Resulta que ao goberno municipal agora lle entra a paranoia. Porque, que nunha noite do pasado fin de semana – unha desas noites de borracheira brava - a catro (a tres, a dous ...) anormais lles dese por volcar unha maceta chea de terra aló onde se situa a parada de taxis, é un “acto vandálico” que podería xustificar a instalación de cámaras na Praza Castelao. Así o di a nota de prensa publicada no xornal La Voz de Galicia do día oito deste mesmo mes. A este paso, os corcubioneses, imos merecer ostentar - moito máis que os ceenses- o apelativo de “coreanos”. Pois isto, co ritmo nacionalista e pachangueiro que leva, vai parecéndose cada día máis a Corea. A Corea do norte, naturalmente.

Fagan memoria e verán que algún de vostedes, ao igual que moitos de nós – arrieritos somos todos...- en noites semellantes, chegando a casa ou xa nela, tamén tiraron, querendo ou sen querer, obxectos semellantes – algún xerro da China, búcaro de mamá, ou paragüeiro do século XX pero coma do XIX-. E é que as vosas mercedes, aínda que agora se atopen cónsules maduros, tamén foron mozos.

Xa sabemos que o cargo esixe e que teñen que abogar pola orde pública, o respecto dos bens comúns, e todo iso que lles xustifica o soldo. Pero non me filmen indo a mercar o pan, cona! Que non estamos en Gran Hemano.
Reláxense pois, polo amor de Deus, de Shiva, de Fidel, ou de a quen lle adiquen vostedes culto, e invirtan as forzas nalgo distinto e positivo. Por exemplo, en traer orde ao pobo na figura dese garda municipal tan esperado, ou en cumprir a promesa de reabrir, abrir, ou requeteabrir – que xa non se sabe- o Centro de Día.

- El centro de qué?
- De nada, señora. De nada. Luego se lo explico, que va para largo.

• Abraham Trillo. Estudante, paseante e escritor.

MÁIS ARTIGOS DE ABRAHAM TRILLO

• Luns sen artigo... Ya se verá
• “Detrás de la niebla siempre hay algo”.
• Hastag #Xunqueira2024
• Mar de ardora
• Síguenos receitando.
• 240.
• Posta de (non) sol.
• Un delfín cachondo e duascentas oitenta e catro palabras
• Memorias de un mujeriego.
• Adnama.
• A comprar xenxibre.
• Habaneras de La Coruña
• Vivamos como galegos, pero soñemos como americanos
• Cen viños máis cen libros.
• Letras Galegas
• Escribir sen escribir.
• No tan Gotán.
• San Marcos de Corcubión. San Marquiños querido.
• Posible, hipotético, probable, suposto Manolo
• De Pla y María Dolores.
• Venres Santo.
• E o neno de Sanlúcar volveu brillar
• O Minotauro, Cela, e outros animáis fantásticos
• García Márquez