2ª Galicia: O Castriz acariña o título da Liga da Costa

Muxia-Monte Louro-Foto-Marina Busto 3 — Imaxe do vivido Muxía-Monte Louro-Foto-Marina Busto

12:52 11/03/24

Os tropezos de Mazaricos e Muxía en Corme e na casa ante o Monte Louro respectivamente, deixan o camiño libre para que o Castriz se faga, máis pronto que tarde, co título da Liga da Costa. Os de Miguel Chouza superaron ao Ponteceso e suman 8 puntos máis que o Mazaricos, con 24 puntos en xogo. En calquera caso, queda aínda un choque directo na antepenúltima xornada entre rossoneros e amarelos.

Polo demais, o máis destacado da xornada foi a remontada do Muros, que chegaba tras 9 xornadas sen gañar, se atopaba 0-3 ao descanso ante o Camariñas, e conseguía unha vitoria que o alonxa dos postos de descenso directo.

Corme - Mazaricos (2-2)

Goles: 1-0, m.19: Borja Torrado tras un saque de banda; 1-1 m.21: José Angel; 1-2, m.28: Kevin; 2-2, m.84: Noel.

11 do CF Mazaricos no Cairo-Foto-Fin Lema.

Partido fermoso no Cairo, que non se decidiu ata o final. Dominou a primeira metade o Mazaricos, que se vía por debaixo no marcador pero reaccinou marcando dous tantos moi rápido e tendo ocasións como unha de Kevin ao longueiro, ou par de Marcos e Jose Ángel na liña de gol.

Na segunda arriscou o Corme, con bloque alto, tendo algunha ocasión para empatar, se ben á contra o Mazaricos puido matar o partido. Kevin mandaba ao longueiro, Moli ao pau…pero non entraba o terceiro, o Corme non decaía, mandaba un balón ao pau e o intento a balón parado ata que a 5 do final, Noel cazaba unha pelota solta e marcaba o empate.

Porteño - Camelle (4-0)

11 do Porteno CF Co Rodri — 11 do Porteño CF animando a Rodri

Goles: 1-0, m.35: en propia meta a centro de Chipi; 2-0, m.48: Brais nunha xogada ensaiada de falta; 3-0, m.60: Pejo; 4-0, m.64: Chipi á saída dun córner.

Derbi descafeinado na Grixa, sen demasiado ritmo, cun dominio local que foi case interte na primeira metade. O Camelle, que non fixo un bo partido, controlada atrás e o Porteño non trenzaba demasiado malia que as xogadas en velocidade collían baixos aos visitantes. Só nun centro de Chipi se adiantaban os de Cousillas e Javi Baña nun gol en propia meta.

No segundo, os de Sergio subiron un paso adiante, chegando a ter un par de boas ocasións para empatar. Pero o segundo tanto dos locais matounos animicamente, e xa nun ida por volta, á contra sentenciaban os locais.

Coristanco - Cee (2-0)

Goles: 1-0, m.44: Casti; 2-0, m.67: Casti.

Segue coa frecha para arriba o Coristanco de Cali, tirando de moito xuvenís, que están metendo ese plus de gañas e intensidade necesario para seguir sumando por 5º xornada seguida. O Cee apenas tivo un par de chegadas illadas de Bruno. O Coristanco adiantábase xusto antes do descanso. Xa na segunda, igualouse máis a contenda, e Bruno tivo un ma man que se marchou fóra. Pouco despois Casti facía o segundo para o cadrlo local, o que sumado á expulsion de Josiño, o partido xa non tería máis historia.

Outes - Volantes (3-2)

Goles: 1-0, m.22: Ryan; 1-1, m.83: Pesco; 2-1, m.84: Yago; 2-2, m.86: Manu reamata unha falta de Pesco; 3-2, m.90: Pablo.

Partido cun final vibrante e emocionante. O choque arrincaba co control local, que facía dano con balóns ás costas da defensa, como aconteceu no primeiro tanto que remata Ryan unha xogada por banda. O Volantes respondía coa luva de Pesco a balón parado, e no último treito da primeira metade daba serios avisos á defensa dos de Alex Romero.

Tralo regreso dos vestiarios, os de Gus deu un paso adiante e foi a polo encontro, o que fixo que aos locais entraran certas dúbidas que finalmente propiciaron bastante precipitación na saída do balón. O control xa era dos laranxas, que chegaban con perigo constante durante moitos minutos. Reaccionaba o Outes mediada a segunda igualando o choque, pero nun erro na saída, Pesco cazaba un balón solto e define ante Dani. Quedaba pouco pero o partido estaba roto, con chegadas constantes a unha e outra área. Yago fai o 2-1 tras unha contra, pero unha falta ben executada por Pesco permite o empate de cabeza por Manu García Priegue. Rozando o desconto Pablo Tuñas fai o 3-2 definitivo despois de recoller un rexeite na área grande logrando así unha vitoria para os locais nun partido moi complexo.

