As persoas que seguen esta columna saben que todos os anos publicamos o estado de rendición de contas dos nosos concellos. Pois ben, cumprindo con ese compromiso, agora que se coñecen os datos, presentamos o detalle na táboa.

Os resultados podemos consideralos satisfactorios. Por iso, procede darlle a en hora boa aos dirixentes municipais que fixeron ese exercicio de transparencia, de compromiso democrático e, en definitiva, de respecto á cidadanía, así que: parabéns! 

Porque, con ese comportamento, o Consello de Contas pode verificar si os fondos públicos, que se puxeron en mans das alcaldías do anterior mandato, foron executados con eficacia e eficiencia. É verdade que a mera presentación destas contas non supón que se fiscalicen os estados contables, porque non se trata dunha auditoría, senón de verificar o cumprimento de certos aspectos formais e cos alcances que constan no programa de fiscalización aprobado polo órgano independente de control das contas públicas galegas. 

Pero, coa rendición, ademais de cumprir cunha obriga legal, evitando a imposición de multas coercitivas e a prohibición de conseguir subvencións, constátase a boa disposición das actuais persoas que presiden os plenos.

Nese sentido, cómpre salientar que tanto Cabana, Cee, Malpica como Muxía son o exemplo a seguir, ao render a súa conta en prazo e sen incidencias significativas. Porén, e a pesar de que o resto presentaron defectos de contido, de tramitación e/ou coherencia nos seus estados financeiros, polo menos fixérono, a diferencia do comportamento de Fisterra, Mazaricos e Santa Comba. E iso hai que poñelo en valor. 

Porque, como xa temos comentado en infinidade de ocasións: os concellos deben erixirse en colexios de aprendizaxe democrático, con mestres que ensinen o que significa a transparencia dando exemplo, con pedagoxía política constante e comportamentos éticos que dignifiquen a todas as persoas que ostentan cargos públicos.

Ese é o camiño.

• Domingo Guerra. Economista. Especialista en economía pública e política económica pola USC.

OUTROS ARTIGOS SOBRE ECONOMÍA MUNICIPAL DE DOMINGO GUERRA

• Dúas cuestións sobre a autovía AG 55 da Costa da Morte
• Continuamos perdendo poboación
• Porque nos afecta e nos importa
• Axenda de obrigas 2023
• O Cometa Haley. A rendición de contas.
• Modificación das regras fiscais. Una cuestión inaprazable
• POS + 2022.
• A Ciberseguridade.
• Estado de rendión de contas.
• Auditoría pública fronte ao fraude e a corrupción.
• Retribucións da alcaldía.
• Un maná que debemos aproveitar.
• Vacacións: non toca escribir sobre economía municipal/a>.
• Fiscalización operativa. Xa é hora.
• A morte do orzamento.
• Despois de xaneiro.
• Momento para o consenso e transparencia.
• Suspensión de regras fiscais.
• A detección de riscos na prevención da corrupción .
• Navegando na «chalana».
• As previsións do FMI
• Fraxilidade económica
• 2020, unha nova década
• Comezar de cero
• Arqueo e inventario.
• A factura electoral.
• Volver a votar.
• Autonomía fiscal.
• Auditores privados nas intervencións municipais.
• Cartos e máis cartos en bancos sen rendibilidade.
• Debemos tributar máis?.
• A Tesourería Municipal.
• Cos deberes feitos.
• Perdemos poboación.
• A conta (413) «Acredores por operacións pendentes de aplicar ao presuposto».