Ligas Galegas: Mala e triste xornada

Ligas Galegas: Mala e triste xornada

08:45 24/03/15

Aluminios Dumbría, que cumpre 25 anos, patrocina as Ligas Galegas

Segue consternado o Fútbol da Costa polo falecemento do porteiro do Malpica Pombo e así o comprobamos coas verbas de apoio de todos os adestradores das categorías inferiores da zona.

Esta semana os adestradores dos equipos das Ligas Autonómicas quixeron render unhas verbas de alento á familia bergantiñá.

Xa no deportivo, a atención está no XSC da Liga Galega Cadete, que se complicou a vida nestas últimas xornadas e terá que pelexar co Orillamar por evitar o descenso. Esta semana era complicado sumar, pero si sumou o seu rival directo. Así e todo, vendeu cara a súa derrota o XSC no terreo do líder da categoría, RC Deportivo B, que só nos últimos quince minutos puido superar a un Xallas que realizou un gran primeiro tempo e unha máis que meritoria segunda metade, e que se veu un pouco abaixo tralo 2-1 dos deportivistas, a falta de 14 minutos para o final da contenda.

Pola súa parte, o Dumbría cadete viaxaba a Vigo para enfrentarse ó Santa Mariña, un equipo situado en postos de descenso pero aínda con posibilidades de manter a categoría. Sen dúbida, o equipo dirixido por Juan e Joaquín realizaba o peor partido da tempada e colleitaba a derrota máis severa do ano ata o momento.

Os Infantís, xa con moi poucas posibilidades de manter a categoría, seguen dando a cara polos campos do país, pero continúan sen sorte. Tiñan o partido gañado en Lalín e se lles escapu.

División de Honra Cadete - Aluminios Dumbría, xornada 28

ResultadoSanta Mariña - Dumbría (5-0)
DUMBRÍA: Gabriel (Jorge, min.41), Josiño (Cristian, min.27), Pablo, Ayoze, Marcos, Adrián (Mario, min.41), Eloy (Esteban, min.51), Xavi, Jose e Luís (Xabier, min.51).

Dende o primero minuto o Santa Mariña mostrouse moi superior ó Dumbría, a intensidade e actitude dos xogadores locais e tamén os continuos erros dos xogadores dumbrieses decantaron un marcador de 5-0 que aínda puido ser máis amplio. O primero tanto local chegaría no 21' logo dunha xogada en ataque a prol do Dumbría que o seu dianteiro Luís non sabe finalizar e na posterior perda do balón propicia o contragolpe do Santa Mariña onde o xogador Anxo consigue bater a Gabriel cun disparo a escadra.
O segundo gol chegaría da mesma maneira logo doutro erro nunha xogada en ataque a prol do Dumbría, esta vez sería Adrián Bardanca o que non finaliza a xogada dando lugar a outra contra local sendo esta vez o dianteiro local Miller o que batía a Gabriel. Con 2-0 remataba a primeira metade.

No primeiro minuto do segundo tempo o Santa Mariña conseguía o tercero tanto, obra de Yago, que batía a Jorge, sustituto de Gabriel logró do descanso. A partir deste terceiro gol o Dumbría baixaba completamente os brazos, os seis xogadores, algúns irrecoñecibles, mostrábanse imponentes e incapaces de aguantar as numerosas investidas locais que mostraban moitas gañas de ofrecer una boa imaxe ante o seu público. No 51' chegaría o cuarto tanto para o Santa Mariña e sería Gonzalo o que conseguía bater a un desesperado Jorge. O quinto e definitivo tanto local conseguíao Joel no 55' situando o 5-0 definitivo no marcador.

Liga Galega Cadete, xornada 28

Resultado: Deportivo B - Xallas StComba (3-1)
XSC: Rubén (Ángel), Raúl, Alberto, Pablo, R; Carlos Baio, Juanjo (mosteiro); Manuel (Óscar), Carlos Rieiro, Thiago e Grille (Adrián) (Óscar).
Goles: 1-0, min.27: Carlos Baio; 1-1, min.55; 2-1, min.66; 3-1, min.72.

