3ª Autonómica: 8ª vitoria do Cerqueda e paso atrás do Muxía

15:22 09/02/15

Cerqueda e Laxe en Xavina de Buno-Foto-UD

A Clínica Fisioterapia A Xunqueira, de Manuel Mira Llopis, patrocina da 3ª da Costa - Coñécenos a través do Facebook

Deixa esta 22ª xornada da 3ª Autonómica - Clínica Xunqueira as cousas como estaban por arriba, co Cerqueda sumando a súa 8ª vitoria consecutiva, e mantendo a vantaxe de 4 puntos co Ameixenda, que non fallou ante o Castrelo. Pero parece que os dous son máis favoritos para o ascendo directo, pois aproveitaron o tropezo do Corcubión en Nantón para sacarlle xa 9 e 5 puntos ao 3ª, un Corcubión que ten ademais un partido máis.

O outro partido da xornada xogábase en Lombáns. O Lira conseguía unha sufridísima vitoria tras 3 partidos sen facelo, e o facía ante un Muxía que levaba 4 vitorias seguidas. Os lirachos vencían e mateñen a súa posición de Promoción, freando as aspiracións du Muxía que queda a 4 dun Coristanco que descansaba e marca agora a Promoción.

Ameixenda - Castrelo (4-1)

AMEIXENDA: Óscar Riolo, Camacho, Javichu, Samuel, Iván Pequeño (Álex, min.29), Momaño, Jesús, Bichiño (Borja, min.65), Demetrio (Vicente, min.70), Cristian e Mario (David, min.75).
CASTRELO: Caamaño, Raúl, Quintáns, Marcos (Israel, min.46), Ozón, Diego, Edreira, Luís (Pichón, min.70), Félix, Suso (Lucho, min.61) e Rafa (Carreira, min.61).
Goles: 1-0, min.6: Cristian; 1-1, min.13: Edreira dende o medio campo; 2-1, min.19: Momaño. 3-1, min.35: Mario; 4-1, min.70: Cristian.

Volveu o Ameixenda a coller o ritmo e puido con facilidade a un Castrelo, unha vez máis marcado polas baixas. Ata con 8 baixas presentábase en Cee o cadro vimiancés cun Roland que aínda non dispuxo da plantilla ao completo no que vai de tempada.

OAmeixenda empezou mellor plantado no terreo de xogo, dominando o balón e combinando por bandas. Logo se adiantaría o equipo de Manolín cun bo centro dende a banda que remata de cabeza Cristian facendo o 1-0. Aos poucos minutos nunha contra Edreira dende medio do campo, ve a Óscar adiantado tira, e consigue un fermoso gol. Os de Vimianzo parecía que se poñían no encontro, pero o pouco tempo unha boa internada por banda de Momaño, remataría unha boa xogada individual mandando o balón a escadra facendo o 2-1. O cadro branco e azul en defensa sufría as grandes dimensións do campo pero en ataque intentaba saír co balón xogado dende atrás e conseguía tímidas chegadas a área local. Xa no treito final da primeira parte Mario aproveitaria un despexe do seu compañeiro Álex e marcaría o 3-1.

No comezo da segunda parte o partido igualouse, un Ameixenda xogando co resultado e o Castrelo buscaba meterse no partido con un gol. E tivo unha ocasión, nunha internada por banda de Diego este centra e David Carreira que tiña a posición gañada o defensa non atina a rematar entre os tres paus. O xogo baixou en nivel pero o Ameixenda quería sentenciar rápido e costoulle marcar o cuarto gol, atopábase cun gran David Caamaño (en edad xuvenil) unha e outra vez. Pero no 71 chegaría o 4-1 definitivo por parte de Cristian. O Castrelo que vií esfumarse calquera opción de poñer en apuros ao equipo ceense.

Preocupado está Roland ante a marea de baixas que está a sufrir o seu equipo. Que se lesións nun quecemento como a de Raúl rompendo unha costela; Stiven cun golpe no muslo e ten para 2-3 semanas; o porteiro titlar cunha alerxia nas mans; Quintáns cunha escordadura de nocello; Darío cun pisotón e xa leva 1 mes fóra; Elvis segue xogando tocado… Aínda así o míster quere destacar a gran actitude do seu equipo ao completo, pois a pesar de levar 7 xornadas sen gañar, segue pelexando e competindo ao máximo.

Lira - Muxía (2-1)

LIRA: Peipo, Eloy, Paqui, Miki, Adrián, Pelos, Pata, Yerai, Iago, Manu, Oli, Cibrán e Aitor.
MUXÍA: José Antonio, Pataca (Victor, min.55), Currás, Juan (Ruso, min.60), Iván, Conguito, Alberto, Martín (Julián, min.75), Gerardo, Peski e Alxires.
Goles: 0-1, min.30: Alxires; 1-1, min.44: Oli de penalti; 2-1, min.53: Pelos.
Lesión: o muxián Juan cun pinchazo.

