Ligas Galegas: O XSC albisca a salvación

Ligas Galegas: O XSC albisca a salvación

09:15 31/03/15

O XSC cadete saltando ao campo un partido en Fontenla

Aluminios Dumbría, que cumpre 25 anos, patrocina as Ligas Galegas

Xornada importante para o XSC da Liga Galega Cadete. Recibía ao descendido pechacancelas, ao que, sen piedade, lle endosaba un set. E ademais, o seu máximo rival por evitar a posible praza de arrastre, o Orillamar, caía ante un dos de arriba, o Bertamiráns, que precisamente recibirá aos xalleiros a vindeira xornada. Ten agora o cadro de Corredoira 2 puntos de marxe sobre o cadro herculino cando quedan 5 xornadas, que serán finais.

Ademais, O Dumbría Cadete disputou un partidazo intenso no Conco ante o Lalín, sumando un puntiño máis. Os que non puideron sumar, pero deron o do de peito, foron os infantís, que seguen naufragando na categoría a pesar de competir ata o último día.

Atentos estaremos que este mércores xa comeza a seguinte xornada.

División de Honra Cadete - Aluminios Dumbría, xornada 29

Resultado: Dumbría - Lalín (1-1)
Goles: 0-1, min.74; 1-1, min.80: Brandón.

Emocionante e moi desputado o partido o sábado pola tarde no Conco entre o Dumbría e o Lalín. A primeira metade foi igualada, o Dumbría controlaba o partido tendo máis posesión do balón pero non se achegaba á portería defendida polo porteiro visitante Rubén e non crearía ocasions claras de gol neste primero tempo mentres que o Lalín tentaba de aproveitarse de algún erro dos xogadores locais para crear algún perigo na portería defendida por Jorge. A peor nova neste primero tempo sería a lesión de Ayoze que tería que abandonar o terreo de xogo no 14' sendo sustituído por Luís. Con 0-0 remataba a primera metade.

Xa no segundo tempo o partido volveuse máis intenso. O Dumbría saía decidido a conseguir os tres puntos e tería boas ocasiones pa facelo, no 50' una falta botada por Borja é rematada por Marcos moi preto do pao dereito da portería lalinense. Tamén no 61' o propio Marcos remataba alto un gran centro de Brandón, que volvía a xogar logo dunha lesión que o tiña apartado dos terreos de xogo mais de dous meses. No 74' e cando mellor estaba o Dumbría conseguía o Lalín o seu gol logo dunha mala entrega da pelota de Raúl consegue recuperar o Lalín que monta un contraataque sendo o seu xogador Nico o que conseguía bater a Jorge. Parecía que o gol sería definitivo pero una falta,a prol do Dumbría, botada polo porteiro local Jorge no seu propio campo consíguea peinar o dianteiro local Eloy para que Brandón bata ó cancerbeiro lalinés situando o 1-1 no marcador.
Xa no 83', tres minutos por riba do tempo reglamentado, logo dunha gran dorada de Josiño, lateral dumbriés, sería outra vez Brandón o que enviaba balón ó longueiro despois de que conseguira tocarlo o porteiro evitando así o segundo tanto local e rematando o partido con resultado de 1-1.
O próximo partido do Dumbría, este mércores día 1 de abril ás 17:30 novamente no Conco.

Liga Galega Cadete, xornada 29

Resultado: Xallas StComba - Eume (6-0)

XSC: Rubén (Elián); Raú, Alberto, Pablo, R (Héitor); Juanjo, Juan Lois (Óscar); Manuel (Adrián), Carlos Baio, Thiago e Carlos Rieiro (Grille).
Goles: 1-0, min.14: en propia meta a centro de Juan Lois; 2-0, min.27: Carlos Baio; 3-0, min.33: Carlos Rieiro; 4-0, min.62: Thiago; 5-0, min.74: Adrián; 6-0, min.79: Héitor.

