Xuvenís: Escapan os 3 de arriba

16:30 17/12/13

Os Xuvenis do Ponteceso -Foto-Luis Porto

Esta 16ª xornada deixa un pouco máis claros os postos que dán acceso á Liguilla Previa á Fase de Ascenso á Liga Galega Xuvenil.

Liga Xuvenil, Gr.3, xornada 16

Descansaban XSC e Esteirana esta xornada pero os inmediatos perseguidores non o aproveitaron para achegarse á zona de arriba. O Fisterra non pasaba do empate co Outes, e xa se ve superado polo Muros. O Cee vencía ao Lira pero os 3 equipos quedan a 4 e 5 puntos do cadro xalleiro, o que marca a clasificación para a seguinte fase a falta de 6 partidos para o remate da liga regular.

Dumbría - Mazaricos (0-12)

Goles: Maikel (4), Javi (3), Kevin (2) e Martín.
Expulsión: o amarelo Carreira.

Superioridade completa do Dumbría, e se xa se prevía a cousa quedou sentenciada cando aos 10 minutos quedaba cun home menos o Mazaricos pola expulsión de Carreira. Os xogadores de Alex Romero non se descompuxeron a pesar da goleada e deron unha boa imaxe.

Fisterra - Outes (4-4)

FISTERRA: Santi, Javi Suárez, Cartamil, Rubén (Benlloch, min.38), Breixo, Noé (Beto, min.65), Jose, Abel, Moisés, Josema e Adrián.
OUTES: Yoel, Rafa, Brión (Samuel, min.65), Adrián, Rubio, Álvaro (Simón, min.80), Babu, Ibra, Cutu, Paulo (Jurado, min.55), Veleiro (Borja, min.75).
Goles: 0-1: Veleiro; 0-2: Veleiro; 1-2: Noé de penalti; 1-3: Babu de penalti; 1-4: Ibra; (descanso); 2-4: José; 3-4: Josema; 4-4: Adrián.
Expulsión: o fisterrán Cartamil.

Partido de colexio, con dous equipos que se adican a xogar, sen necesidade de competir dada a situación de estar en terra de niguén. O choque comezaba cun Outes que barría do partido ao cadro local e se metía 1-4 na primeira metade.

Pero cambiaba radicalmente o panorama e se ben comezaba a segunda cun penalti que fallaba Samuel, e un par de ocasións do propio Samuel e Zeta que lle mandou ás mans ao porteiro, o Fisterra estirábase. E vagariño conseguía empatar o choque.

Muros - Soneira (5-1)

MUROS: Matías, Yeray, Veloso, Javi, Diego, Santi de Lira, Álvaro, Piki, Ramón, Samu e Hugo. Tamén xogou: Sergio, Loló, Damián e Mancebo.
Goles: 1-0, min.20: Hugo; 2-0, min.40: Samuel; 2-1, min.55; 3-1, min.65: Santi; 4-1, min.75: Damián Sarillo; 5-1, min.80: Samuel.

Primeira parte moi mala dos dous equipos, na que o Muros puido sentenciar o encontro con ata 5 oportunidades claras das que só dúas entraron.
Na segunda metade acurtaría distancias o Soneira, pero o Muros foi era superior e Santi meteria para os locais. Damiá Sarillo e Samuel sentenciaban deixando ao Muros 4º, por riba do Fisterra.

Cee - Lira (5-2)

CEE: Paulo, Abraham (Kevin, min.75), Carlos Leis (Vilela, min.71), Esteban, Rafa (Castillo, min.50), Tebo, Andrés, Alex, Pablo, Felipe (Ferrío, min.67) e Mario (Marco, min.51).
LIRA: Aitor, Dani (Marcos, min.32), Cibrán (Cristian, min.70), Javi, Xabi (Sergio, min.71), Xose, David, Isma, Saúl, Alexis (Aitor, min.60) e Xoán.
Goles: 1-0, min.18: Felipe a pase de Andrés; 1-1, min.20: David; 2-1, min.28: Andrés; 3-1, min.57: Mario; 4-1, min.60: Rafa; 4-2, min.63: David; 5-2, min.65: Pablo.

Aguantou o pechacancelas no San Paio de Refoxos unha hora de partido, ante un Cee superior que tardou en facerse co partido. Felipe, que debutaba esta tempada, adiantaba ao Cee, pero de contado David facía a igualada. Á media hora Andrés metía de novo ao Cee por diante.

Chegaba o gol da sentenza, no momento máis emotivo da tarde, pois Rafa marcaba o seu primeiro tanto na casa e o adicaba a Aitor, levantando a camisola e deixando ao aire o lema "Ánimo Torre", enviando o seu alento a un compañeiro que se perderá o resto da campaña por mor dunha lesión.

Liga Xuvenil, Gr.4, xornada 16

Malísima xornada para o Ponteceso, que tiña ocasión de recurtar distancias co Malpica e non só non a aproveitaba senón que caía ante o Camariñas e deixa a Fase a 5 puntos, e tendo un partido máis.
Por arriba, Cabana e Corme seguen man a man, sacando xa 4 puntos ao Malpica, co Corme tendo un partido máis que os outros dous. O Cabana vencía facilmente ao Castriz mentres que o Corme acababa pedindo a hora ante un Baio que este ano non está tendo sorte e ve como a clasificación non é xusta co seu xogo.