Partido tremendamente igualado que salvou o Lira, nun choque no que o Muxía mereceu máis. Dominou o primeiro tempo o cadro de Suso e Alxires os puña por diante, colocando ao Muxía, por fin, en postos de Promoción. Pero ao fío do descanso, un penalti protestado polos visitantes, permitía que Oli fixera o empate. Todo despois dun primeiro tempo con ocasións por ambos bandos.

Arrincaba a segunda metade con troua xogada polémica, cunha xogada na que o colexiado pitou cesión ao porteiro muxián e que permitíu que Pelos fixese o segundo. Quedaba moito partido pero o Lira soubo aguantar as embestidas dos muxiáns e mantes 3 puntos fundamentais na pelexa pola Promoción.

Nantón - Corcubión (2-0)

NANTÓN: Guillermo, Dani Costa, Carlos, Eloy, Diego, Carlos Vidal, Fabio, Amado, Luís, Martín e Lareu (Dani B., min.82)
CORCUBIÓN: Sito, Javi, Marco, Trillo, Checjo, Sebas, Gabi, Toja, Balucho, Lourido e Javi Floreal. Tamén xogaron: Coiradas, Alberto e Mini.
Goles: 1-0, min.5: Luís define no man a man; 2-0, min.65: Luís define no man a man tras un pase de Fabio.

Non se adaptou o Corcubión ao complicado céspede das Fontiñas e fixo un mal partido. E iso que empezou facendo perigo coas internadas de Lourido e Javi Floreal. Pero esa dinámica íase romper axiña, cando ós 5 minutos nunha saida á contra Luís plantase so directo á portería e este non perdoa. O control do encontro foise igualando. O Corcubión intentaba saór co balón controlado, pero cunha circulación lenta e sen crear perigo, agás Lourido, que cada vez que a collía facçía dano a un Nantón moi serio en tareas defensivas. Un Nanton que presionaba moito a saída de balón e con numerosas recuperacións creaba perigo con facilidade e tivo varias para poder sentenciar na primeira metade nos pés do propio Luís, Fabio, ou Dani.

A segunda metade seguía a mesma liña, con moita igualdade e ocasións para os dous equipos; e cando máis estaba empuxando o equipo visitante, chegaría a sentencia do partido con outra saída a contra ben executada por Fabio quen lle poñia un bo balón a Luís para deixalo nun man a man co porteiro, e unha vez máis demostrando que é letal neste tipo de accións. Un Luís que segue pichichi da categoría, xa con 17 tantos.

Cerqueda - Laxe (2-0)

CERQUEDA: Gesto (Ángel, min.75), Pablo (Pedro, min.60), Sergio, Dani, Javi Pazos, Lorenzo, Jhonny, Dani Seaia, Jacobo (Uru, min.61), Darío (Juanjo, min.32) e Javi (Atu, min.55).
LAXE: Jacobo, Djamel, Suárez, Jacinto, Aarón; Borja, Santi, Adrián, Roberto (Iván Caamaño); Dani (Carlos) e Elías.
Goles: 1-0, min.10: Jacobo; 2-0, min.48: Javi tras un gran pase de Juanjo.
Lesión: o local Darío cun tirón e o visitante Dani.
Expulsións: os visitantes Carlos e Jacinto.

Partido moi bonito para os afeccionados locais e deses choque tolos para os adestradores. Un Cerqueda que suma a súa 8ª vitoria consecutiva e que afianza o sei liderato e as súas opcións ao ascenso directo, algo que procurará ata o final tras dous anos caendo na promoción.

Foi un partido de poder a poder, sen medo, e con moitas ocasións para os dous equipos. O choque púñase de cara para os locais cun tanto tras unha gran xogada de Jacobo, que dentro da area regateou a dous defensas e definou o pau contrario do porteiro.

Ben prantado no campo, saían moi ben á contra os locais, e ata 4 ocasións claras tiveron para sentenciar, por medio de Dani Seaia, Javi, Darío e Lorenzo, pero perdoaron mandando todas a rentes do pau. O Laxe non tivo o seu mellor día e nunca puxo en apretos ao porteiro local. Antes de acabar a primeira parte lesionariase Dani Pose, que reaparecía tras unha escordadura de xeonllo da que volvería a recaer.

A segunda parte foi parecida a primeira, marcando o Cerqueda aos poucos minutos do comenzo e ca misma dinámica ca da primeira parte. Cabe destacar tamen as rigurosas expulsións dos visitantes Carlos e Jacinto facendo imposible calquer intento de achegamento.

Aquí vemos o gol de Javi que facía o definitivo 2-0 para pechar a vitoria cerquedá:

Publicado by Unión Deportiva Cerqueda.