A participación en congresos técnicos e académicos é, para quen traballa no sector público, moito máis que unha actividade complementaria. É unha oportunidade para compartir coñecemento, contrastar experiencias e contribuír á mellora da xestión pública desde unha perspectiva crítica e construtiva.

Porque, os congresos son espazos privilexiados para coñecer boas prácticas, formarse e establecer vínculos entre profesionais. Participar neles é, tamén, exercer a responsabilidade profesional con vocación de servizo, apostando por unha administración local máis útil e preparada.

Por iso, esta semana, tiven a ocasión de estar nun congreso celebrado na cidade da Coruña, Un encontro de conmemoración dos corenta anos de dúas leis fundamentais para os nosos concellos: a Lei de Bases de Réxime Local e a Lei de creación do Consello de Contas. 

Máis que unha celebración institucional, foi unha oportunidade para repensar colectivamente o futuro, nun momento no que os concellos precisan máis que nunca ferramentas eficaces, visión estratéxica e capacidade de adaptación.

O evento, pilotado e dirixido por Simón Rego, Conselleiro da Área de Corporacións Locais do Consello de Contas, reuniu a máis de duascentas persoas chegadas de toda España. 

A miña intervención centrouse na figura da «auditoría exprés» —ou como nos gusta dicir en galego: «auditoría pronta»— que é unha ferramenta de fiscalización innovadora, xa aplicada polo Consello de Contas na fiscalización que se está a facer en relación coa Mancomunidade de Concellos Serra do Barbanza, que permite actuar con rapidez e precisión sobre áreas de risco, sen renunciar ao rigor técnico.

Neste foro plural e diverso, afloraron cuestións cruciais que inciden directamente na vida municipal: a distribución real das competencias, o financiamento sostible e a transformación da xestión pública a través da integridade, a tecnoloxía e o talento humano. Non foron discursos baleiros, senón propostas concretas e debates interesantes sobre os retos que afrontamos.

Se aspiramos a concellos máis eficaces e mellor preparados para os retos do presente e do futuro, é imprescindible romper coa rutina e abrir espazos para pensar colectivamente. Os congresos son moito máis que encontros: son catalizadores do cambio. Cada voz conta, cada proposta suma. Se queremos transformar a administración local, temos que ser parte activa do proceso. Porque o futuro dos nosos concellos está por decidir, e está nas nosas mans.

• Domingo Guerra. Economista. Especialista en economía pública e política económica pola USC.

OUTROS ARTIGOS SOBRE ECONOMÍA MUNICIPAL DE DOMINGO GUERRA

• Xullo 25: A «lupa» que vixía aos concellos
• Maio 25: Colaboración intermunicipal 
• Abril 25: 40 anos da LRBRL
• Febreiro 25: Diferentes varas de medir.
• Xaneiro 25: O reto demográfico.
• Outubro 24: Volvemos. A rendición de contas.
• Estreamos primavera sen tarefas pendentes
• Dúas cuestións sobre a autovía AG 55 da Costa da Morte
• Continuamos perdendo poboación
• Porque nos afecta e nos importa
• Axenda de obrigas 2023
• O Cometa Haley. A rendición de contas.
• Modificación das regras fiscais. Una cuestión inaprazable
• POS + 2022.
• A Ciberseguridade.
• Estado de rendión de contas.
• Auditoría pública fronte ao fraude e a corrupción.
• Retribucións da alcaldía.
• Un maná que debemos aproveitar.
• Vacacións: non toca escribir sobre economía municipal.
• Fiscalización operativa. Xa é hora.
• A morte do orzamento.
• Despois de xaneiro.
• Momento para o consenso e transparencia.
• Suspensión de regras fiscais.
• A detección de riscos na prevención da corrupción .
• Navegando na «chalana».
• As previsións do FMI
• Fraxilidade económica
• 2020, unha nova década
• Comezar de cero
• Arqueo e inventario.
• A factura electoral.
• Volver a votar.
• Autonomía fiscal.
• Auditores privados nas intervencións municipais.
• Cartos e máis cartos en bancos sen rendibilidade.
• Debemos tributar máis?.
• A Tesourería Municipal.
• Cos deberes feitos.
• Perdemos poboación.
• A conta (413) «Acredores por operacións pendentes de aplicar ao presuposto».