Anunciou esta mañá a Xunta de Galicia a licitación da 1ª fase da prolongación do Corredor da Costa da Morte, o treito de Santa Irena – AC432, a estrada que une Vimianzo e Camariñas. Un treito de apenas 5,8km, deixando pendentes as ampliacións ata Berdoias, ata Cee e mesmo a prometida, hai máis de 20 anos, ata o peirao de Brens.

Un proxecto anunciado como “Prolongación da Autovía Costa da Morte”, aínda que esteamos a falar dunha Via de Alta Capacidade, cun carril por cada sentido. De feito, Alfonso Rueda condicionou o posible desdoblamento nun futuro a Autovía, “se os datos de circulación así o avalan”, sinalando que as obras deixarán preparado ese posible desdoble, pero sen puntualizar que as obras do desmonte realizado entre Baio e Berdoias leva máis de 10 anos relizado.

Escoltado dos rexedores populares como os de Cabana, Ponteceso, Laxe, Coristanco, Fisterra ou Malpica, así como o alcalde de Zas (BNG) ou o concelleiro de Vimianzo (PSOE). o presidente da Xunta anuncio que hoxe ábrese o prazo para que as empresas presenten as súas ofertas, e que as obras darán comezo a partir de xullo, cun prazo de execución de 2,5 anos, co que nos colocamos en 2029 para a súa posta en marcha.

Datos do proxecto

O novo treito que estará limitado a 100 km/h. Segundo a Xunta, "as obras resultan de gran complexidade técnica, xa que inclúen a construción de dous enlaces e a previsión dun terceiro; tres viadutos; seis pasos superiores; tres pasos inferiores; e seis obras de drenaxe". A estrutura máis singular será o viaduto sobre o río Vimianzo, que permitirá o cruzamento da vía sobre esta contorna e que terá preto de 250 metros de lonxitude:

Histórico da Autovía

• Novembro 25: A Xunta afirma que o tramo de Corredor, non autovía, ata Vimianzo non estará listo ata 2029.
• Agosto 25: A Xunta porá unha rotonda no cruce de Berdoias.
• Outubro 25: Os Orzamentos da Xunta de 2026 recollen 8 millóns para a VAC.
• Outubro 25: O BNG urxe á Xunta axilizar o expediente para comezar canto antes as obras do corredor da AG-55.
• Xuño 25: Aprobado, tras 5 anos paralizado, o proxecto dos 5,5 km de Corredor ata Pasarela.
• Maio 25: O PP volve rexeitar no Parlamento acelerar a licitación do novo treito do corredor da Costa da Morte:
• Febreiro 25: A Autovía, a gran tomadura de pelo da Xunta do PP á veciñanza da Costa da Morte.
• Outubro 24: A Xunta lanza excusas sobre o Corredor pero ratifica que se executará ata Berdoias “nesta lexislatura”.
• Xullo 24: 7 Concellos aproban mocións para esixir á Xunta que remate a Autovía Costa da Morte.
• Maio 24: A Xunta evita concretar prazos para a activación das obras da Autovía.
• Maio 2024: O BNG reivindica desde Berdoias a ampliación da autovía da Costa da Morte.
• Novembro 2023: O BNG reitera a falta de execución de partidas que aparecen ano tras ano nos Orzamentos da Xunta para a Costa da Morte
• Outibro 23: Os Orzamentos da Xunta 2024 reducen a partida para a VAP
• Febreiro 23: A Autovía volve enredarse no Parlamento.
• Febreiro 23: A alcaldesa de Camariñas urxe á Conselleira a reactivación da prolongación da Autovía/Corredor ata Calo.
• Novembro 22: O pleno de Corcubión volveu pedir que se remate a Autovía e que se elimine a peaxe.
• Novembro 22: O PSOE Costa Atlántica lamenta a falta de compromiso dos Orzamentos da Xunta coa Autovía.
• Outubro 22: Os Orzamentos da Xunta inclúen, un ano máis, unha partida para o Corredor Baio-Berdoias.
• Agosto 22: Os socialistas esixen á Xunta que cumpla coas promesas do Corredor.
• Outubro 21: Os Orzamentos da Xunta para 2022 inclúen 3,43 millóns de euros para continuar o Corredor entre Baio e Berdoias.
• Maio 21: SEA e Goberno central reiteran que a conexión do Polígono de Vimianzo coa Autovía é responsabilidade da Xunta.
• Marzo 21: Reiteran a necesidade de rematar a Autovía ata Cee, ou polo menos ata Berdoias.
• Setembro 2020: Lembran os case 20 anos de promesas da Autovía Costa da Morte ata Brens.
• Febreiro 2020: Anunciada a ampliación da “Vía de Altas Prestacións”, con saída pero sen enlace co polígono de Vimianzo.