colectivo, pero que segue penalizando en exceso erros puntuais, que aproveitan os rivais.

O sábado do Conco, o Lugo non amosou unha gran superioridade, aínda que tivo o control do balón sobre todo no primeiro tempo, pero sacou petróleo dunha boa contra e dun erro nun saque de banda en campo propio dos dumbrieses para coller unha renta casi insalvable xa no descanso.

Ainda así, os costeiros reaccionaron e equilibraron o partido no segundo acto. A presión avanzou, e empezou a haber achegamentos perigosos, sobre todo coa insistencia de Adrián. Cando se vislumbraba algún gol local, chegou o 3º visitante, cun gran tiro pola escadra.

O Dumbria non baixou os brazos, e con Toni e Luis máis avanzados chegaron máis balòns a Adrián, e algunha ocasión clara. Pero non o gol. Os costeiros deben de seguir remando nesta dura singladura.