Sorprendidos e encantados quedamos o pasado domingo tras visitarmos a Fervenza do Rabiñoso. Ducias de persoas disfrutaban do río no seu día libre, o que dá conta das poucas cousas positivas que poden quedar de toda esta pandemia: o goce da natureza.

Situada nun dos extremos da “Ruta da Auga” do río de Vilar Ramilo, falamos dunha fervenza de gran altura, cun desnivel de 45 metros que cae en máis de 200 metros de lonxitude. Son varias as zona de caída e cada unha deixa unha estampa singular.

Arriba sitúase unha fermosa ponte de grandes lousas de pedra. Un columpio provoca colas para sacar a foto obrigatoria, dando un tono bucólico, pero tamén un sentido de memoria fotográfica, á visita.

Na zona tamén hai 5 muíños nas dúas marxes, un deles recuperado e aberto para explicar ás criaturas como se moía o millo antano.

Quédanos aínda pendente percorrer ao completo esta fermosa Ruta da Auga “O Rabiñoso”, e visitar a Fervenza de Parga, así como comezar dende a Ponte do Sisto ata a Fervenza de Budián.

Diferentes caídas da fervenza

Como chegar

Situada no lugar de Vilar Ramilo, podedes aproveitar e visitar tamén o miradoiro de Pico de Meda, para ver unhas das mellores vistas do interior costeiro.

OUTROS RECUNCHOS DA COSTA

• Os Penedos de Traba e Pasarela.
• A Fervenza de Vioxo-Chacín.
• A Fervenza de Santa Locaia.
• A praia de Seaia.
• A praia da Barda.
• Os Muíños da Ribeira.
• A área fluvial de Verdes.
• O Pozo da Orca.
• Praia fluvial de Carreira.
• As casetas da Feira na A Ponte Olveira.
• Pico de Meda.
• O Pozo Encantado de Salgueiros.
• O Fuso da Moura
• Pedrafita do Marco da Anta ou Menhir de Erboedo.
• A Ponte do Peón de San Crimezo do Ézaro.
• Cabo Roncudo.
• A ponte da Pontenova.
• A Furna do Osmo.
• Mirador de Louredo.
• A área recreativa de Gabenlle.
• O Cabo, e Faro, Vilán.
• As praias de Reira e o foxo do lobo.
• O Cemiterio dos Ingleses.
• As praias do Trece e a Duna Monte Branco.
• O hórreo de Carnota.
• O hórreo de Lira.
• A Fervenza de Noveira.
• O Casco Vello de Corcubión.
• Os petroglifos de Boallo.
• A ruta do Muíño de Louredo.