Partido moi completo o realizado polo XSC ante o Eume, equipo xa descendido, onde os xalleiros saíron moi intensos desde o principio e non deron opción á sorpresa. Desde o primeiro minuto o Xallas puxo cerco á meta visitante, e xa se adiantou no marcador aos oito minutos, pero o colegiado anuló o tanto de Carlos por un máis que dubidoso fóra de xogo. Pouco despois conseguirían os locais o 1-0 e xa ata o final da primeira metade chegarían dous novos tantos, o segundo excepcional de Carlos Baio nun disparo desde máis de trinta metros á escuadra.

Na segunda metade, mantívose o dominio local, aínda que menos intenso, pero nos últimos vinte minutos chegarían tres novos tantos do Xallas de Santa Comba, ata conseguir o 6-0 final, fiel reflexo do que foron os oitenta minutos de xogo.

Este sábado, ás 17:00 en Bertamiráns, nova e complicada final ante un dos de arriba.

Liga Galega Infantil - Aluminios Dumbría - Play Off Descenso Norte Impar, xornada 7

Resultado: Dumbría - Lugo (1-3)
DUMBRÍA: Sergio, Toni, Luís, Samuel; Brais Fdez; Xan (Ángel Sestayo, min.66), Berto (Jonny, min.60), Adrián, Álex (Brais Mtnez., min.70) e Brais Tajes.
Goles: 0-1, min.27; 1-1, min.58: Brais Tajes marca un golazo de vaselina, tras unha boa xogada individual; 1-2, min.63; 1-3, min.69.

Hai días en que o resultado reflicte a superioridade dun conxunto sobre outro. E moito máis, nunha categoría como a Galega Infantil, na que compiten os mellores, e na que soen ganar os mellores. Pero o pasado sábado ganou no Conco todo un CD Lugo sen amosar a superioridade que demostrou na liga regular, e sen ser mellor que os rapaces do Dumbría, en boa parte do choque. Os costeiros foron compactos, solidarios no esforzo defensivo, punzantes nas contras e competitivos todo o choque.

O Lugo prantouse no Conco con ganas de mandar, pero viuse sorprendido polo entramado defensivo local, e pola competitividade que demostraban. O primeiro acto foi de equilibrio absoluto, con escasas escaramuzas nas áreas. Só algùn achegamento de Brais Tajes, omnipresente no traballo e nos desmarques, e algún dun Lugo, que se atopou cun gol, máis que telo buscado. Un balón solto na área local, que nun dos poucos erros da mañán, non alonxou a sólida zaga coruñesa, foi resolta pola calidade lucense, cun centro e un bo remate de cabeza, inapelable para Juan.

O segundo tempo comezou con 15 minutos de gradeza futbolística costeira. Brais, Berto e Adrián mandaban na sala de máquinas, e Tajes seguia sendo un incordio constante para os defensores visitantes. Nunha das suas accións, a sutileza dunha vaselina do de Arou, premiaba esa fase de bo fútbol local.

O Dumbría buscou a vitoria. Toni incrustouse na medular, buscando máis presenza ofensiva. Pero o Lugo non queria perder. Tiña balas na recámara, que mantiveron o ritmo e aumentaron o perigo. Antes do 1-2, unha boa saída de Juan, neutralizou unha perigosa incursión lucense. Non o poido facer sin embargo, na acción do 1-2, onde o mediapunta zurdo do Lugo, culminou cun sutil toque coa dereita unha gran xogada individual. O partido abriuse, e Breo tivo oportunidade de evitar o 3º cunha gran parada. Pouco despois, a falta de 10 minutos, o Lugo finiquitou o encontro cun novo tanto. Nos últimos 10 minutos, o Dumbría tivo agallas para non virse abaixo e buscar un gol que o metera no partido. Non o atopou. Pero amosou que pretende estar vivo todos e cada un dos partidos que lle resten nesta categoría.