Os que tivemos a sorte de nacer en Muros, preto do mar, e vinculados para sempre ao mar, non entendemos que se poña en perigo o marisqueo, porque constitúe unha forma de vida e unha importante fonte de ingresos para as nosas xentes. 

E por iso, consideramos un acerto preservar e defender a nosa ría, porque é un espazo natural único. E por iso, consideramos un acerto reivindicar, ante as Nacións Unidas, que este específico subsector produtivo se considere Patrimonio Cultural Inmaterial pola UNESCO. E por iso, consideramos un acerto que o vindeiro sábado, día 2 de decembro de 2023, se celebre en Muros unha mesa debate sobre a «Mina de San Fins».

O propósito da iniciativa é ben claro: que os principais actores implicados e relacionados coa explotación da mina, poidan confrontar ideas e contrastar datos para que a cidadanía, para que os veciños, teñan información.

Por iso, a Asociación Cultural Recreativa Peña Muradana Celtista Cuadrilla de Pepa a Loba, que preside Marco Loxo, organizou a mencionada mesa/debate á que foron convidados un representante da empresa da mina que ten a concesión, outro da Cámara Mineira de Galicia e, tamén, un representante de Augas de Galicia; así como un representante dunha organización ecoloxista, un representante do sector do mar, e outra persoa representativa doutros colectivos veciñais da ría de Muros e Noia.

Ata o momento de escribir este artigo, a empresa mineira non respondeu á invitación; Augas de Galicia declinou participar e desde a Cámara Mineira de Galicia xustificaron a imposibilidade de asistir.

Os que si aceptaron, ademais da alcaldesa de Muros que presidirá o acto, foron o representante dunha organización ecoloxista: Joám Evans; e o representante do sector do mar: Rogelio Santos Queiruga.

Pola amizade que nos une desde a máis tenra infancia, non puiden rexeitar a invitación do meu querido amigo Marco Loxo, para moderar este debate. Oxalá teña a capacidade para manterme equidistante das diversas posicións e consiga levar a bo porto esta difícil tarefa.

• Domingo Guerra. Economista. Especialista en economía pública e política económica pola USC.

Máis novas sobre a mina de San Finx

OUTROS ARTIGOS SOBRE ECONOMÍA MUNICIPAL DE DOMINGO GUERRA

• Dúas cuestións sobre a autovía AG 55 da Costa da Morte
• Continuamos perdendo poboación
• Porque nos afecta e nos importa
• Axenda de obrigas 2023
• O Cometa Haley. A rendición de contas.
• Modificación das regras fiscais. Una cuestión inaprazable
• POS + 2022.
• A Ciberseguridade.
• Estado de rendión de contas.
• Auditoría pública fronte ao fraude e a corrupción.
• Retribucións da alcaldía.
• Un maná que debemos aproveitar.
• Vacacións: non toca escribir sobre economía municipal/a>.
• Fiscalización operativa. Xa é hora.
• A morte do orzamento.
• Despois de xaneiro.
• Momento para o consenso e transparencia.
• Suspensión de regras fiscais.
• A detección de riscos na prevención da corrupción .
• Navegando na «chalana».
• As previsións do FMI
• Fraxilidade económica
• 2020, unha nova década
• Comezar de cero
• Arqueo e inventario.
• A factura electoral.
• Volver a votar.
• Autonomía fiscal.
• Auditores privados nas intervencións municipais.
• Cartos e máis cartos en bancos sen rendibilidade.
• Debemos tributar máis?.
• A Tesourería Municipal.
• Cos deberes feitos.
• Perdemos poboación.
• A conta (413) «Acredores por operacións pendentes de aplicar ao presuposto».