Xoves. 13.06.2024
El tiempo

O Modesto Patrimonio: Retablo da Virxe das Dores na igrexa parroquial de Buxantes

Retablo Altar Maior da Igrexa Buxantes-Foto-Modesto Garcia Quintans
Retablo Altar Maior da Igrexa Buxantes-Foto-Modesto García Quintáns
O Modesto Patrimonio: Retablo da Virxe das Dores na igrexa parroquial de Buxantes

Xa poucos fregueses quedaremos na parroquia de Buxantes que recordemos o primitivo retablo da Sagrada Familia da igrexa parroquial. Un documento do ano 1714 fala dunha capela no lateral norte da igrexa parroquial consistente nun arco en forma de capela cun pequeno retablo da Virxe María coñecida como “A Virxe da Calle” (desaparecida). Quizá se chamara así por lindar co camiño da porta da entrada a igrexa. Máis tarde, sobre o ano 1720, nunha visita pastoral do arcebispo de Santiago, Luis de Salcedo, ordenou  construir outra semellante polo lateral sur onde existía a imaxe dun Cristo que mais tarde pasaría o altar principal.

A obra non se levou a cabo ata 1736 sustituindo o Cristo pola imaxe de Nosa Señora da Concepción. Por este motivo creouse unha capelanía da que eran  patroas Rosa de Busto, Dominga Pequeno e María Oanes, veciñas de Moraime, sendo capelán desta capela Simón de Sar, natural de Moraime.

Retablo Sagrada Familia da Igrexa de Buxantes-Foto-Modesto Garcia Quintans
Retablo Sagrada Familia da Igrexa de Buxantes-Foto-Modesto Garcia Quintans

No ano 1746 é nomeado párroco de Buxantes Simón Sanchez Pulleiro. Este cura foi o gran impulsor das obras da igrexa parroquial. Constrúe a Capela de San Antonio polo lateral sur, colga unha lámpada no teito e fai destinar 25 misas anuais polos difuntos da parroquia tal como consta na primeira páxina do libro da Confraría de San Antonio. O cura díxolle os fegreses que el puxera cartos do seu peto para a reconstrución desta capela pero non se demostrou con documentos. Morreo no ano 1767 e está enterrado na furna do muro, lateral leste desta capela.

O retablo da capela ten unha furna central  con forma de capela onde está a imaxe da virxe das Dores, acompañado de dúas tallas nos laterais recordando as Ánimas do purgatorio, que tanto medo nos poñía si cometíamos pecados cando íamos o catecismo. Na parte alta está a imaxe da Sagrada Familia, por iso os fregreses chámanlle indistintamente a capela das Ánimas. Sábese que no ano 1860 foi restaurada e pintada cun gasto de 140 pesetas. No ano 1990 foi desmontada por estar carcomida pola polilla, que coincide coas datas de cando se fixeron as obras da reparación do tellado da igrexa e a limpeza da torre.

Retable de S Antonio da Igrexa de Buxantes-Foto-Modesto Garcia Quintans
Retable de S Antonio -Foto-Modesto Garcia Quintans

NOVAS DE MODESTO

OUTROS ARTIGOS NO "MODESTO PATRIMONIO”

Patrimonio Pindexo

Comentarios