Leva moitos meses Ponteceso protagonizando un sainete político escabroso. Só fai falta lembrar o esperpéntico último pleno municipal, no que o propio alcalde, Lois Carballido, abandonou a sesión por orde do secretario, sendo o propio secretario o que abriu o debate, moderou e incluso debateu, é dicir, exercendo de presidente da sesión.

En calquera caso, a loita entre o grupo de goberno en minoría e toda a oposición continúa aberta, Ata o punto de que o grupo de goberno non convoca un pleno pola petición de 10 dos 13 edís do pleno (5 edís non adscritos, 2 de APIN e os 3 do PP), para tratar 5 asuntos de importancia. A oposición ao completo presentaba. o 7 de xuño de 2021 unha solicitude de sesión extraordinaria para tratar mocións que, nalgún caso, xa foran presentadas para outras sesións pero para as que os servizos técnicos de intervención e secretaría non puideran informar por falta de tempo.
”A lei establece que o alcalde ten que convocar a sesións solicitada a solicitude da cuarta parte do número legal de membros da Corporación no prazo de 4 días, pero o alcalde resolveu denegar a solicitude baseándose en informes do secretario accidental e da interventora”, denuncian os membros da oposición ao completo, unha vez que viron rexeitada a convocatoria do pleno.

As mocións propostas están a posta a disposición dos veciños dun vehículo municipal, unha análise sobre o estado do Servizo de Axuda no Fogar (SAF); a rebaixa do IBI, unha análise sobre estado económico-financieiro do concello, ou o estado dos últimos procesos de selección de persoal levados a cabo polo Concello.

Os informes conclúen na maioría dos casos que non hai tempo material para emitir informes profundos e completos ademais de por non estar claro se serían nulos os acordos adoptado e por apreciar que deberan solicitarse como mocións resolutivas e ir na parte correspondente do pleno e non de control e fiscalización dos órganos de goberno. Outras veces é porque o alcalde é o que ten que iniciar o expediente, por exemplo o da rebaixa do IBI ou que ese tema en concreto habería que dirixilo ao apartado de rogos para que o alcalde valore se acepta ou non iniciar o expediente.
En calquera caso, dende a oposición consideran “absurdo” xustificar a denegación da inclusión na orde do día dos asuntos propostos pola oposición baseándose nestes informes.

Historia do sainete político de Ponteceso

• 10-06-21: O alcalde de Ponteceso denuncia ao pleno para evitar que se investiguen as gravacións no seu despacho.
• Xuño 21: Protección Civil de Ponteceso denuncia que o alcalde intenta controlar a Agrupación con accións irregulares.
• 01-06-21: Non mellora o ton no pleno de Ponteceso.
• 06-05-21: A veciñanza de Ponteceso si se fala e si propón solucións ao bloqueo político.
• 05-05-21: Ponteceso, a corporación que pide diálogo pero non se fala .
• 03-05-21: A Secretaria non admite a trámite a moción de censura de Ponteceso, que terá que pasar ao Xulgado.
• 01-05-21: A oposición de Ponteceso presenta conxuntamente a moción de censura .
• 29-01-2021: Un pleno sen concelleiros en Ponteceso.
• 24-01-2021: Toda a oposición pontecesá piden á provincial socialista que aclare se o POS é aínda viable.
• 22-04-2021: Novo fracaso no intento de consenso arredor do resucitado POS de Ponteceso.
• 17-04-2021: A mocidade de Ponteceso lamenta a falta de interese dos grupos políticos polo consenso.
• 15-04-2021: Albíscase xa a moción de censura en Ponteceso.
• 15-02-21: O GES de Ponteceso rompe anos de silencio contra o seu alcalde: “Ese “señor” non nos representa”.
• 14-02-21: Novo audio de Carballido: “O máis fácil e o máis lóxico é non renovar o convenio co GES”.
• 12-04-21: Un panfleto contra Carballido e unha colleita de sinaturas polo consenso na campaña eterna que vive Ponteceso.
• 10-04-21: Novo audio de Carballido: “Ti dame os gastos, que eu xa consigo tíckets”.
• 04-04-2021: Piden á Provincial Socialista a dimisión de Carballido.
• 01-03-2021: Denuncian ante a Garda Civil a posible destrución de documentos do alcalde de Ponteceso.
• 31-03-2021: O audio que non se puido escoitar no pleno de Ponteceso.
• 29-03-2021: O Pleno de Ponteceso aproba unha comisión informativa para investigar as gravacións.
• 27-03-2021: Ponteceso, único concello da Provincia sen POS pola irresponsabilidade dos seus políticos.
• 12-03-2021: Terceiro pleno inútil para salvar o POS de Ponteceso.
• 04-03-2021: Os políticos de Ponteceso continúan co seu circo plenario.
• Decembro 2020: Os voluntarios de Protección Civil de Ponteceso lamentan “as decisións unilaterais e vingativas do alcalde”.
• 9-10-2020: Os edís chantaxeados de Ponteceso queréllanse contra o alcalde e contra La Voz de Galicia .
• 27-10-2020: Carballido cambia a Xunta de Goberno e a Provincia Socialista abre expedientes aos 3 edís gravados con cámara oculta.
• 26-10-2020: Marco Varela: “Vergonza”.
• 25-10- 2020: Chantaxe ou montaxe?.