Un dos sendeiros máis afianzados da comarca de Bergantiños é a Ruta das Férvedas (PR-G 142). Senda que percorre as parroquias de Rus e Entrecruces e que deixa, como puntos máis singulares (ademais do pazo barroco de Vilar de Francos, cuxa torre foi levantada no século XVI, ou a igrexa de San Paio de Entrecruces), as Fervenzas de Ramil-Rus e de San Paio-Entrecruces, que visitaremos outro día.

Hoxe achegámonos ata a primeira, e o podemos facer seguindo a Ruta (ollo que son 18,6 km e pode levar máis de 8 horas), ou directamente dende a Capela de Santa Eufemia de Ramil.

A subida dende a estrada é de apenas 100 metros, pero ben bonita, pois sobe abrigada polos castiñeiros que deixan, no outono, un camiño punzante de ourizos. A caída da auga do río Férveda, non é tan alta como a súa curmá, pero si ten unha estrutura singular, serpenteante.

Atentos, ademais, se ides en temporada de cogumelos, porque hai varios piñeirais no medio da ruta onde os boletus e os níscalos son de órdago.

Como chegar

Dende a Capela de Santa Eufemia de Ramil hai apenas 500 metros, pero tamén podemos achegarnos en coche ata o pé da fervenza e subir a pequena costiña.

• Mapa da Ruta das Férvedas [pdf].

OS RECUNCHOS DA COSTA

• A Fervenza de Budián.
• A Fervenza de Parga.
• A Fervenza do Rabiñoso.
• Os Penedos de Traba e Pasarela.
• A Fervenza de Vioxo-Chacín.
• A Fervenza de Santa Locaia.
• A praia de Seaia.
• A praia da Barda.
• Os Muíños da Ribeira.
• A área fluvial de Verdes.
• O Pozo da Orca.
• Praia fluvial de Carreira.
• As casetas da Feira na A Ponte Olveira.
• Pico de Meda.
• O Pozo Encantado de Salgueiros.
• O Fuso da Moura
• Pedrafita do Marco da Anta ou Menhir de Erboedo.
• A Ponte do Peón de San Crimezo do Ézaro.
• Cabo Roncudo.
• A ponte da Pontenova.
• A Furna do Osmo.
• Mirador de Louredo.
• A área recreativa de Gabenlle.
• O Cabo, e Faro, Vilán.
• As praias de Reira e o foxo do lobo.
• O Cemiterio dos Ingleses.
• As praias do Trece e a Duna Monte Branco.
• O hórreo de Carnota.
• O hórreo de Lira.
• A Fervenza de Noveira.
• O Casco Vello de Corcubión.
• Os petroglifos de Boallo.