Laxe - Coristanco (2-3)

CORISTANCO: Nacho, Iván, Rubén (Falcao, min.60), Navarro (Abelenda, min.46), Javi, Cristian, (Naya, min.55), Joaquín, Fondo (Mosquera, min.80), Bértoa, Pombo e Brandón.
LAXE: Martín, Sergio, Amarello, Roberto, Pibe, Santi, Djamel, Elías, Ferri, Lolo e Adrián. Tamén xogou Nico.
Goles: 0-1, min.5: Fondo; 0-2, min.20: Brandón remata un córner de Pombo; 0-3, min.30: Navarro aproveita un rexeite do porteiro a tiro de Brandón; 1-3, min.55: Elías; 2-3, min.75: Adrián.

3 puntos que levou o Coristanco de Da Silva do campo laxense tras aproveitarse dunha primeira metade na que os de Nano Mohedado estaban descolocados, acusando as baixas en defensa. 0-3 se metían antes do descanso, poñendo o partido moi costa arriba para os locais.

Pero non perderon a cara ao partido e o Laxe se foi arriba, recortando e acabaron metendo na súa área a un Coristanco que acabou pedindo a hora. Adrián tivo a mellor para acadar o empate pero Nacho salvou no man a man.

Corme - Baio (3-2)

CORME: Rubén, Isaac, Ivaán, Cristian, Eloy García (Juanma, min.27) (Fernando, min.87), Yoshua, Fran (Isma, min.74), Antoniño (Eloy Castro, min.62), Manu, Brais e Kike (Dani, min.82).
BAIO: Guille, Fabián, Michi, Pedro, Estefan, Santi Díaz, Kevin, José, Pablo (Alfonso, min.75), Silvariño, Cristian (Fran, min.70).
Goles: 1-0, min.20: Manu; 1-1, min.36: Kevin; 2-1, min.43: Juanma; 3-1, min.51: Kike; 3-2, min.58: Kevin.
Expulsión: o cormelán Cristian (min.90).

Primeira metade igualada, cun Corme algo mellor, que se meteu por diante a pesar de que o Baio, ben prantado, conseguía empatar o gol inicial de Manu. Juanma metía ao fío do descanso ao Corme por diante de novo, pero na segunda foise crecendo o equipo de Pastoriza que mereceu máis e demostrou que a clasificación non é xusta co equipo.

E foi unha última media hora de auténtico sufrimento do Corme, ante un Baio que apretou e apretou pero non tivo sorte de cara gol. Acabou pedindo a hora o Corme e de durar 10 minutos máis o partido Kevin de seguro que tivera igualado a contenda e asinado un hat trick.

Camariñas - Ponteceso (2-1)

CAMARIÑAS: José Luís, Pose, Martín, Mateo, Ariel, Chicote (Cantalejo, min.90), Juan, Aitor (Dani, min.60), Carlos (Brian, min.75), Javi (Chuqui, min.85) e Jose.
PONTECESO: Dani Santos (Damián), Adrián (Lucas), Dani Sánchez, Diego, Dani Villar (Diego Pérez), Lorenzo, Ismael (Óscar), Ismail, Yago, Valle (Javi) e Pablo.
Goles: 1-0, min.20: Javi dende o medio campo; 2-0, min.35: Javi nunha contra de vaselina; 2-1, min.92: Lorenzo
Expulsión: o camariñán a Jose (min.50).

Regalou o Ponteceso os primeiros 45 minutos a un Camariñas que fixo un partido moi correcto. Dominou o cadro de Pirucho na primeira, e Javi abría fenda para os seus, a pesar de que os visitantes protestaron unha posible falta en ataque no segundo tanto.

Comezaba a segunda cun Ponteceso de Rubén Souto algo máis enriba, tocando máis pero sen profundidade e sen facer o xogo doutros partidos. O Camariñas estaba cómodo, armado atrás e buscando algunha contra. Mesmo con 10 o Camariñas aguantaba e Carlos tiña unha contra para matar o partido. Pero o Ponteceso foise estirando e conseguía recurtar, e manda un balón ao longueiro, pero xa era demasiado tarde para a remontada.

Cabana - Castriz (4-0)

Goles: Iván Mato, Raúl, Dani e Pablo.

Cómoda vitoria dun líder que xa ten varios xogadores entrando cos maiores asiduamente, como son Iván Mato e Dani Mato, Raúl e Diego Cacha. Os cabaneses foron superiores ao novato Castriz e así o refrenda o marcador.
Fernando perde a David Varela por unha lesión no ombreiro que o deixará varias semanas de baixa.

Muxía - Porteño (2-2)

Goles: 1-0, min.20: Víctor Alcaina de penalti; 1-1, min.40: Pardiñas; 1-2, min.55: Mikael; 2-2, min.80: Edi.

Partido igualadísimo en Arliña entre equipos veciños. O cadro local foi lixeiramente superior pero o equipo de Ordóñez soubo aproveitar as súas e sumar un puntiño máis. Ademais, contou cun gran Brais baixo paus que, sobre todo na segunda metade, foi clave salvando varias ocasións dos de Javier Lema, que non tiveron o día cara gol e mesmo marraron dúas penas máximas, unha por medio de Víctor Alcaina e outra por medio de Juanjo.

Tras unha primeira metade igualada que acababa en empate, o Porteño se adiantaba nunha contra e cedía o dominio ao Muxía que estivo en campo contrario toda a última media hora. Edi acababa empatando para os seus na única ocasión que foron quen de superar a Brais.