Dúas quendas de penalti deciden os Cuartos nocturnos da Copa da Costa FEM

Ponteceso e Dumbria saltando ao Pinguel — Ponteceso e Dumbría saltando ao Pinguel

13:05 16/05/24

Disputouse este mércores, en horario nocturno, e con moitas baixas, a eliminatoria dos Cuartos de final da IV Copa da Costa Feminina. Pendentes do Corcubión-Corme que se poderá celebrar o venres 17 no Cubaleiro, Dumbría, Camariñas e Xallas certificaron o seu pase ás semifinais tras eliminar, respectivamente, a Ponteceso, Cabana e Mazaricos. Dumbriesas e camariñás tiveron que tirar de lotería para pasar.

Tendes o cadro en www.copadacosta.com.

Ponteceso - Dumbría (1-1)

Ponteceso: María, Lara, Ainhoa, Oanes, Berdeal, Silvia, Eva, Muiño, Noemí, Andrea e Claudia. Tamén: Colores, Noe, LauraR., Saray, Lucivili.
Dumbría: Lis, Noa, Paula Carril, Lucía, Lara, Claudia, Sabela, Yoli, Paula Fandiño, Kelly. Tamén: Serena, Juliette, Reyes, Alba e Laura Montero.
Goles: 1-0, m.34: Andrea de cabeza; 1-1, m.81: Serena nun córner.

Paula Fandino e Eva Carril o colexiado — Paula Fandiño e Eva Carril co colexiado

Partido moi emocionante, pero pouco vistoso, no Pinguel, con máis de 200 afeccionados a pesar do horario noctuno. As de Curro saíron ao campo a dalo todo, sabían que era necesario fronte ao Dumbría de Santi Lira recente campión de liga. As locals apretaron dende o comezo, maniatando o dominio dumbriés cunha presión alta e moi intensa, buscando facer dano nas contras. Pouco a pouco o Dumbría ía calmando o partido e chegando a área de María, pero foi o Ponteceso o que se adiantaba á media hora cun gol de cabeza de Andrea.

Na segunda parte o Dumbría daría un paso adiante, aínda cas locais non baixabano ritmo en ningun momento e ameazaban continuamente a portería de Lis. Pero a meta dumbriesa estivo firme, e acabou sendo a protagonista do choque. Non foi ata o minuto 81 cando o Dumbría conseguía empatar, nun córner, levando a eliminatoria á quenda de penaltis.

E volveu aparecer Lis, parando dous penaltis e permitindo que o cuarto, lanzando por Claudia, fose suficiente para pasar de eliminatoria.

Camariñas - Cabana (0-0)

Camariñas: Desirre, María Mouzo, Aurifero, Rosana, Rocío, Elena, Paula Mouzo, Laura Garrote, Keren, Nuria e María. Tamén: Ainoa, Lola, Natalia, Lara e Leti.
Miriam, Alison, Sheila, Aroa, Begoña (Antia), Inma,Alejandra (Jessi Rojo, Iria, Isabel (Saray), Irene e Adriana.

Partido moi disputado con alternativas e con poucas ocasións de gol xa que calquera dos dous equipos non daban opción. Só as xogadas a balón parado levaban certo perigo. A mellor ocasión das locais foi un balón que tocou no longueiro de Karen e as porteiras solventaron ben o traballo que tiveron.

Ao final empate a 0 e nos penaltis as de Camariñas estiveron máis acertadas e despois do oitavo lanzamento acadaron a clasificación. Foi Elena a autora do penalti decisivo.

Mazaricos - Xallas (0-2)

Mazaricos: Valeria, Silvia, María Senra, Mariña, Fátima, Buján, Raquel, Claudia, Lúa, Ánxela. Tamén: Paula Maneiro, Paula Rod., Leire, María Antelo, Iria, Saray e Cerbán.

Xallas: Rosio, Clarla, Saskia, Paula, Andrea Barbeira, Andrea Otero, Michelle, Noelia e Olalla. Tamén: Inés, Yasmina, Daniela, Laura e Claudia Facal.
Goles: 0-1, m.46: Noelia dende fóra da área; 0-2, m.62: Olalla.

Gran partido o vivido na Picota, cun Mazaricos que fixo un dos seus mellors partidos da temporada, pero non puido co experimentado cadro xalleiro. As amarelas estiveorn moi intensas, controlando a Olalla e Noelia con Claudia e Buján moi enriba. Intentanban roubar e saír á contra pero co paso dos minutos o dominio verde foise materializando en máis ocasións.

Despois do paso polos vestiarios chegaría o tanto de Noela dende fóra da área, cun golazo ante os aplausos da bancada. Co 0-1 as de Rachón tiveron unha de Mariña dende fóra da área que se foi por pouco e duas xogadas despois chegaria o 0-2, por parte de Olalla tras unha boa xogada colectiva. Estirou liñas o cadro amarelo, pero non conseguiría mover o marcador.