Venres. 13.12.2019
El tiempo

Pintura romana para seguir coñecendo mundo coa Galería Mulleres de Muxía

Pintura romana para seguir coñecendo mundo coa Galería Mulleres de Muxía
Artemisia Gentileschi na Galeria Mulleres de Muxia

Filla do pintor Orazio Gentileschi, a pintora romana Artemisia Gentileschi (1563-1639) é a protagonista deste mes de abril da Galería Mulleres do Concello de Muxía. Esa proposta, da nosa colaboradora Viki Rivadulla dende o Departamento de Cultura municipal, que nos serve para repasar a historia mundial a través de nomes de mulleres singulares.

Pois hoxe imos ata a Italia do século XVII, brocha en man, para sumerxirnos na pintura de Artemisia Gentileschi. Dende pequena axudaba ao seu pai no taller de pintura, mesturando as cores, limpando os pinceis etc.... Aos 12 anos perde a súa nai, facéndose cargo dos seus irmáns e a casa. Seu pai púxoa moi noviña baixo a protección do seu amigo o pintor Agostino Tassi que violou a Artemisia e sometuna a un acoso constante. Houbo un proceso contra Tassi, que foi unha pública humillación para ela. Prolongouse por 7 meses e nese período a vítima pasou a ser xulgada e mesmo torturada. Ademais someteuselle a vergonzosos exames xinecolóxicos, para constatar se tiña unha vida sexual activa.

Durante moito tempo a historia falou dela máis por estas humillacións sufridas que polo seu grande talento.Foi a primeira muller en ser admitida na Accademia del Disegno de Florencia e puido relacionarse con artistas recoñecidos e conseguir o padroado de persoas importantes. Tivo un xeito moi persoal de enfocar os temas, innovador e rompendo as regras; en moitas das súas obras aparecen figuras de heroínas históricas e lendarias, todas profundamente marcadas coa violencia da vida e da historia como Judith, Bethsabé, Lucrecia, Cleopatra, a Madalena…
Por sorte, hoxe Artemisia Gentileschi é máis coñecida e respectada pola calidade e modernidade da súa obra, destacando por ser unha notable 'caravaggista' que dominou o claroscuro e dotou ás súas obras dun realismo dramático
.

Galería Mulleres de Muxía

Fonte

Comentarios