Cabana - Baiñas (1-1)

Goles: 1-0, m.2: Pablo Pose; 1-1, m.11: Fabián.

Partido dos mais completos que xoghamos, fixo un Bo día sin vento e sin chuvia. Quixemos levala iniciativa con balón e combinar para poder crear ocasións e poder llevarnos os tres puntos. Eles marcaron moi pronto nunha boa combinación na frontal sin poder cheghar a tápala. Non tardamos moito en empatar tras Unha boa xogada na que o balón chega en Banda a Kevin e este centra moi ben a Fabián que remacha de primeira un Bo gol. A partir dese empate tan pronto penso que nos animou e empezamos a combinar mellor. Noutra boa xogada na que está vez chega o balón a Cristian en Banda este centra co exterior, estilo Modric, deixando un regalo a Ruli quen regatea o Porteiro e cando Vai anotar, según os xogadores do Baiñas, sacan o balón de dentro un Bo cacho o cabana. O árbitro di que como non o pode apreciar claro non pode dalo gol, que necesitaría líneas para ver eso. Foi o mais destacado da primeira parte. Na segunda creo que podemos decir que merecimos a victoria con dous tiros o Pau de Adri e Dylan....cun man a man de Kevin e outro de Fabián....este partido non entendo como non o ganamos.

Muros - Camariñas (5-3)

Muros: 0-1, m.34: Hugo; 0-2, m.37: Mario; 0-3, m.51: Djibril; 1-3, m.62: Xavi; 2-3, m.63: Pelos; 3-3, m.74: Dani Jurjo; 4-3, m.87: Xavi; 5-3, m.90: Jesús.

Tolemia no Eleuterio Balayo cunha remontada épica dos muradáns. Os de Vinto, que chegaban cunha serie de 9 xornadas sen gañar e mirando o descenso cada vez máis preto, víanse superados na primeira metade por un bo Camariñas, que se metía 0-3 no m.50: Pero chegou a reacción celeste.

Castriz - Ponteceso (2-0)

Goles: 1-0, m.2: Noli; 2-0, m.45: Noli.

Resultado enganoso, moito máis reñido que un a priori claro 2-0. O Ponteceso impediu que o Castriz fixese o seu xogo, presionando moi ben e maniatando as mellores armas dos xalleiros. Así e todo o choque se lle puña de cara aos locais cun tanto tempraneiro de Noli. O cadro de Julio Vila tivo unha media hora excepcional, poñendo certo á meta xalleira, pero unhas veces o acerto defensivo e outras a mala punteria ou fortuna nos remates fixo que esta non fose posible. O Castriz tamen conseguía sair na búsqueda dun segundo gol que lle dera máis tranquilidade no marcador ante un Ponteceso con dúbidas na última linea defensiva. Cando xa se chegaba o descanso chegou este segundo gol tamen obra de Noly no minuto 46 da primeira parte.

Na segunda metade, cun algún cambio táctico, o Ponteceso dominou o xogo, pero o cadro xalleiro non sufríu e si fixo máis dano á contra. Vitoria traballada deste Castriz que ten media liga no peto.

Muxía - Monte Louro (3-3)

Partido de FUTBOL da Costa no campo de Arlina Muxia — O Campazo de Arliña

Goles: 0-1, m.1: Chano; 1-1, m.24: Congui; 2-1, m.50: Kevin; 3-1, m.53: Manu Martínez; 3-2, m.62: Chano de espuela; 3-3, m.90: Fabio.

Partido con sorpresa final tamén en Arliña. O choque arrincaba co gol de Chano para os visitantes. Pero pronto tomou o mando o cadro de Nando e Fran Toba, que comezaba a carburar, empataba e con boas fases de xogo se puideron ir por diante ao descanso, errando ata un penalti. Si o fixeron á volta dos vestarios con dous goles tempraneiros. Pero agárrase aos partidos este Monte Louro, e da man dun Chano que está nun estado de forma espectacular, os de Bibi metíanse no partido. Non estiveron ben en defensa nas xogadas a balón parado, e xa no desconto un balón colgado e tras varios rexeites, Fabio acadaba un empatiño que sabe a ouro por Louro.