Non descubrimos nada. Toda a Costa coñece a marabilla que é a praia de Gures, un dos poucos recantos que quedan virxes en Cee. Espectacular paraxe salvaxe (agora ameazada polos eólicos), cunha praia virxe, e unha agra que a separa da estrada que te deixa no medio da natureza cunha sensación de illamento que se agradece.

A praia de Gures pasa por ser a praia preferida de moita xente da Costa. A súa orientación fai que sexa unha das poucas abrigadas do nordés, e o seu difícil aceso fai que sexa tan agreste, virxe e non masificada. Pero tamén, non apta para todas as idades.

Dende o areal podemos disfrutar tamén da impresionante vista da siluteta de Fisterra, unha das imaxes máis icónicas da Costa da Morte. O Monte Pindo a man esquerda sobe e sobe por riba do pobo, que queda ben fermoso aló embaixo. Un regato no medio e medio da praia, que deixa formas entre a area e as rochas como estas. Unha pequena furna na cara sur, e un chiringo na cara norte, que dá ao fermoso lugar de Caneliñas, fan deste espacio algo especial.

A zona está chea de restos de construción non moi antigas, que xa fican sumerxidas na maleza de xestas, silvas e toxos. Estas contrucións, a modo de valados, ou de galpóns, reflicten que ata non moitos anos, toda a zona era traballada polos veciños. A agra.

O lugar de Gures escada pola parte alta da agra, cara a estrada, con fermosos hórreos e edificacións tanto antigas como novas.

Como chegar

Pola estrada que sae de Cee a Carnota, antes de chegar ao Ézaro, xusto antes de chegar ao cemiterio, hai un edificio terriblemente construido á beira da estrada. Aí se pode deixar o coche e dende aí hai que baixar un camiño que sae paralelo á estrada dirección Cee, e podes chegar andando uns 5 minutos, superando unha última zona rochosa.

MÁIS RECUNCHOS DA COSTA

• Os Secadoiros de Congro de Muxía.
• Praia de Arnado.
• A ruta dos Muíños do Río Negro.
• Praia de Soesto.
• Praia de Beo.
• O miradoiro do Monte Perrol e a súa mámoa.
• A Ponte de Brandomil.
• Praia de Rebordelo.
• A praia de Seiruga e Area Pequena.
• O Rego dos Muíños.
• Castro Borneiro.
• A Férveda de San Paio ou Entrecruces.
• A Férveda de Rus.
• As fervenzas de Pedrafigueira.
• A Fervenza de Budián.
• A Fervenza de Parga.
• A Fervenza do Rabiñoso.
• Os Penedos de Traba e Pasarela.
• A Fervenza de Vioxo-Chacín.
• A Fervenza de Santa Locaia.
• A praia de Seaia.
• A praia da Barda.
• Os Muíños da Ribeira.
• A área fluvial de Verdes.
• O Pozo da Orca.
• Praia fluvial de Carreira.
• As casetas da Feira na A Ponte Olveira.
• Pico de Meda.
• O Pozo Encantado de Salgueiros.
• O Fuso da Moura
• Pedrafita do Marco da Anta ou Menhir de Erboedo.
• A Ponte do Peón de San Crimezo do Ézaro.
• Cabo Roncudo.
• A ponte da Pontenova.
• A Furna do Osmo.
• Mirador de Louredo.
• A área recreativa de Gabenlle.
• O Cabo, e Faro, Vilán.
• As praias de Reira e o foxo do lobo.
• O Cemiterio dos Ingleses.
• As praias do Trece e a Duna Monte Branco.
• O hórreo de Carnota.
• O hórreo de Lira.
• A Fervenza de Noveira.
• O Casco Vello de Corcubión.
• Os petroglifos de Boallo.