Martes. 10.12.2019
El tiempo

A Galería Mulleres de Muxía achéganos ao mundo de Doris Lessing

A Galería Mulleres de Muxía achéganos ao mundo de Doris Lessing
Doris Lessing no Decembro 2014 da Galeria Mulleres de Muxia

Segue a Galería Mulleres do Concello de Muxía achegándonos cultura en clave feminina. E precisamente diso se trata, de aprender como a historia ten grandes nomes de mulleres que cambiaron o mundo. Hoxe nos presentan á iraní "Doris Lessing" (Irán, 1919-Londres, 2013). Escritora, Premio Nobel de Literatura, no ano 2007, esta muller firmemente comprometida cos problemas de seu tempo, expresou sempre abertamente as súas conviccións políticas de esquerda.

En 1962 publica unha das súas grandes obras “O caderno dourado”, novela de referencia para o movemento feminista, que pasou a ser considerado un fito na liteartura do século XX. Lessing comprometeuse cos problemas da educación en Rodesia, coa loita contra o racismo, contra o colonialismo e contra a inxustiza. A súa obra é creada para contribuír a cambiar o mundo, para denunciar a violencia, o racismo, a discriminación ou a marxinación. As mulleres, teñen un papel relevante na súa narrativa, unha escrita que se pon da parte das “outras” para darlles protagonismo.

“Canta a herba” , “Instrucións para un descenso ao inferno”, “Memorias dunha supervivente”, “A boa terrorista”, “As aboas”, “Dentro de min” e “O vento levarase as nosas palabras” son algúns dos seus títulos máis recoñecidos.A busca da liberdade foi sempre a idea básica na imprescindible obra de Doris Lessing.

Na Biblioteca da Muller, que conta con 440 títulos no seu fondo bibliográfico, podes atopar:
- DORIS LESSING: ”EL CUADERNO DORADO”, EDITORIAL NOGUER.
- DORIS LESSING ”INSTRUCCIONES PARA UN DESCENSO AL INFIERNO”, Editorial VERGARA.
- DORIS LESSING: “DENTRO DE MÍ “(autobiografía).

Novas relacionadas

Galería Mulleres de Muxía

Fonte

Comentarios