Nova xornada, e xa van varias nesta serie de campionato, nefasta para os equipos da Cosa. 4 derrotas e só a vitoria do Baio no derbi (alguén tiña que sumar) ante a Esteirana.

Tivo opcións o San Lorenzo, pero caeu ante un potente Unión. Máis duras foron as derrotas do Dumbría ante un Calo, e do Fisterra ante o Tordoia, encaixando practicamente no desconto.

Esteirana - Baio (0-1)

• Esteirana: MJ, Simón, Code, Damián, Tobío, Alex Rama, Pachi, Oli, Elías, Kevin Rial, Rober Pladur. Tamén: Martín Rama, Adrián, Pablo Rama, Kdvin Lariño, Alex, Brais Noceda e Sergio.

• Baio: Javi Souto, Pablo Rod., Norberto, Pazos, Dani, Damián, Sergio Antelo, Bieito, Porty, Josiño, Diego Santancier. Tamén: Iván Fraga, Bruno, Pablo, Guille Botas, Sergio ERod., Alex Muíño.
• Gol: 1-0, m.32: Josiño.

Partido típico de derbi, con poucas ocasións de gol, clásico de empate, que se decidiu nunha acción illada na primeira metade. O Baio tivo algo máis de dominio e control, pero apenas houbo chegadas nas áreas. Na segunda, a Esteirana estirose pero os baieses souberon xogaron co resultado de cara, facendo desgastar ao cadro esteirán que non foi quen de xerar xogo de perigo.

Se para o adestrador baiés Félix foi unha “vitoria merecida”, para o cadro esteirán, “o fútbol está sendo un pouco inxusto coa Esteirana. Estamos recibindo demasiado castigo para o visto no campo”, sinala un Néstor que se ben valora que o seu equipo non fixo un gran partido e está inmerso nunha dinámica moi negativa (5 partidos sen gañar), o Baio apenas inquedou un par de veces á meta local.

Fisterra - Tordoia (2-3)

• Fisterra: Paulo, Colombia, Breixo, Rubén, Aarón, Jano, Juan, Luis, Lobelos, Adrián Makaay, Estévez. Tamén: Lois, Mario, Juan Lagoa, Marcote, Christian e Guille.
• Goles: 1-0, m.6: Jano remata unha falta de Makaay; 1-1, m.25: Denis; 1-2, m.59: Alberto; 2-2, m.73: Estévez tra un pase de Guille; 2-3, m.85: Denis.

Morreu na beira o Fisterra despois de facer un partido de supervivencia. Chegaba con moitas baixas o cadro de Lobelos, pero empezaban facendo unha media hora moi boa, facendo dano a balón parado, marcando e roubando e tendo ocasións. Pero con pouco facían o empate os visitantes, que ían comezando a superar liñas.

Na segunda volveu comezar ben o Fisterra, pero ao cuarto de hora marcan tras unha boa parada de Paulo. Arriscaron aí os locais, con Rubén conectando con Estévez, tendo boas ocasións para empatar, ata que un pase de Guille consegue deixar só a un Estévez que non perdoa. Estaba o partido para caer do lado local facendo mesmo triangulacións fermosas, e mesmo Makaay manda ao pau.  

Pero volveu aparecer Denis Becerra, o eterno "matacosteiros", que pesca un despexe lonxo tras varios rexeites para darlle a vitoria aos de Nando Muíño. Os últimos instantes son de acoso constante dos fisterrás pero non houbo sorte.

San Lorenzo - Unión (0-2)

• San Lorenzo: Puyol, Samuel, Lucho. Pablo, Alex Costa, Alberto Campos, Mateo Canedo, Juanjo Diego Varela, Alex Taibo. Tamén: Manu Mato, Raúl, Joaquín, Iago, Riki, Jonathan, David Lorenzo.
• Goles: 0-1, m.15: Cristian de falta; 0-2, m.90: Reboiras de falta.

Duas faltas directas demostraron a pegada do Unión. O cadro visitante dominou a primeira metade, pero sen demasiado perigo, agás esa falta de Cristian, un lateral esquerdo doutra categoría, que xa vén facendo estragos aos equipos costeiros.

Na Na segunda foron máis arriba os de Lapdo, que se tornaron dominadores. Pouco a pouco ían envorcando máis e máis o campo, e cando máis apretaban, xa no treito final chegaba a mellor ocasión, cun remate de Juanjo ao longueiro. E do posible empate, na xogada seguinte falta dubidosa ao borde da área, expulsión de Mateo Canedo, e gol de falta de Pablo Reiras…

Dumbría - Calo (1-2)

• Dumbría: Anxo, Samuel, Pablo Paz, Kanario, Gabri Goyes, Adrián Periscal, Mataso, Lucas, Raúl, Mario e Dani Chao. Tamén: Isma, Alex Sendón, Alex Blanco, Antón, Alex Sánchez e Xián.
• Goles: 1-0, m.4: Goyes; 1-1, m.54: Andrés Díaz; 1-2, m.90: Marcos Mella.

4º partido sen gañar do cadro dumbriés, que deixou escapar 2 puntos no desconto.

CRÓNICAS DA 1ª GALICIA

• X.25: Xornada aciaga para os costeiros. Só o San Lorenzo suma.
• X.24: Baio, San Lorenzo e Esteirana perden sendas ocasións para pegar un salto de tranquilidade.
• X.23: O Baio golea e o Fisterra pesca 3 puntos en Verdillo.
• X.22: O Dumbría fica cos de arriba.
• X.21: O Dumbría asaltou Ara Solis.
• X.20: O Baio fai saltar as quinielas e a Esteirana supera ao San Lorenzo.
• X.19: A pegada do Fisterra supera á Esteirana.
• X.18: O San Lorenzo rompe a súa mala serie.
• X.17: Remontada épica do Fisterra para abrir o curso.
• X.16: Acabando o 2023 na metade da táboa.
• X.15: O Fisterra confirma a súa melloría.
• X.14: 4 vitorias costeiras baixo a chuvia.
• X.13: O Baio frea ao San Lorenzo.
• X.12: O San Lorenzo supera a dimisión de Dani Casal.
• X.11: Os poderosos baten cos equipos costeiros.
• X.10: Só un punto en 4 partidos.
• X.9: Así foi a case completa xornada de Defuntos no Fútbol costeiro.
• X.8: Dúas vitorias, un empate e dúas duras derrotas.
• X.7: O Baio deixa escapar puntos importantes mentres os tres da zona alta suman de 3 en 3.
• X.6: O San Lorenzo tamén pode co Fisterra.
• X.5: Este San Lorenzo vai en serio.
• X.4: O Dumbría pega primeiro.
• X.3: O San Lorenzo mantense no alto cun Puebla que presentou a súa candidatura en Ara Solis.
• X.2: Fisterra e San Lorenzo suman e seguen.
• X.1: Arrincou a nova tempada con 3 vitorias e 2 derrotas.

NOVAS RELACIONADAS

• Plan Competicional da 1ª Galicia.
• Como afrontan a campaña os adestradores dos equipos costeiros da 1ª Galicia?.