Luns. 23.05.2022
El tiempo

Recunchos da Costa: Praia de Beo

Recunchos da Costa-praia de Beo 3
Recunchos da Costa: Praia de Beo

Visitamos neste soleado comezo de ano outro dos areais agochados do Concello de Malpica. A praia de Beo está, en pleno Camiño dos Faros (é a primeira parada para recuperar folgos da primeira etapa), situada entre o Cabo de Santo Hadrián e a praia de Seiruga, outro dos Recunchos da Costa onde ademais se pode comer, e ben.

Está resgardada do nordés, así que é unha boa opción cando hai moito vento. A súa área recreativa cunhas poucas mesas e zona para barcacoas a pé de praia, permite disfrutar da praia en clave “domingueira”. As augas, iso si, cristalinas pero conxeladas, por susposto.

Enriba érguese o pequeno lugar de Beo, con algunha casa ben fermosa. Subir as escadas merece a pena para ter unha vista aérea da contorna.

Para disfrutar dos cantís deste espazo natural podes coller tamén e facer uns km do propio sendeiro verde do Camiño dos Faros, e chegar, por exemplo, cara o sur, ata o pequeno Porto da Tella.

Recunchos da Costa-praia de Beo 2hdrpl

Como chegar

 

MÁIS RECUNCHOS DA COSTA

comentarios