Os primeiros corenta minutos foron excelentes dos xalleiros, moi ordenados e pechando toda posibilidade de ataque dos blanquiazules, ata o punto de adiantarse no marcador por medio de Carlos e poder alcanzar maior vantaxe no mesmo cun lanzamento de Grile que pegou na escuadra da meta local.

No entanto, a lesión de Pablo Grille trastornou os plans visitantes, tendo que realizar o seu primeiro cambio xa aos 22 minutos de xogo, aínda con 0-0 no marcador, pero mantendo o seu bo nivel de organización e xogo, conseguindo manter aos atacantes locais lonxe do seu portería, ata o punto de que o líder do grupo non tirou nin unha soa vez á meta de Rubén.

A segunda parte mostrou os mesmos derroteros, cun XSC ben plantado e xogándolle de ti a ti aos locais, pero estes, na súa primeira ocasión clara, conseguiron empatar a contenda aos 15 minutos da reanudación.

Na súa segunda oportunidade clara, o Deportivo, cando restaban catorce minutos, logrou adiantarse no marcador e, pese aos intentos dos xalleiros, o 3-1 sentenciou un choque moito máis igualado do que indica o resultado final, cun tempo moi claro para cada equipo e a diferenza estivo na definición ante a meta contraria duns e outros.

Liga Galega Infantil - Aluminios Dumbría - Play Off Descenso Norte Impar, xornada 6

Resultado: Lalín - Dumbría (2-2)
DUMBRÍA: Juan (Breo, min.71); Sergio, Toni, Luís, Samuel; Brais Fdez, Adrián, Álex (Brais Mtnez, min.74), Xan (Berto, min.65); Tajes e Mateo (Ángel Sestayo, min.60).
Goles: 0-1, min.10: Luís nunha falta lateral; 0-2, min.20: Tajes nun corner botado tamén por Adrián; 1-2, min.36; 2-2, min.56.

Moi bo primeiro tempo do Dumbría en Lalín, no primeiro tempo 5 ou 6 ocasións claras, nas botas de Álex, Mateo e Brais Tajes, que non sentenciaron a un Lalín que se foi metendo no partido, aproveitando algunha decision arbital e, algun erro defensivo. A sentencia puido estar no minuto 32, cun clarísimo penalti a Mateo na esquina da área, co porteiro descolocado, pero o colexiado, de maneira surrealista concede a lei da vantaxe porque o balón lle cae a Tajes no borde da área con 2 xogadores baixo os paus, e tira fora. O arbitro excusouse cun "era moi fácil de marcar", que deixou boquiabertos a todo o mundo.

No min 36 chegou o primeiro gol local, tras unha perda no inicio do xogo dumbrinés, que aproveitaron os do deza para facer unha boa combinación.

No segundo tempo, o Dumbria co vento en contra, pero sin pasar demasiados agobios. Só 2 contras con perigo, aínda que nunha delas Juan fixo dúas moi boas paradas. Pero seguían Tajes e Mateo facendo dano, sobre todo Tajes, con 2 tiros con perigo claro, e Álex entrando moi ben pola esquerda. Nunha delas recibiu de Mateo e só no punto de penalti tirou o pau.

Faltando dez para o final, unha patada no gemelo a Adrián no medio campo, que o arbitro non quere ver. Cun Dumbria medio parado, o Lalín monta unha contra rápida, e marca nunha posición bastante dubidosa. Nos ultimos 10 minutos, volveu o cadro dumbriés a encerralos, con bos centros de Brais Martínez desde a dereita, e 4-5 tiros de Adri desde lonxe, pero que parou o seu meta, e que fixo que os infantís costeiros sumaran só un punto.