Xoves. 20.06.2024
El tiempo

1ª Galicia: O Baio descende e provoca un arrastre da Liga da Costa

11 do CD Baio ante o Tordoia.foto-Luis Gonzalez
11 do CD Baio ante o Tordoia Foto-Luís González
1ª Galicia: O Baio descende e provoca un arrastre da Liga da Costa

Queda unha xornada para o remate da 1ª Galicia pero xa temos todo o peixe vendido. O Baio caía na casa ante o Tordoia confirmando o seu descenso matemático á Liga da Costa. Un descenso que provoca ademais o arrastre do Volantes, que conseguira o empate en Vimianzo, pero ao que non lle vale de nada quedar por enriba dos vimianceses.

Mágoa de temporada a do CD Baio. Foron moi irregulares os de Félix, capaces de poñer en apretos aos mellores da competición pero tamén de caer cos máis febles. En todo caso, hai que poñer en valor o esforzo da tempada dos novos xogadores do club branquiazul, moitas veces con 10 xogadores nados na vila sobre o céspede, moitos xuvenís nas convocatorias, e cunha media de idade moi por debaixo do habitual.

Mentres, o resto de equipos están desexando que remate a competición. O Fisterra recibía 9 ante o Praíña; a Esteirana caía 1-2 ante un equipo descendido como o Estrada; o Dumbría , o único aínda vivo nas semis de Copa, perdía 2-1 ante outro de abaixo, o Valiño; e o San Lorenzo recibía 5 dun Agolada que agora o adianta na táboa, deixando aos de Lapido na 15ª praza, a fío do descenso

Baio - Tordoia (1-4)

  • Baio: Javi Souto, Bruno, Pablo Rod., Sergio, Chechi, Dani, Pazos, Porty, MC; Josiño, Diego Santancier. Tamén: Iván Fraga, Pablo Gabín, Jairo, Hugo e Guille Botas.
  • Goles: 0-1, m.2: Alberto Fraga; 0-2, m.15: Denis; 0-3, m.20: Alberto Fraga; 1-3, m.47: Porty; 1-4, m.60: Alberto Fraga.
Capis do Baio e Tordoia co trio arbitral-Foto-Luis Gonzalez
Capis do Baio e Tordoia co trío arbitral-Foto-Luís González

Nos primeiros 20 minutos, inexplicablemente xogándose a vida, o Baio xa recibira 3 goles, perdendo así toda opción de manterse vivo na última xornada. Intentárono á volta do descanso os de Félix Raposo e recurtaron cun tempraneiro gol de Porty, pero despois de varias intentonas, o cuarto dos visitantes, o triplete de Alberto Fraga, deixaba o partido listo.

CRÓNICAS DA 1ª GALICIA

NOVAS RELACIONADAS

Comentarios