Despois de visitar a Fervenza do Rabiñoso, seguimos a Ruta da Auga (PR-G 250) do Concello de Zas ata a Fervenza de Parga. Unha nova caída deste fermoso río Parga, esta algo máis cativa que a súa irmá, pero con outra fermosa visita pola parroquia de Gándara.

Non ten columpio (como ten a de Rabiñoso) nin banco (como ten a de Budián), pero a de Parga ten tamén un percorrido singular. A caída vese moi ben dende abaixo, ao carón do muíño, e o paseo polas inmediacións é auténtico.

Mágoa que todos os montes dos arredores son eucaliptais, que só deixan medrar as árbores de ribeira que sobreviven pegados ao río.

Zona tranquila do río antes da caída de Parga

Conta a lenda da fervenza de Parga, segundo nos contan dende TurismoZas, que “neste salto de auga afogou unha moza pola tristura de non poder estar co seu amado, e que este foise e nunca máis volveu. Por iso, nas noites de lúa chea, cando o caudal é atronador, escóitase á moza chamar polo seu namorado”.

Como chegar

Comezando na Fervenza do Rabiñoso e seguindo a Ruta da Auga apenas tardarás 15 minutos.
Tamén se pode acceder en coche ata moi preto, deixando o vehículo no lugar de Parga.

OUTROS RECUNCHOS DA COSTA

• A Fervenza do Rabiñoso.
• Os Penedos de Traba e Pasarela.
• A Fervenza de Vioxo-Chacín.
• A Fervenza de Santa Locaia.
• A praia de Seaia.
• A praia da Barda.
• Os Muíños da Ribeira.
• A área fluvial de Verdes.
• O Pozo da Orca.
• Praia fluvial de Carreira.
• As casetas da Feira na A Ponte Olveira.
• Pico de Meda.
• O Pozo Encantado de Salgueiros.
• O Fuso da Moura
• Pedrafita do Marco da Anta ou Menhir de Erboedo.
• A Ponte do Peón de San Crimezo do Ézaro.
• Cabo Roncudo.
• A ponte da Pontenova.
• A Furna do Osmo.
• Mirador de Louredo.
• A área recreativa de Gabenlle.
• O Cabo, e Faro, Vilán.
• As praias de Reira e o foxo do lobo.
• O Cemiterio dos Ingleses.
• As praias do Trece e a Duna Monte Branco.
• O hórreo de Carnota.
• O hórreo de Lira.
• A Fervenza de Noveira.
• O Casco Vello de Corcubión.
• Os petroglifos de Boallo.
• A ruta do Muíño de Louredo.